1 «Woo maaganda se ay binoo ga jijiri,
2 Wa haŋajer, wa haŋajer nga jindoo kaatoo se,
3 A ga nga jiŋjiŋyanoo tee beenaa kul ra,
4 Woo banda ga, jinde ga kaati.
5 Irkoy jinde kayfantaa ga jiŋjiŋ,
6 A ga nee neežoo se: ‹Kaŋ laboo ga!›
7 Takaa woo nda a ga adamizey goyey kayandi,
8 Adabbawey huru ngi tugudogey ra,
9 Hew beeroo si hun kala gurma hugoo ra,
10 Irkoy hunsaroo ga hari tee galaši,
11 A ga duulawey jeeje nda tayroo,
12 Nga no mʼi bere-bere nongoo kul here,
13 A ga hima nda gobu nda a ga laboo kar,
14 Ayuba, haŋajer woo se!
15 Nʼga takaa bay kaŋ nda Irkoy ga duulawey juwal,
16 Nʼga takaa bay kaŋ nda duulawey ga kay ngi dogey ra,
17 Ni kaŋ ni bankaarawey ga koron,
18 ni mma hin ka Irkoy faaba ka duulawey daaru
19 Hayaa har ir se kaŋ ir ga hima kʼa har a se,
20 Nda ay šelaŋ, a ga hima ka maarʼa wala?
21 Sohõ da ir si dii gaayoo kaŋ ga nere duulawey dumaa ga,
22 Gaay kaŋ ga hima wura ga nere ka hun hawsa here.
23 Ir si hin ka too hala Hini-kul-koyoo do,
24 Woo maaganda se adamizey ga hima ka hunbur a,