1 «Ay si hunsar boryo,
2 Ɲooɲokawyaŋ gʼay kuubi kʼay bere,
3 Irkoy, ay gʼa wiri ni ga, ma tolme jisi ni do ya ne,
4 Nʼna ngi biney daabu i masi faham,
5 A ga hima nda boro kaŋ na nga cerey hoyandi,
6 I nʼay tee boro kaŋ i gʼa haaru,
7 Ay moogunaa žabu dooray se,
8 Boro šerrantey ga kayfi nda ay misoo,
9 Boro laadirantaa ga durkutu ka cindi nga fondaa ga,
10 Ay gʼa wiri war ga, war kul ma yee ka šintin,
11 Agay aloomuroo ben,
12 I ga nee kaŋ cijinoo ti zaaroo,
13 Nongoo kaŋ ay gʼa tammahã,
14 Ay ga kaati guusoo ga ka nee:
15 Man ay naataa?
16 A ga zunbu ka koy alaahara ganboo do,