1 Waati follokaa ra Musa nda Izirayel borey na doonoo woo don Abadantaa maaɲoo ga. I nee:
2 Abadantaa ti ay gaaboo nda ay doonoo addaliloo.
3 Abadantaa manʼti kala wongaari.
4 A na Firawuuna bari torkawey nda nga wongu-izey warra haroo ra.
5 Haroo bondawey nʼi daabu,
6 Abadantaa, ni kabe gumaa na ni hinoo cebe.
7 Ni kokoytaraa beeriyanoo ra nʼga borey warra ganda kaŋ ture ni ga.
8 Ni hunsaroo gaaboo na haroo marga.
9 Iberoo nee: ‹Ay gʼi gaarandi, ay ga duu ey,
10 Nʼna ni hewoo funsu,
11 Koyey ra, may ti ni cine koy, Abadantaa?
12 Nʼna ni kabe gumaa šerre,
13 Ni arrahamaa nda nʼna ni jamaa gongu,
14 Jamawey maarʼa, i jijiri.
15 Waatoo din Edom boŋkoyney zalba.
16 Jitiyan nda hunburay kaŋ i boŋ.
17 Nʼga huru i jine kʼi gorandi tondi hondoo boŋ kaŋ ti ni wane,
18 Abadantaa, nʼga laama waati kul hala abada.»
19 Waatoo kaŋ Firawuuna baryey, nda nga torkawey, nda nga bari kaarukey huru teekoo ra, Abadantaa na teekoo haroo yee katandi kʼa gum i boŋ. Amma Izirayel borey bisa teekoo gamoo ra labu kogaa ga.
20 Annabi Maryama kaŋ ti Haruna woymaa na dunduŋoo zaa, woyey kul fatta ka hanga a, i ga hooray nda dunduŋoo, i ga gan.
21 Maryama ga tuuru ka nee i se:
22 Musa na Izirayel ka hun Kakaarey teekoo do ka koy Šur saajoo ra. I dira jirbi hinza saajoo ra i mana duu hari.
23 I too Mara, amma i mana hin ka Mara haroo haŋ, zama a mma hottu. Woo se i na nongoo maaɲoo daŋ Mara (maanaa «hottay»).
24 Jamaa ŋuunuŋuunu Musa ga ka nee: «Macin no ir gʼa haŋ?»
25 A kaati ka Abadantaa cee, Abadantaa na bundu dumi cebe a se. Musa nʼa warra haroo ra, haroo bere ka tee haya kaŋ si hottu. No din ra a na ašariyayaŋ nda yaamaryaŋ gorandi jamaa se. No din da ra a nʼi sii.
26 A nee: «Nda nʼga haŋajer ka boori Abadantaa, ni Koyoo šennoo se, nda nʼga haya tee kaŋ ga henan a jine, nda nʼga haŋajer nga ašariyawey, nda nʼga nga yaamarey kul dii, wircey kaŋ ay nʼi daŋ Misira borey ra, ba affoo si duu ni, zama agay ti Abadantaa kaŋ ga ni noo gaaham baani.»
27 Izirayel borey too Elim, no din ra hariɲaa woy cindi hinka (12) goo, nda teenayɲaa woyye (70). I goro no din haroo jeroo ga.