1 Waatoo kaŋ Abadantaa na Dawda kaa nga iberey kul kabey ra kʼa kaa Sawul kaboo ra, nga ra Dawda na baytoo woo kalimawey don ka Abadantaa saabu.
2 A nee: «Abadantaa ti ay Tondoo,
3 Irkoy ti ay Tondoo, nga ga ay ga wakkal,
4 Ay ga kaati ka nee: ‹Albarka ma bara Abadantaa se!›
5 Bondawey kaŋ ga wiiya nʼay daabu,
6 Alaahara karfey nʼay kuubi kʼay bere,
7 Ay binemarayyanoo ra, ay na Abadantaa cee,
8 Laboo guzuguzu, a jijiri,
9 Dullu no ma hun niiney ra,
10 A na beenaa šiirandi ka zunbu,
11 A mana kaaru kala almalayka boŋ kaŋ se i ga nee šerib ka deeši,
12 A na kubaa tee nga tendaa,
13 Gaay ga dii a jine,
14 Abadantaa kaatoo jiŋjiŋyanoo hun beenaa ra,
15 A na biraw-izeyaŋ warra kʼi say,
16 Abadantaa burbusuyanoo ga,
17 Irkoy goo beene,
18 A gʼay kaa agay iberi gaabantaa ra,
19 Ay bonaa zaaroo hane iberey kay ay jine ngi mʼay tangam,
20 A nʼay kaa ifutu ra kʼay feeri,
21 Abadantaa nʼay šerretaraa guna ka goy ya ne,
22 zama ay na Abadantaa fondawey gana,
23 Nga hantumey kaŋ kayandi kul goo ay jine,
24 Ay laadir a jine,
25 Woo se Abadantaa nʼay bana ka sawa nda ay šerretaraa,
26 Boro kaŋ ga laadir, nʼga goy a se nda laadirtaray,
27 Boro kaŋ ga henan, nʼga goy a se nda henanyan,
28 Nʼga boro yalaafantey hallasi,
29 Abadantaa, ni ti ay fitillaa,
30 Ni bande ay ga sar ka gum wongu-ize jama ga,
31 Irkoy fondaa tee ka timme,
32 Adiši may ti Irkoy nda manʼti Abadantaa?
33 Irkoy ti ay nongu gaabantaa,
34 A gʼay cewey cahãndi sanda jeeri,
35 A gʼay kabey waanandi wongu,
36 Nʼgʼay noo ni koraa kʼay hallasi,
37 Nʼgʼay cee diraa fondaa hayandi,
38 Ay ga agay iberey gaarandi, ay gʼi halaci.
39 Ay gʼi wii kʼi halaci,
40 Nʼna albarka tee ya ne gamahaw wongoo se,
41 Nʼga agay iberey zurandi ay jine,
42 I ga guna nongoo kul here, amma hallasikaw sii no.
43 Ay gʼi tutubu kʼi tee hamni sanda bolongu.
44 Nʼgʼay kaa ay jamaa gurgay ra,
45 Yawyaŋ gʼay zanzaŋ,
46 Yawey alfaydaa ben,
47 Abadantaa ga huna, albarka ma bara ay Tondoo se!
48 Irkoy ga faasa ya ne,
49 A gʼay hallasi kʼay kaa agay iberey ra.
50 Woo maaganda se, Abadantaa, ay ga albarka daŋ ma ne gandawey ra,
51 Abadantaa ga haya beeriyaŋ tee nga kokoyoo hallasiroo se.