1 Waatoo kaŋ Izirayel borey koy Irkoy sundukoo zaa kate, i nʼa daŋ hukkumoo kaŋ Dawda nʼa cin a se gundoo ra. I na sargari kukuranteyaŋ nda alaafiya teendi sargariyaŋ kaa Irkoy jine.
2 Waatoo kaŋ Dawda na sargari kukurantey nda alaafiya teendi sargarey kaa ka ben, a gaara jamaa se Abadantaa maaɲoo ga.
3 Woo banda ga, a na takula foo, nda teenay gabante foo, nda alaneb-ize koga gabante foo noo Izirayel boro foo kul se, woy nda aru.
4 Dawda na Lewi boroyaŋ suuba kʼi daŋ Abadantaa sundukoo goyoo ra, i ma Abadantaa, Izirayel Koyoo šifa, ka albarka tee a se, kʼa saabu.
5 Asaf ti ngi jineboraa, Zakariya goo dumaa ga, nda Yeyiyel, nda Šemiramot, nda Yehiyel, nda Matitiya, nda Eliyab, nda Benaya, nda Obed-Edom, Yeyiyel. Kurbukarkawyaŋ nda kuntijikarkawyaŋ no. Asaf ga guuruyaŋ kaŋ ga kara-kara hẽenandi.
6 Sargari juwalkey kaŋ ti Benaya, nda Yahaziyel, i na waatoo kul tee i ga laati beeri hẽenandi Irkoy amaanaa sundukoo jine.
7 Hanoo din ti cee jinaa kaŋ Dawda na Asaf nda nga armey daŋ i ma Abadantaa saabu ka nee:
8 Wa Abadantaa saabu, war ma maaɲoo cee!
9 Wa don a se, wa don kʼa saabu,
10 Wa fooma nda nga maa henanantaa,
11 Wa Abadantaa nda nga gaaboo ceeci,
12 Wa hongu haya kayfantey kaŋ a nʼi tee,
13 war kaŋ ti Izirayel, nga tamoo hayroo,
14 Nga ti Abadantaa, ir Koyoo,
15 War ma hongu nga amaanaa waati kul,
16 woo kaŋ a nʼa daŋ nga nda Ibirahima game,
17 A nʼa kayandi sanda ašariya Yakuba se,
18 A nee: «Ay ga kaa ka ni noo Kanaŋ gandaa,
19 Alwaatoo din, boro hinna kaccu no,
20 I ga yaara gandawey nda cere game,
21 Amma Irkoy mana naŋ boro kul mʼi šiita,
22 A nee: «War masi tuku agay suubantey kaŋ yonandi ga,
23 Laboo kul cere ra, ma don Abadantaa se!
24 Wa nga daržaa har dumey kul game,
25 Zama Abadantaa ga beeri, a ga hanse ka saabandi,
26 Zama jamawey kul koyey manʼti kala taari koyyaŋ,
27 Beeray nda darža manʼti kala nga wane,
28 Jamawey alaayan beerey, wa beeray nda hini daŋ Abadantaa se,
29 Wa Abadantaa noo nga maaɲoo daržaa,
30 Laboo kul borey ma jijiri Abadantaa jine,
31 Yala beenaa ma ɲaali! Laboo ma farhã
32 yala teekoo nda haya kul kaŋ goo a ra ma dunduŋ!
33 Waatoo din hawsaa tuurey ga kaati nda ɲaali Abadantaa jine,
34 Wa Abadantaa šifa, zama a ga boori,
35 Koyne mo war ma nee:
36 Albarka ma bara Abadantaa, Izirayel Koyoo se,
37 Woo banda ga, Dawda na Asaf nda nga armey naŋ Abadantaa amaanaa sundukoo jine, i ma cindi ka goy sundukoo jine waati kul, zaari kul goyoo kaŋ ga hima ka teendi, i gʼa tee.
38 A na Obed-Edom nda nga arma woydu cindi yaaha (68) kar i ga nda Obed-Edom kaŋ ti Yedutun izʼaroo, nga nda Hosa, ngi ti hugoo miɲoo lakkalkey.
39 Abadantaa gorodogoo kaŋ goo hodaddaa boŋ kaŋ goo Gabawoŋ, Dawda na sargari juwalkaa Sadok nda nga arma sargari juwalkaw cindey daŋ i ma koy no din,
40 hala i ma sargari kukuranteyaŋ kaa waati kul sargari kukurantey tonadogoo ra Abadantaa maaɲoo ga, cijin nda zaari, i ma hayaa kul tee kaŋ hantumandi Abadantaa ašariyaa ra kaŋ nda a na Izirayel yaamar.
41 Hemaŋ nda Yedutun goo borey din ra, ngi nda borey kaŋ suubandi ka maaɲey har, kaŋyaŋ ga cindi ka Abadantaa saabu, nga borohennataraa si ben abada!
42 Hemaŋ nda Yedutun kone laati beeriyaŋ goo, nda guuruyaŋ kaŋ ga kara-kara, nda hooray jinay cindiyaŋ ga hanga saabuyan dooney bande. Yedutun izʼarey no ma hukkumoo miɲoo lakkal.
43 Woo banda ga, jamaa kul koy ngi hugey do, Dawda willi nga do, a koy gaara nga hugoo borey se.