1 Qibiliu fugie honshan danlazhi 15 nien olukude Benjiu-BiladoYudayade shenzhan danlazho. HherodeJialilide on danlazho, jiuni FeiliItuliyaji Telakenide on danlazho, LisanieYabilinide on danlazho.
2 Yanasi, Gaiyafaghala zui fugie buwa danlazho. Hhe shihoude Hudai kielien Sajialiyani kewon Yaheiyade bouzhewo. Yaheiya hontande souzho.
3 Hhe Yedanheni hhemien enemiende yozhi kunlade xili gieghazhi, "Ta geizhen giendu, Huda tai zuini rouliene." giezhi chonjizhi kieliezho.
4 Isaiya xienzhini shu jiere huaizho,
5 Ghonni man jienjizhi pindaghane.
6 Ingiese kunla man Hudai jiuikuni uzhene.'"
7 Yaheiya xili jienliele iresan kunlade kieliewo, "Du mogheini zhunzhughala, kien tande jianlai ireku Hudai hokukuse anda shidane giezhi kieliewo?
8 Ta geizhen giesanne giekughala zhenmin gie. Iburaheimushi bijienyi xienren wo giezhi ta zhughedene bu sumula. Bi tande kielieye, Huda ene tashilani Iburaheimuni houdei gholugha shidane.
9 Ede sugiei mutun genzide teiwo. Gou alima ulie souku mutunlani man chizhidene khande teine."
10 Kunla asawo, "Qingiese bijien matugiene?"
11 Yaheiya kieliewo, "Ghua jien bisan kunla jien witu kunlade ogi. Ijiewuni bisan kunla ye qingiezhi gie."
12 Shui shanjisan kunlaye xili giele iredene asawo, "Loushi, bijien matugiese gouwo?"
13 Yaheiya kieliewo, "Zhao hhe shuzighala kere, hhense olon bu kere."
14 Pse niezhan buduilaye asawo, "Bijien matugiese gou wo?" Yaheiya kieliewo, "Kunlani ayighazhi baer bu kere. Kunlai hu bu zha. Tande ogisan gunzi kuzho gie."
15 Hhe shihoude kunla man Mexihani panjizho. Ingiese kunla zhughedene sumulazhi Yaheiyashi Mexiha wo giezho.
16 Yaheiya hhelade kieliewo, "Bi usughala tai xili gieghazhoma, mase khuina irechen kun mase nenli fugie wo. Bi hhende mahei deizi andaghaseye pei dane. Hhe Shenlin, khanghala tai xili gieghane.
17 Hhe khadene baqi bareizhi tughonni boudeii baqiliezhi agidene cankude zhonlone. Arasunlai ulie xinieku khande teine."
18 Yaheiya pse olon kielienghala kunlade gouxioxini jianjizhi kieliewo.
19 Melieshida Hherode on jiune bierei Xilojini agiwo. Hhe melieshidase huaishi olon giewo. Yaheiya hheni kheilasenu
20 pse nie huaishi giezhi Yaheiyani bafanzide khawo.
21 Yaheiya kunlai xili gieghakude Ersaiye hhantu gieghawo. Ersa onxian giekude asiman keidene
22 Shenlin hhei jiere bouzhewo. Yanzini ghoghochenyi xianli. Ingiedene asiman jierese shenqi irezhi kieliewo, "Chishi bi oresan kewon wo. Bi chade xiqi wo."
23 Ersa chonji keise chabudu 30 olune.
24 Xilishi Matani kewon wo.
25 Yusufushi Mataqiyani kewon wo.
26 Nagaishi Mayani kewon wo.
27 Yedashi Yehananni kewon wo.
28 Nilishi Maijini kewon wo.
29 Ershi Yeshuyani kewon wo.
30 Liwishi Ximienni kewon wo.
31 Iliyajinshi Miliyani kewon wo.
32 Dawudeshi Yexini kewon wo.
33 Nashunshi Yaminadani kewon wo.
34 Yudashi Yagebuni kewon wo.
35 Naheshi Xiluni kewon wo.
36 Shalashi Gainanni kewon wo.
37 Lamaishi Matusalani kewon wo.
38 Gainanshi Inoshini kewon wo.