1 Enense khuinashi bi chanlase nie fugie nenlitu qienxien asimanse bouzhezho, hhei fama zemin jiere gon zhouizho.
2 Hhe fugie shenqighala waradazhi kieliezho,
3 Soyuji gojiala hhei lon kijieku fugie nefuxinde sudozho.
4 Bi pse sonosuse asimanse da nie shenqi kieliezho,
5 Hhei zui zemin jiere duruzhi
6 Hhe kunlade matugie giese hhendeye qingiezhi gie.
7 Hhe goyane matugie kuaizhi matugie gofende baerni lon huaizhoshi
8 Ingiese hhei zeinanla man niudude irene.
9 Hhere hhantu lon kijiezhi gofende lon baer huaisan zemin jieredu honshanla hhei tuliesan funii chanladene hhende oluzhi hende wilane.
10 Hhela hhe tendun shouisanse ayizhi gholode beidene,
11 Zemin jieredu meimei giesan kunla hhende oluzhi hende wilakushi hhelai dunxilai agichen kun pse widawo.
12 Ene dunxilashi antan, miengu, boushi, zhenzhu, gou bosi, zisheini seiliu, donzi, dahunseni seiliu, yanyanji xian winetu mutun, daxianni shidunghala giesan yanyanji dunxi, guizhuntu mutun, tun, qiemu, guizhuntu tashighala giesan yanyanji dunxi,
13 rougui, doukou, xian, xianshui, andatu osun, jiu, tosun, ghurun, boudei, fughe, ghoni, morei, mache, pse hoji wo.
14 Meimei giesan kunla kieliezho.
15 Hhe chenshide meimei giezhi facai giesan kunla hhe tendun shouisanse ayizhi gholode beidene hende wilazhi kieliezho,
16 "Gou widawo! Gou widawo!
17 Niecha jiere imekie bayannila wida khiwo!"
18 hhei tuliesan funii chanladene waradazhi kieliezho, "Yan chenshi ene chenshise fama wo?"
19 Hhela pse turani qiorun jierene teidene hende wilazhi waradazhi kieliezho,
20 Asimanya, shentu, shitu, xienzhilaya,
21 Nie fugie liliantu qienxien nie fugie qiemansha mutun tashini qila haide bendadene kieliezho,
22 Qin tanjisan, don doulasan, xiu feiliesan, laba feiliesan shenqini
23 Zhulani gon
24 Xienzhi, shentu, da zemin jieredu soyuji alasan kunlai chusunni