1 ཨནནྟརཾ ས ཏཏྶྠཱནཱཏ྄ པྲསྠཱཡ ཡརྡྡནནདྱཱཿ པཱརེ ཡིཧཱུདཱཔྲདེཤ ཨུཔསྠིཏཝཱན྄, ཏཏྲ ཏདནྟིཀེ ལོཀཱནཱཾ སམཱགམེ ཛཱཏེ ས ནིཛརཱིཏྱནུསཱརེཎ པུནསྟཱན྄ ཨུཔདིདེཤ།
2 ཏདཱ ཕིརཱུཤིནསྟཏྶམཱིཔམ྄ ཨེཏྱ ཏཾ པརཱིཀྵིཏུཾ པཔྲཙྪཿ སྭཛཱཡཱ མནུཛཱནཱཾ ཏྱཛྱཱ ན ཝེཏི?
3 ཏཏཿ ས པྲཏྱཝཱདཱིཏ྄, ཨཏྲ ཀཱཪྻྱེ མཱུསཱ ཡུཥྨཱན྄ པྲཏི ཀིམཱཛྙཱཔཡཏ྄?
4 ཏ ཨཱུཙུཿ ཏྱཱགཔཏྲཾ ལེཁིཏུཾ སྭཔཏྣཱིཾ ཏྱཀྟུཉྩ མཱུསཱ྅ནུམནྱཏེ།
5 ཏདཱ ཡཱིཤུཿ པྲཏྱུཝཱཙ, ཡུཥྨཱཀཾ མནསཱཾ ཀཱཋིནྱཱདྡྷེཏོ རྨཱུསཱ ནིདེཤམིམམ྄ ཨལིཁཏ྄།
6 ཀིནྟུ སྲྀཥྚེརཱདཽ ཨཱིཤྭརོ ནརཱན྄ པུཾརཱུཔེཎ སྟྲཱིརཱུཔེཎ ཙ སསརྫ།
7 "ཏཏཿ ཀཱརཎཱཏ྄ པུམཱན྄ པིཏརཾ མཱཏརཉྩ ཏྱཀྟྭཱ སྭཛཱཡཱཡཱམ྄ ཨཱསཀྟོ བྷཝིཥྱཏི,
8 ཏཽ དྭཱཝ྄ ཨེཀཱངྒཽ བྷཝིཥྱཏཿ། " ཏསྨཱཏ྄ ཏཏྐཱལམཱརབྷྱ ཏཽ ན དྭཱཝ྄ ཨེཀཱངྒཽ།
9 ཨཏཿ ཀཱརཎཱད྄ ཨཱིཤྭརོ ཡདཡོཛཡཏ྄ ཀོཔི ནརསྟནྣ ཝིཡེཛཡེཏ྄།
10 ཨཐ ཡཱིཤུ རྒྲྀཧཾ པྲཝིཥྚསྟདཱ ཤིཥྱཱཿ པུནསྟཏྐཐཱཾ ཏཾ པཔྲཙྪུཿ།
11 ཏཏཿ སོཝདཏ྄ ཀཤྩིད྄ ཡདི སྭབྷཱཪྻྱཱཾ ཏྱཀྟཝཱནྱཱམ྄ ཨུདྭཧཏི ཏརྷི ས སྭབྷཱཪྻྱཱཡཱཿ པྲཱཏིཀཱུལྱེན ཝྱབྷིཙཱརཱི བྷཝཏི།
12 ཀཱཙིནྣཱརཱི ཡདི སྭཔཏིཾ ཧིཏྭཱནྱཔུཾསཱ ཝིཝཱཧིཏཱ བྷཝཏི ཏརྷི སཱཔི ཝྱབྷིཙཱརིཎཱི བྷཝཏི།
13 ཨཐ ས ཡཐཱ ཤིཤཱུན྄ སྤྲྀཤེཏ྄, ཏདརྠཾ ལོཀཻསྟདནྟིཀཾ ཤིཤཝ ཨཱནཱིཡནྟ, ཀིནྟུ ཤིཥྱཱསྟཱནཱནཱིཏཝཏསྟརྫཡཱམཱསུཿ།
14 ཡཱིཤུསྟད྄ དྲྀཥྚྭཱ ཀྲུདྷྱན྄ ཛགཱད, མནྣིཀཊམ྄ ཨཱགནྟུཾ ཤིཤཱུན྄ མཱ ཝཱརཡཏ, ཡཏ ཨེཏཱདྲྀཤཱ ཨཱིཤྭརརཱཛྱཱདྷིཀཱརིཎཿ།
15 ཡུཥྨཱནཧཾ ཡཐཱརྠཾ ཝཙྨི, ཡཿ ཀཤྩིཏ྄ ཤིཤུཝད྄ བྷཱུཏྭཱ རཱཛྱམཱིཤྭརསྱ ན གྲྀཧླཱིཡཱཏ྄ ས ཀདཱཔི ཏདྲཱཛྱཾ པྲཝེཥྚུཾ ན ཤཀྣོཏི།
16 ཨནནཏརཾ ས ཤིཤཱུནངྐེ ནིདྷཱཡ ཏེཥཱཾ གཱཏྲེཥུ ཧསྟཽ དཏྟྭཱཤིཥཾ བབྷཱཥེ།
17 ཨཐ ས ཝརྟྨནཱ ཡཱཏི, ཨེཏརྷི ཛན ཨེཀོ དྷཱཝན྄ ཨཱགཏྱ ཏཏྶམྨུཁེ ཛཱནུནཱི པཱཏཡིཏྭཱ པྲྀཥྚཝཱན྄, བྷོཿ པརམགུརོ, ཨནནྟཱཡུཿ པྲཱཔྟཡེ མཡཱ ཀིཾ ཀརྟྟཝྱཾ?
18 ཏདཱ ཡཱིཤུརུཝཱཙ, མཱཾ པརམཾ ཀུཏོ ཝདསི? ཝིནེཤྭརཾ ཀོཔི པརམོ ན བྷཝཏི།
19 པརསྟྲཱིཾ ནཱབྷིགཙྪ; ནརཾ མཱ གྷཱཏཡ; སྟེཡཾ མཱ ཀུརུ; མྲྀཥཱསཱཀྵྱཾ མཱ དེཧི; ཧིཾསཱཉྩ མཱ ཀུརུ; པིཏརཽ སམྨནྱསྭ; ནིདེཤཱ ཨེཏེ ཏྭཡཱ ཛྙཱཏཱཿ།
20 ཏཏསྟན པྲཏྱུཀྟཾ, ཧེ གུརོ བཱལྱཀཱལཱདཧཾ སཪྻྭཱནེཏཱན྄ ཨཱཙརཱམི།
21 ཏདཱ ཡཱིཤུསྟཾ ཝིལོཀྱ སྣེཧེན བབྷཱཥེ, ཏཝཻཀསྱཱབྷཱཝ ཨཱསྟེ; ཏྭཾ གཏྭཱ སཪྻྭསྭཾ ཝིཀྲཱིཡ དརིདྲེབྷྱོ ཝིཤྲཱཎཡ, ཏཏཿ སྭརྒེ དྷནཾ པྲཱཔྶྱསི; ཏཏཿ པརམ྄ ཨེཏྱ ཀྲུཤཾ ཝཧན྄ མདནུཝརྟྟཱི བྷཝ།
22 ཀིནྟུ ཏསྱ བཧུསམྤདྭིདྱམཱནཏྭཱཏ྄ ས ཨིམཱཾ ཀཐཱམཱཀརྞྱ ཝིཥཎོ དུཿཁིཏཤྩ སན྄ ཛགཱམ།
23 ཨཐ ཡཱིཤུཤྩཏུརྡིཤོ ནིརཱིཀྵྱ ཤིཥྱཱན྄ ཨཝཱདཱིཏ྄, དྷནིལོཀཱནཱམ྄ ཨཱིཤྭརརཱཛྱཔྲཝེཤཿ ཀཱིདྲྀག྄ དུཥྐརཿ།
24 ཏསྱ ཀཐཱཏཿ ཤིཥྱཱཤྩམཙྩཀྲུཿ, ཀིནྟུ ས པུནརཝདཏ྄, ཧེ བཱལཀཱ ཡེ དྷནེ ཝིཤྭསནྟི ཏེཥཱམ྄ ཨཱིཤྭརརཱཛྱཔྲཝེཤཿ ཀཱིདྲྀག྄ དུཥྐརཿ།
25 ཨཱིཤྭརརཱཛྱེ དྷནིནཱཾ པྲཝེཤཱཏ྄ སཱུཙིརནྡྷྲེཎ མཧཱངྒསྱ གམནཱགམནཾ སུཀརཾ།
26 ཏདཱ ཤིཥྱཱ ཨཏཱིཝ ཝིསྨིཏཱཿ པརསྤརཾ པྲོཙུཿ, ཏརྷི ཀཿ པརིཏྲཱཎཾ པྲཱཔྟུཾ ཤཀྣོཏི?
27 ཏཏོ ཡཱིཤུསྟཱན྄ ཝིལོཀྱ བབྷཱཥེ, ཏན྄ ནརསྱཱསཱདྷྱཾ ཀིནྟུ ནེཤྭརསྱ, ཡཏོ ཧེཏོརཱིཤྭརསྱ སཪྻྭཾ སཱདྷྱམ྄།
28 ཏདཱ པིཏར ཨུཝཱཙ, པཤྱ ཝཡཾ སཪྻྭཾ པརིཏྱཛྱ བྷཝཏོནུགཱམིནོ ཛཱཏཱཿ།
29 ཏཏོ ཡཱིཤུཿ པྲཏྱཝདཏ྄, ཡུཥྨཱནཧཾ ཡཐཱརྠཾ ཝདཱམི, མདརྠཾ སུསཾཝཱདཱརྠཾ ཝཱ ཡོ ཛནཿ སདནཾ བྷྲཱཏརཾ བྷགིནཱིཾ པིཏརཾ མཱཏརཾ ཛཱཡཱཾ སནྟཱནཱན྄ བྷཱུམི ཝཱ ཏྱཀྟྭཱ
30 གྲྀཧབྷྲཱཏྲྀབྷགིནཱིཔིཏྲྀམཱཏྲྀཔཏྣཱིསནྟཱནབྷཱུམཱིནཱམིཧ ཤཏགུཎཱན྄ པྲེཏྱཱནནྟཱཡུཤྩ ན པྲཱཔྣོཏི ཏཱདྲྀཤཿ ཀོཔི ནཱསྟི།
31 ཀིནྟྭགྲཱིཡཱ ཨནེཀེ ལོཀཱཿ ཤེཥཱཿ, ཤེཥཱིཡཱ ཨནེཀེ ལོཀཱཤྩཱགྲཱ བྷཝིཥྱནྟི།
32 ཨཐ ཡིརཱུཤཱལམྱཱནཀཱལེ ཡཱིཤུསྟེཥཱམ྄ ཨགྲགཱམཱི བབྷཱུཝ, ཏསྨཱཏྟེ ཙིཏྲཾ ཛྙཱཏྭཱ པཤྩཱདྒཱམིནོ བྷཱུཏྭཱ བིབྷྱུཿ། ཏདཱ ས པུན རྡྭཱདཤཤིཥྱཱན྄ གྲྀཧཱིཏྭཱ སྭཱིཡཾ ཡདྱད྄ གྷཊིཥྱཏེ ཏཏྟཏ྄ ཏེབྷྱཿ ཀཐཡིཏུཾ པྲཱརེབྷེ;
33 པཤྱཏ ཝཡཾ ཡིརཱུཤཱལམྤུརཾ ཡཱམཿ, ཏཏྲ མནུཥྱཔུཏྲཿ པྲདྷཱནཡཱཛཀཱནཱམ྄ ཨུཔཱདྷྱཱཡཱནཱཉྩ ཀརེཥུ སམརྤཡིཥྱཏེ; ཏེ ཙ ཝདྷདཎྜཱཛྙཱཾ དཱཔཡིཏྭཱ པརདེཤཱིཡཱནཱཾ ཀརེཥུ ཏཾ སམརྤཡིཥྱནྟི།
34 ཏེ ཏམུཔཧསྱ ཀཤཡཱ པྲཧྲྀཏྱ ཏདྭཔུཥི ནིཥྛཱིཝཾ ནིཀྵིཔྱ ཏཾ ཧནིཥྱནྟི, ཏཏཿ ས ཏྲྀཏཱིཡདིནེ པྲོཏྠཱསྱཏི།
35 ཏཏཿ སིཝདེཿ པུཏྲཽ ཡཱཀཱུབྱོཧནཽ ཏདནྟིཀམ྄ ཨེཏྱ པྲོཙཏུཿ, ཧེ གུརོ ཡད྄ ཨཱཝཱབྷྱཱཾ ཡཱཙིཥྱཏེ ཏདསྨདརྠཾ བྷཝཱན྄ ཀརོཏུ ནིཝེདནམིདམཱཝཡོཿ།
36 ཏཏཿ ས ཀཐིཏཝཱན྄, ཡུཝཱཾ ཀིམིཙྪཐཿ? ཀིཾ མཡཱ ཡུཥྨདརྠཾ ཀརཎཱིཡཾ?
37 ཏདཱ ཏཽ པྲོཙཏུཿ, ཨཱཝཡོརེཀཾ དཀྵིཎཔཱརྴྭེ ཝཱམཔཱརྴྭེ ཙཻཀཾ ཏཝཻཤྭཪྻྱཔདེ སམུཔཝེཥྚུམ྄ ཨཱཛྙཱཔཡ།
38 ཀིནྟུ ཡཱིཤུཿ པྲཏྱུཝཱཙ ཡུཝཱམཛྙཱཏྭེདཾ པྲཱརྠཡེཐེ, ཡེན ཀཾསེནཱཧཾ པཱསྱཱམི ཏེན ཡུཝཱབྷྱཱཾ ཀིཾ པཱཏུཾ ཤཀྵྱཏེ? ཡསྨིན྄ མཛྫནེནཱཧཾ མཛྫིཥྱེ ཏནྨཛྫནེ མཛྫཡིཏུཾ ཀིཾ ཡུཝཱབྷྱཱཾ ཤཀྵྱཏེ? ཏཽ པྲཏྱཱུཙཏུཿ ཤཀྵྱཏེ།
39 ཏདཱ ཡཱིཤུརཝདཏ྄ ཡེན ཀཾསེནཱཧཾ པཱསྱཱམི ཏེནཱཝཤྱཾ ཡུཝཱམཔི པཱསྱཐཿ, ཡེན མཛྫནེན ཙཱཧཾ མཛྫིཡྻེ ཏཏྲ ཡུཝཱམཔི མཛྫིཥྱེཐེ།
40 ཀིནྟུ ཡེཥཱམརྠམ྄ ཨིདཾ ནིརཱུཔིཏཾ, ཏཱན྄ ཝིཧཱཡཱནྱཾ ཀམཔི མམ དཀྵིཎཔཱརྴྭེ ཝཱམཔཱརྴྭེ ཝཱ སམུཔཝེཤཡིཏུཾ མམཱདྷིཀཱརོ ནཱསྟི།
41 ཨཐཱནྱདཤཤིཥྱཱ ཨིམཱཾ ཀཐཱཾ ཤྲུཏྭཱ ཡཱཀཱུབྱོཧནྦྷྱཱཾ ཙུཀུཔུཿ།
42 ཀིནྟུ ཡཱིཤུསྟཱན྄ སམཱཧཱུཡ བབྷཱཥེ, ཨནྱདེཤཱིཡཱནཱཾ རཱཛཏྭཾ ཡེ ཀུཪྻྭནྟི ཏེ ཏེཥཱམེཝ པྲབྷུཏྭཾ ཀུཪྻྭནྟི, ཏཐཱ ཡེ མཧཱལོཀཱསྟེ ཏེཥཱམ྄ ཨདྷིཔཏིཏྭཾ ཀུཪྻྭནྟཱིཏི ཡཱུཡཾ ཛཱནཱིཐ།
43 ཀིནྟུ ཡུཥྨཱཀཾ མདྷྱེ ན ཏཐཱ བྷཝིཥྱཏི, ཡུཥྨཱཀཾ མདྷྱེ ཡཿ པྲཱདྷཱནྱཾ ཝཱཉྪཏི ས ཡུཥྨཱཀཾ སེཝཀོ བྷཝིཥྱཏི,
44 ཡུཥྨཱཀཾ ཡོ མཧཱན྄ བྷཝིཏུམིཙྪཏི ས སཪྻྭེཥཱཾ ཀིངྐརོ བྷཝིཥྱཏི།
45 ཡཏོ མནུཥྱཔུཏྲཿ སེཝྱོ བྷཝིཏུཾ ནཱགཏཿ སེཝཱཾ ཀརྟྟཱཾ ཏཐཱནེཀེཥཱཾ པརིཏྲཱཎསྱ མཱུལྱརཱུཔསྭཔྲཱཎཾ དཱཏུཉྩཱགཏཿ།
46 ཨཐ ཏེ ཡིརཱིཧོནགརཾ པྲཱཔྟཱསྟསྨཱཏ྄ ཤིཥྱཻ རློཀཻཤྩ སཧ ཡཱིཤོ རྒམནཀཱལེ ཊཱིམཡསྱ པུཏྲོ བརྚཱིམཡནཱམཱ ཨནྡྷསྟནྨཱརྒཔཱརྴྭེ བྷིཀྵཱརྠམ྄ ཨུཔཝིཥྚཿ།
47 ས ནཱསརཏཱིཡསྱ ཡཱིཤོརཱགམནཝཱརྟྟཱཾ པྲཱཔྱ པྲོཙཻ ཪྻཀྟུམཱརེབྷེ, ཧེ ཡཱིཤོ དཱཡཱུདཿ སནྟཱན མཱཾ དཡསྭ།
48 ཏཏོནེཀེ ལོཀཱ མཽནཱིབྷཝེཏི ཏཾ ཏརྫཡཱམཱསུཿ, ཀིནྟུ ས པུནརདྷིཀམུཙྩཻ རྫགཱད, ཧེ ཡཱིཤོ དཱཡཱུདཿ སནྟཱན མཱཾ དཡསྭ།
49 ཏདཱ ཡཱིཤུཿ སྠིཏྭཱ ཏམཱཧྭཱཏུཾ སམཱདིདེཤ, ཏཏོ ལོཀཱསྟམནྡྷམཱཧཱུཡ བབྷཱཥིརེ, ཧེ ནར, སྠིརོ བྷཝ, ཨུཏྟིཥྛ, ས ཏྭཱམཱཧྭཡཏི།
50 ཏདཱ ས ཨུཏྟརཱིཡཝསྟྲཾ ནིཀྵིཔྱ པྲོཏྠཱཡ ཡཱིཤོཿ སམཱིཔཾ གཏཿ།
51 ཏཏོ ཡཱིཤུསྟམཝདཏ྄ ཏྭཡཱ ཀིཾ པྲཱརྠྱཏེ? ཏུབྷྱམཧཾ ཀིཾ ཀརིཥྱཱམཱི? ཏདཱ སོནྡྷསྟམུཝཱཙ, ཧེ གུརོ མདཱིཡཱ དྲྀཥྚིརྦྷཝེཏ྄།
52 ཏཏོ ཡཱིཤུསྟམུཝཱཙ ཡཱཧི ཏཝ ཝིཤྭཱསསྟྭཱཾ སྭསྠམཀཱརྵཱིཏ྄, ཏསྨཱཏ྄ ཏཏྐྵཎཾ ས དྲྀཥྚིཾ པྲཱཔྱ པཐཱ ཡཱིཤོཿ པཤྩཱད྄ ཡཡཽ།