1 ཏྲྀཏཱིཡཡཱམཝེལཱཡཱཾ སཏྱཱཾ པྲཱརྠནཱཡཱཿ སམཡེ པིཏརཡོཧནཽ སམྦྷཱུཡ མནྡིརཾ གཙྪཏཿ།
2 ཏསྨིནྣེཝ སམཡེ མནྡིརཔྲཝེཤཀཱནཱཾ སམཱིཔེ བྷིཀྵཱརཎཱརྠཾ ཡཾ ཛནྨཁཉྫམཱནུཥཾ ལོཀཱ མནྡིརསྱ སུནྡརནཱམྣི དྭཱརེ པྲཏིདིནམ྄ ཨསྠཱཔཡན྄ ཏཾ ཝཧནྟསྟདྭཱརཾ ཨཱནཡན྄།
3 ཏདཱ པིཏརཡོཧནཽ མནྟིརཾ པྲཝེཥྚུམ྄ ཨུདྱཏཽ ཝིལོཀྱ ས ཁཉྫསྟཽ ཀིཉྩིད྄ བྷིཀྵིཏཝཱན྄།
4 ཏསྨཱད྄ ཡོཧནཱ སཧིཏཿ པིཏརསྟམ྄ ཨནནྱདྲྀཥྚྱཱ ནིརཱིཀྵྱ པྲོཀྟཝཱན྄ ཨཱཝཱཾ པྲཏི དྲྀཥྚིཾ ཀུརུ།
5 ཏཏཿ ས ཀིཉྩིཏ྄ པྲཱཔྟྱཱཤཡཱ ཏཽ པྲཏི དྲྀཥྚིཾ ཀྲྀཏཝཱན྄།
6 ཏདཱ པིཏརོ གདིཏཝཱན྄ མམ ནིཀཊེ སྭརྞརཱུཔྱཱདི ཀིམཔི ནཱསྟི ཀིནྟུ ཡདཱསྟེ ཏད྄ དདཱམི ནཱསརཏཱིཡསྱ ཡཱིཤུཁྲཱིཥྚསྱ ནཱམྣཱ ཏྭམུཏྠཱཡ གམནཱགམནེ ཀུརུ།
7 ཏཏཿ པརཾ ས ཏསྱ དཀྵིཎཀརཾ དྷྲྀཏྭཱ ཏམ྄ ཨུདཏོལཡཏ྄; ཏེན ཏཏྐྵཎཱཏ྄ ཏསྱ ཛནསྱ པཱདགུལྥཡོཿ སབལཏྭཱཏ྄ ས ཨུལླམྥྱ པྲོཏྠཱཡ གམནཱགམནེ ྅ཀརོཏ྄།
8 ཏཏོ གམནཱགམནེ ཀུཪྻྭན྄ ཨུལླམྥན྄ ཨཱིཤྭརཾ དྷནྱཾ ཝདན྄ ཏཱབྷྱཱཾ སཱརྡྡྷཾ མནྡིརཾ པྲཱཝིཤཏ྄།
9 ཏཏཿ སཪྻྭེ ལོཀཱསྟཾ གམནཱགམནེ ཀུཪྻྭནྟམ྄ ཨཱིཤྭརཾ དྷནྱཾ ཝདནྟཉྩ ཝིལོཀྱ
10 མནྡིརསྱ སུནྡརེ དྭཱརེ ཡ ཨུཔཝིཤྱ བྷིཀྵིཏཝཱན྄ སཨེཝཱཡམ྄ ཨིཏི ཛྙཱཏྭཱ ཏཾ པྲཏི ཏཡཱ གྷཊནཡཱ ཙམཏྐྲྀཏཱ ཝིསྨཡཱཔནྣཱཤྩཱབྷཝན྄།
11 ཡཿ ཁཉྫཿ སྭསྠོབྷཝཏ྄ ཏེན པིཏརཡོཧནོཿ ཀརཡོརྡྷྚཏཡོཿ སཏོཿ སཪྻྭེ ལོཀཱ སནྣིདྷིམ྄ ཨཱགཙྪན྄།
12 ཏད྄ དྲྀཥྚྭཱ པིཏརསྟེབྷྱོ྅ཀཐཡཏ྄, ཧེ ཨིསྲཱཡེལཱིཡལོཀཱ ཡཱུཡཾ ཀུཏོ ྅ནེནཱཤྩཪྻྱཾ མནྱདྷྭེ? ཨཱཝཱཾ ནིཛཤཀྟྱཱ ཡདྭཱ ནིཛཔུཎྱེན ཁཉྫམནུཥྱམེནཾ གམིཏཝནྟཱཝིཏི ཙིནྟཡིཏྭཱ ཨཱཝཱཾ པྲཏི ཀུཏོ྅ནནྱདྲྀཥྚིཾ ཀུརུཐ?
13 ཡཾ ཡཱིཤུཾ ཡཱུཡཾ པརཀརེཥུ སམཱརྤཡཏ ཏཏོ ཡཾ པཱིལཱཏོ མོཙཡིཏུམ྄ ཨེैཙྪཏ྄ ཏཐཱཔི ཡཱུཡཾ ཏསྱ སཱཀྵཱན྄ ནཱངྒཱིཀྲྀཏཝནྟ ཨིབྲཱཧཱིམ ཨིསྷཱཀོ ཡཱཀཱུབཤྩེཤྭརོ྅རྠཱད྄ ཨསྨཱཀཾ པཱུཪྻྭཔུརུཥཱཎཱམ྄ ཨཱིཤྭརཿ སྭཔུཏྲསྱ ཏསྱ ཡཱིཤོ རྨཧིམཱནཾ པྲཱཀཱཤཡཏ྄།
14 ཀིནྟུ ཡཱུཡཾ ཏཾ པཝིཏྲཾ དྷཱརྨྨིཀཾ པུམཱཾསཾ ནཱངྒཱིཀྲྀཏྱ ཧཏྱཱཀཱརིཎམེཀཾ སྭེབྷྱོ དཱཏུམ྄ ཨཡཱཙདྷྭཾ།
15 པཤྩཱཏ྄ ཏཾ ཛཱིཝནསྱཱདྷིཔཏིམ྄ ཨཧཏ ཀིནྟྭཱིཤྭརཿ ཤྨཤཱནཱཏ྄ ཏམ྄ ཨུདསྠཱཔཡཏ ཏཏྲ ཝཡཾ སཱཀྵིཎ ཨཱསྨཧེ།
16 ཨིམཾ ཡཾ མཱནུཥཾ ཡཱུཡཾ པཤྱཐ པརིཙིནུཐ ཙ ས ཏསྱ ནཱམྣི ཝིཤྭཱསཀརཎཱཏ྄ ཙལནཤཀྟིཾ ལབྡྷཝཱན྄ ཏསྨིན྄ ཏསྱ ཡོ ཝིཤྭཱསཿ ས ཏཾ ཡུཥྨཱཀཾ སཪྻྭེཥཱཾ སཱཀྵཱཏ྄ སམྤཱུརྞརཱུཔེཎ སྭསྠམ྄ ཨཀཱརྵཱིཏ྄།
17 ཧེ བྷྲཱཏརོ ཡཱུཡཾ ཡུཥྨཱཀམ྄ ཨདྷིཔཏཡཤྩ ཨཛྙཱཏྭཱ ཀརྨྨཱཎྱེཏཱནི ཀྲྀཏཝནྟ ཨིདཱནཱིཾ མམཻཥ བོདྷོ ཛཱཡཏེ།
18 ཀིནྟྭཱིཤྭརཿ ཁྲཱིཥྚསྱ དུཿཁབྷོགེ བྷཝིཥྱདྭཱདིནཱཾ མུཁེབྷྱོ ཡཱཾ ཡཱཾ ཀཐཱཾ པཱུཪྻྭམཀཐཡཏ྄ ཏཱཿ ཀཐཱ ཨིཏྠཾ སིདྡྷཱ ཨཀརོཏ྄།
19 ཨཏཿ སྭེཥཱཾ པཱཔམོཙནཱརྠཾ ཁེདཾ ཀྲྀཏྭཱ མནཱཾསི པརིཝརྟྟཡདྷྭཾ, ཏསྨཱད྄ ཨཱིཤྭརཱཏ྄ སཱནྟྭནཱཔྲཱཔྟེཿ སམཡ ཨུཔསྠཱསྱཏི;
20 པུནཤྩ པཱུཪྻྭཀཱལམ྄ ཨཱརབྷྱ པྲཙཱརིཏོ ཡོ ཡཱིཤུཁྲཱིཥྚསྟམ྄ ཨཱིཤྭརོ ཡུཥྨཱན྄ པྲཏི པྲེཥཡིཥྱཏི།
21 ཀིནྟུ ཛགཏཿ སྲྀཥྚིམཱརབྷྱ ཨཱིཤྭརོ ནིཛཔཝིཏྲབྷཝིཥྱདྭཱདིགཎོན ཡཐཱ ཀཐིཏཝཱན྄ ཏདནུསཱརེཎ སཪྻྭེཥཱཾ ཀཱཪྻྱཱཎཱཾ སིདྡྷིཔཪྻྱནྟཾ ཏེན སྭརྒེ ཝཱསཿ ཀརྟྟཝྱཿ།
22 ཡུཥྨཱཀཾ པྲབྷུཿ པརམེཤྭརོ ཡུཥྨཱཀཾ བྷྲཱཏྲྀགཎམདྷྱཱཏ྄ མཏྶདྲྀཤཾ བྷཝིཥྱདྭཀྟཱརམ྄ ཨུཏྤཱདཡིཥྱཏི, ཏཏཿ ས ཡཏ྄ ཀིཉྩིཏ྄ ཀཐཡིཥྱཏི ཏཏྲ ཡཱུཡཾ མནཱཾསི ནིདྷདྡྷྭཾ།
23 ཀིནྟུ ཡཿ ཀཤྩིཏ྄ པྲཱཎཱི ཏསྱ བྷཝིཥྱདྭཱདིནཿ ཀཐཱཾ ན གྲཧཱིཥྱཏི ས ནིཛལོཀཱནཱཾ མདྷྱཱད྄ ཨུཙྪེཏྶྱཏེ," ཨིམཱཾ ཀཐཱམ྄ ཨསྨཱཀཾ པཱུཪྻྭཔུརུཥེབྷྱཿ ཀེཝལོ མཱུསཱཿ ཀཐཡཱམཱས ཨིཏི ནཧི,
24 ཤིམཱུཡེལྦྷཝིཥྱདྭཱདིནམ྄ ཨཱརབྷྱ ཡཱཝནྟོ བྷཝིཥྱདྭཱཀྱམ྄ ཨཀཐཡན྄ ཏེ སཪྻྭཨེཝ སམཡསྱཻཏསྱ ཀཐཱམ྄ ཨཀཐཡན྄།
25 ཡཱུཡམཔི ཏེཥཱཾ བྷཝིཥྱདྭཱདིནཱཾ སནྟཱནཱཿ, "ཏཝ ཝཾཤོདྦྷཝཔུཾསཱ སཪྻྭདེཤཱིཡཱ ལོཀཱ ཨཱཤིཥཾ པྲཱཔྟཱ བྷཝིཥྱནྟི", ཨིབྲཱཧཱིམེ ཀཐཱམེཏཱཾ ཀཐཡིཏྭཱ ཨཱིཤྭརོསྨཱཀཾ པཱུཪྻྭཔུརུཥཻཿ སཱརྡྡྷཾ ཡཾ ནིཡམཾ སྠིརཱིཀྲྀཏཝཱན྄ ཏསྱ ནིཡམསྱཱདྷིཀཱརིཎོཔི ཡཱུཡཾ བྷཝཐ།
26 ཨཏ ཨཱིཤྭརོ ནིཛཔུཏྲཾ ཡཱིཤུམ྄ ཨུཏྠཱཔྱ ཡུཥྨཱཀཾ སཪྻྭེཥཱཾ སྭསྭཔཱཔཱཏ྄ པརཱཝརྟྟྱ ཡུཥྨབྷྱམ྄ ཨཱཤིཥཾ དཱཏུཾ པྲཐམཏསྟཾ ཡུཥྨཱཀཾ ནིཀཊཾ པྲེཥིཏཝཱན྄།