1 ཏཏཿ པརཾ ནིརཱིཀྵམཱཎེན མཡཱ མེཥཤཱཝཀོ དྲྀཥྚཿ ས སིཡོནཔཪྻྭཏསྱོཔཪྻྱཏིཥྛཏ྄, ཨཔརཾ ཡེཥཱཾ བྷཱལེཥུ ཏསྱ ནཱམ ཏཏྤིཏུཤྩ ནཱམ ལིཁིཏམཱསྟེ ཏཱདྲྀཤཱཤྩཏུཤྩཏྭཱརིཾཤཏྶཧསྲཱདྷིཀཱ ལཀྵལོཀཱསྟེན སཱརྡྡྷམ྄ ཨཱསན྄།
2 ཨནནྟརཾ བཧུཏོཡཱནཱཾ རཝ ཨིཝ གུརུཏརསྟནིཏསྱ ཙ རཝ ཨིཝ ཨེཀོ རཝཿ སྭརྒཱཏ྄ མཡཱཤྲཱཝི། མཡཱ ཤྲུཏཿ ས རཝོ ཝཱིཎཱཝཱདཀཱནཱཾ ཝཱིཎཱཝཱདནསྱ སདྲྀཤཿ།
3 སིཾཧསནསྱཱནྟིཀེ པྲཱཎིཙཏུཥྚཡསྱ པྲཱཙཱིནཝརྒསྱ ཙཱནྟིཀེ ྅པི ཏེ ནཝཱིནམེཀཾ གཱིཏམ྄ ཨགཱཡན྄ ཀིནྟུ དྷརཎཱིཏཿ པརིཀྲཱིཏཱན྄ ཏཱན྄ ཙཏུཤྩཏྭཱརིཾཤཏྱཧསྲཱདྷིཀལཀྵལོཀཱན྄ ཝིནཱ ནཱཔརེཎ ཀེནཱཔི ཏད྄ གཱིཏཾ ཤིཀྵིཏུཾ ཤཀྱཏེ།
4 ཨིམེ ཡོཥིཏཱཾ སངྒེན ན ཀལངྐིཏཱ ཡཏསྟེ ྅མཻཐུནཱ མེཥཤཱཝཀོ ཡཏ྄ ཀིམཔི སྠཱནཾ གཙྪེཏ྄ ཏཏྶཪྻྭསྨིན྄ སྠཱནེ ཏམ྄ ཨནུགཙྪནྟི ཡཏསྟེ མནུཥྱཱཎཱཾ མདྷྱཏཿ པྲཐམཕལཱནཱིཝེཤྭརསྱ མེཥཤཱཝཀསྱ ཙ ཀྲྀཏེ པརིཀྲཱིཏཱཿ།
5 ཏེཥཱཾ ཝདནེཥུ ཙཱནྲྀཏཾ ཀིམཔི ན ཝིདྱཏེ ཡཏསྟེ ནིརྡྡོཥཱ ཨཱིཤྭརསིཾཧཱསནསྱཱནྟིཀེ ཏིཥྛནྟི།
6 ཨནནྟརམ྄ ཨཱཀཱཤམདྷྱེནོཌྜཱིཡམཱནོ ྅པར ཨེཀོ དཱུཏོ མཡཱ དྲྀཥྚཿ སོ ྅ནནྟཀཱལཱིཡཾ སུསཾཝཱདཾ དྷཱརཡཏི ས ཙ སུསཾཝཱདཿ སཪྻྭཛཱཏཱིཡཱན྄ སཪྻྭཝཾཤཱིཡཱན྄ སཪྻྭབྷཱཥཱཝཱདིནཿ སཪྻྭདེཤཱིཡཱཾཤྩ པྲྀཐིཝཱིནིཝཱསིནཿ པྲཏི ཏེན གྷོཥིཏཝྱཿ།
7 ས ཨུཙྩཻཿསྭརེཎེདཾ གདཏི ཡཱུཡམཱིཤྭརཱད྄ བིབྷཱིཏ ཏསྱ སྟཝཾ ཀུརུཏ ཙ ཡཏསྟདཱིཡཝིཙཱརསྱ དཎྜ ཨུཔཱཏིཥྛཏ྄ ཏསྨཱད྄ ཨཱཀཱཤམཎྜལསྱ པྲྀཐིཝྱཱཿ སམུདྲསྱ ཏོཡཔྲསྲཝཎཱནཱཉྩ སྲཥྚཱ ཡུཥྨཱབྷིཿ པྲཎམྱཏཱཾ།
8 ཏཏྤཤྩཱད྄ དྭིཏཱིཡ ཨེཀོ དཱུཏ ཨུཔསྠཱཡཱཝདཏ྄ པཏིཏཱ པཏིཏཱ སཱ མཧཱབཱབིལ྄ ཡཱ སཪྻྭཛཱཏཱིཡཱན྄ སྭཀཱིཡཾ ཝྱབྷིཙཱརརཱུཔཾ ཀྲོདྷམདམ྄ ཨཔཱཡཡཏ྄།
9 ཏཏྤཤྩཱད྄ ཏྲྀཏཱིཡོ དཱུཏ ཨུཔསྠཱཡོཙྩཻརཝདཏ྄, ཡཿ ཀཤྩིཏ ཏཾ ཤཤུཾ ཏསྱ པྲཏིམཱཉྩ པྲཎམཏི སྭབྷཱལེ སྭཀརེ ཝཱ ཀལངྐཾ གྲྀཧླཱཏི ཙ
10 སོ ྅པཱིཤྭརསྱ ཀྲོདྷཔཱཏྲེ སྠིཏམ྄ ཨམིཤྲིཏཾ མདཏ྄ ཨརྠཏ ཨཱིཤྭརསྱ ཀྲོདྷམདཾ པཱསྱཏི པཝིཏྲདཱུཏཱནཱཾ མེཥཤཱཝཀསྱ ཙ སཱཀྵཱད྄ ཝཧྣིགནྡྷཀཡོ ཪྻཱཏནཱཾ ལཔྶྱཏེ ཙ།
11 ཏེཥཱཾ ཡཱཏནཱཡཱ དྷཱུམོ ྅ནནྟཀཱལཾ ཡཱཝད྄ ཨུདྒམིཥྱཏི ཡེ ཙ པཤུཾ ཏསྱ པྲཏིམཱཉྩ པཱུཛཡནྟི ཏསྱ ནཱམྣོ ྅ངྐཾ ཝཱ གྲྀཧླནྟི ཏེ དིཝཱནིཤཾ ཀཉྩན ཝིརཱམཾ ན པྲཱཔྶྱནྟི།
12 ཡེ མཱནཝཱ ཨཱིཤྭརསྱཱཛྙཱ ཡཱིཤཽ ཝིཤྭཱསཉྩ པཱལཡནྟི ཏེཥཱཾ པཝིཏྲལོཀཱནཱཾ སཧིཥྞུཏཡཱཏྲ པྲཀཱཤིཏཝྱཾ།
13 ཨཔརཾ སྭརྒཱཏ྄ མཡཱ སཧ སམྦྷཱཥམཱཎ ཨེཀོ རཝོ མཡཱཤྲཱཝི ཏེནོཀྟཾ ཏྭཾ ལིཁ, ཨིདཱནཱིམཱརབྷྱ ཡེ པྲབྷཽ མྲིཡནྟེ ཏེ མྲྀཏཱ དྷནྱཱ ཨིཏི; ཨཱཏྨཱ བྷཱཥཏེ སཏྱཾ སྭཤྲམེབྷྱསྟཻ ཪྻིརཱམཿ པྲཱཔྟཝྱཿ ཏེཥཱཾ ཀརྨྨཱཎི ཙ ཏཱན྄ ཨནུགཙྪནྟི།
14 ཏདནནྟརཾ ནིརཱིཀྵམཱཎེན མཡཱ ཤྭེཏཝརྞ ཨེཀོ མེགྷོ དྲྀཥྚསྟནྨེགྷཱརཱུཌྷོ ཛནོ མཱནཝཔུཏྲཱཀྲྀཏིརསྟི ཏསྱ ཤིརསི སུཝརྞཀིརཱིཊཾ ཀརེ ཙ ཏཱིཀྵྞཾ དཱཏྲཾ ཏིཥྛཏི།
15 ཏཏཿ པརམ྄ ཨནྱ ཨེཀོ དཱུཏོ མནྡིརཱཏ྄ ནིརྒཏྱོཙྩཻཿསྭརེཎ ཏཾ མེགྷཱརཱུཌྷཾ སམྦྷཱཥྱཱཝདཏ྄ ཏྭཡཱ དཱཏྲཾ པྲསཱཪྻྱ ཤསྱཙྪེདནཾ ཀྲིཡཏཱཾ ཤསྱཙྪེདནསྱ སམཡ ཨུཔསྠིཏོ ཡཏོ མེདིནྱཱཿ ཤསྱཱནི པརིཔཀྐཱནི།
16 ཏཏསྟེན མེགྷཱརཱུཌྷེན པྲྀཐིཝྱཱཾ དཱཏྲཾ པྲསཱཪྻྱ པྲྀཐིཝྱཱཿ ཤསྱཙྪེདནཾ ཀྲྀཏཾ།
17 ཨནནྟརམ྄ ཨཔར ཨེཀོ དཱུཏཿ སྭརྒསྠམནྡིརཱཏ྄ ནིརྒཏཿ སོ ྅པི ཏཱིཀྵྞཾ དཱཏྲཾ དྷཱརཡཏི།
18 ཨཔརམ྄ ཨནྱ ཨེཀོ དཱུཏོ ཝེདིཏོ ནིརྒཏཿ ས ཝཧྣེརདྷིཔཏིཿ ས ཨུཙྩཻཿསྭརེཎ ཏཾ ཏཱིཀྵྞདཱཏྲདྷཱརིཎཾ སམྦྷཱཥྱཱཝདཏ྄ ཏྭཡཱ སྭཾ ཏཱིཀྵྞཾ དཱཏྲཾ པྲསཱཪྻྱ མེདིནྱཱ དྲཱཀྵཱགུཙྪཙྪེདནཾ ཀྲིཡཏཱཾ ཡཏསྟཏྥལཱནི པརིཎཏཱནི།
19 ཏཏཿ ས དཱུཏཿ པྲྀཐིཝྱཱཾ སྭདཱཏྲཾ པྲསཱཪྻྱ པྲྀཐིཝྱཱ དྲཱཀྵཱཕལཙྪེདནམ྄ ཨཀརོཏ྄ ཏཏྥལཱནི ཙེཤྭརསྱ ཀྲོདྷསྭརཱུཔསྱ མཧཱཀུཎྜསྱ མདྷྱཾ ནིརཀྵིཔཏ྄།
20 ཏཏྐུཎྜསྠཕལཱནི ཙ བཧི རྨརྡྡིཏཱནི ཏཏཿ ཀུཎྜམདྷྱཱཏ྄ ནིརྒཏཾ རཀྟཾ ཀྲོཤཤཏཔཪྻྱནྟམ྄ ཨཤྭཱནཱཾ ཁལཱིནཱན྄ ཡཱཝད྄ ཝྱཱཔྣོཏ྄།