1 ཨཔརཉྩཱཧཾ པུནཿ ཤོཀཱཡ ཡུཥྨཏྶནྣིདྷིཾ ན གམིཥྱཱམཱིཏི མནསི ནིརཙཻཥཾ།
2 ཡསྨཱད྄ ཨཧཾ ཡདི ཡུཥྨཱན྄ ཤོཀཡུཀྟཱན྄ ཀརོམི ཏརྷི མཡཱ ཡཿ ཤོཀཡུཀྟཱིཀྲྀཏསྟཾ ཝིནཱ ཀེནཱཔརེཎཱཧཾ ཧརྵཡིཥྱེ?
3 མམ ཡོ ཧརྵཿ ས ཡུཥྨཱཀཾ སཪྻྭེཥཱཾ ཧརྵ ཨེཝེཏི ནིཤྩིཏཾ མཡཱབོདྷི; ཨཏཨེཝ ཡཻརཧཾ ཧརྵཡིཏཝྱསྟཻ རྨདུཔསྠིཏིསམཡེ ཡནྨམ ཤོཀོ ན ཛཱཡེཏ ཏདརྠམེཝ ཡུཥྨབྷྱམ྄ ཨེཏཱདྲྀཤཾ པཏྲཾ མཡཱ ལིཁིཏཾ།
4 ཝསྟུཏསྟུ བཧུཀླེཤསྱ མནཿཔཱིཌཱཡཱཤྩ སམཡེ྅ཧཾ བཧྭཤྲུཔཱཏེན པཏྲམེཀཾ ལིཁིཏཝཱན྄ ཡུཥྨཱཀཾ ཤོཀཱརྠཾ ཏནྣཧི ཀིནྟུ ཡུཥྨཱསུ མདཱིཡཔྲེམབཱཧུལྱསྱ ཛྙཱཔནཱརྠཾ།
5 ཡེནཱཧཾ ཤོཀཡུཀྟཱིཀྲྀཏསྟེན ཀེཝལམཧཾ ཤོཀཡུཀྟཱིཀྲྀཏསྟནྣཧི ཀིནྟྭཾཤཏོ ཡཱུཡཾ སཪྻྭེ྅པི ཡཏོ྅ཧམཏྲ ཀསྨིཾཤྩིད྄ དོཥམཱརོཔཡིཏུཾ ནེཙྪཱམི།
6 བཧཱུནཱཾ ཡཏ྄ ཏརྫྫནཾ ཏེན ཛནེནཱལམྦྷི ཏཏ྄ ཏདརྠཾ པྲཙུརཾ།
7 ཨཏཿ ས དུཿཁསཱགརེ ཡནྣ ནིམཛྫཏི ཏདརྠཾ ཡུཥྨཱབྷིཿ ས ཀྵནྟཝྱཿ སཱནྟྭཡིཏཝྱཤྩ།
8 ཨིཏི ཧེཏོཿ པྲརྠཡེ྅ཧཾ ཡུཥྨཱབྷིསྟསྨིན྄ དཡཱ ཀྲིཡཏཱཾ།
9 ཡཱུཡཾ སཪྻྭཀརྨྨཎི མམཱདེཤཾ གྲྀཧླཱིཐ ན ཝེཏི པརཱིཀྵིཏུམ྄ ཨཧཾ ཡུཥྨཱན྄ པྲཏི ལིཁིཏཝཱན྄།
10 ཡསྱ ཡོ དོཥོ ཡུཥྨཱབྷིཿ ཀྵམྱཏེ ཏསྱ ས དོཥོ མཡཱཔི ཀྵམྱཏེ ཡཤྩ དོཥོ མཡཱ ཀྵམྱཏེ ས ཡུཥྨཱཀཾ ཀྲྀཏེ ཁྲཱིཥྚསྱ སཱཀྵཱཏ྄ ཀྵམྱཏེ།
11 ཤཡཏཱནཿ ཀལྤནཱསྨཱབྷིརཛྙཱཏཱ ནཧི, ཨཏོ ཝཡཾ ཡཏ྄ ཏེན ན ཝཉྩྱཱམཧེ ཏདརྠམ྄ ཨསྨཱབྷིཿ སཱཝདྷཱནཻ རྦྷཝིཏཝྱཾ།
12 ཨཔརཉྩ ཁྲཱིཥྚསྱ སུསཾཝཱདགྷོཥཎཱརྠཾ མཡི ཏྲོཡཱནགརམཱགཏེ པྲབྷོཿ ཀརྨྨཎེ ཙ མདརྠཾ དྭཱརེ མུཀྟེ
13 སཏྱཔི སྭབྷྲཱཏུསྟཱིཏསྱཱཝིདྱམཱནཏྭཱཏ྄ མདཱིཡཱཏྨནཿ ཀཱཔི ཤཱནྟི རྣ བབྷཱུཝ, ཏསྨཱད྄ ཨཧཾ ཏཱན྄ ཝིསརྫྫནཾ ཡཱཙིཏྭཱ མཱཀིདནིཡཱདེཤཾ གནྟུཾ པྲསྠཱནམ྄ ཨཀརཝཾ།
14 ཡ ཨཱིཤྭརཿ སཪྻྭདཱ ཁྲཱིཥྚེནཱསྨཱན྄ ཛཡིནཿ ཀརོཏི སཪྻྭཏྲ ཙཱསྨཱབྷིསྟདཱིཡཛྙཱནསྱ གནྡྷཾ པྲཀཱཤཡཏི ས དྷནྱཿ།
15 ཡསྨཱད྄ ཡེ ཏྲཱཎཾ ལཔྶྱནྟེ ཡེ ཙ ཝིནཱཤཾ གམིཥྱནྟི ཏཱན྄ པྲཏི ཝཡམ྄ ཨཱིཤྭརེཎ ཁྲཱིཥྚསྱ སཽགནྡྷྱཾ བྷཝཱམཿ།
16 ཝཡམ྄ ཨེཀེཥཱཾ མྲྀཏྱཝེ མྲྀཏྱུགནྡྷཱ ཨཔརེཥཱཉྩ ཛཱིཝནཱཡ ཛཱིཝནགནྡྷཱ བྷཝཱམཿ, ཀིནྟྭེཏཱདྲྀཤཀརྨྨསཱདྷནེ ཀཿ སམརྠོ྅སྟི?
17 ཨནྱེ བཧཝོ ལོཀཱ ཡདྭད྄ ཨཱིཤྭརསྱ ཝཱཀྱཾ མྲྀཥཱཤིཀྵཡཱ མིཤྲཡནྟི ཝཡཾ ཏདྭཏ྄ ཏནྣ མིཤྲཡནྟཿ སརལབྷཱཝེནེཤྭརསྱ སཱཀྵཱད྄ ཨཱིཤྭརསྱཱདེཤཱཏ྄ ཁྲཱིཥྚེན ཀཐཱཾ བྷཱཥཱམཧེ།