1 པཝིཏྲ ཨཱཏྨཱ སྤཥྚམ྄ ཨིདཾ ཝཱཀྱཾ ཝདཏི ཙརམཀཱལེ ཀཏིཔཡལོཀཱ ཝཧྣིནཱངྐིཏཏྭཱཏ྄
2 ཀཋོརམནསཱཾ ཀཱཔཊྱཱད྄ ཨནྲྀཏཝཱདིནཱཾ ཝིཝཱཧནིཥེདྷཀཱནཱཾ བྷཀྵྱཝིཤེཥནིཥེདྷཀཱནཱཉྩ
3 བྷཱུཏསྭརཱུཔཱཎཱཾ ཤིཀྵཱཡཱཾ བྷྲམཀཱཏྨནཱཾ ཝཱཀྱེཥུ ཙ མནཱཾསི ནིཝེཤྱ དྷརྨྨཱད྄ བྷྲཾཤིཥྱནྟེ། ཏཱནི ཏུ བྷཀྵྱཱཎི ཝིཤྭཱསིནཱཾ སྭཱིཀྲྀཏསཏྱདྷརྨྨཱཎཱཉྩ དྷནྱཝཱདསཧིཏཱཡ བྷོགཱཡེཤྭརེཎ སསྲྀཛིརེ།
4 ཡཏ ཨཱིཤྭརེཎ ཡདྱཏ྄ སྲྀཥྚཾ ཏཏ྄ སཪྻྭམ྄ ཨུཏྟམཾ ཡདི ཙ དྷནྱཝཱདེན བྷུཛྱཏེ ཏརྷི ཏསྱ ཀིམཔི ནཱགྲཱཧྱཾ བྷཝཏི,
5 ཡཏ ཨཱིཤྭརསྱ ཝཱཀྱེན པྲཱརྠནཡཱ ཙ ཏཏ྄ པཝིཏྲཱིབྷཝཏི།
6 ཨེཏཱནི ཝཱཀྱཱནི ཡདི ཏྭཾ བྷྲཱཏྲྀན྄ ཛྙཱཔཡེསྟརྷི ཡཱིཤུཁྲཱིཥྚསྱོཏྟམ྄ཿ པརིཙཱརཀོ བྷཝིཥྱསི ཡོ ཝིཤྭཱསོ ཧིཏོཔདེཤཤྩ ཏྭཡཱ གྲྀཧཱིཏསྟདཱིཡཝཱཀྱཻརཱཔྱཱཡིཥྱསེ ཙ།
7 ཡཱནྱུཔཱཁྱཱནཱནི དུརྦྷཱཝཱནི ཝྲྀདྡྷཡོཥིཏཱམེཝ ཡོགྱཱནི ཙ ཏཱནི ཏྭཡཱ ཝིསྲྀཛྱནྟཱམ྄ ཨཱིཤྭརབྷཀྟཡེ ཡཏྣཿ ཀྲིཡཏཱཉྩ།
8 ཡཏཿ ཤཱརཱིརིཀོ ཡཏྣཿ སྭལྤཕལདོ བྷཝཏི ཀིནྟྭཱིཤྭརབྷཀྟིརཻཧིཀཔཱརཏྲིཀཛཱིཝནཡོཿ པྲཏིཛྙཱཡུཀྟཱ སཏཱི སཪྻྭཏྲ ཕལདཱ བྷཝཏི།
9 ཝཱཀྱམེཏད྄ ཝིཤྭསནཱིཡཾ སཪྻྭཻ རྒྲཧཎཱིཡཉྩ ཝཡཉྩ ཏདརྠམེཝ ཤྲཱམྱཱམོ ནིནྡཱཾ བྷུཾཛྨཧེ ཙ།
10 ཡཏོ ཧེཏོཿ སཪྻྭམཱནཝཱནཱཾ ཝིཤེཥཏོ ཝིཤྭཱསིནཱཾ ཏྲཱཏཱ ཡོ྅མར ཨཱིཤྭརསྟསྨིན྄ ཝཡཾ ཝིཤྭསཱམཿ།
11 ཏྭམ྄ ཨེཏཱནི ཝཱཀྱཱནི པྲཙཱརཡ སམུཔདིཤ ཙ།
12 ཨལྤཝཡཥྐཏྭཱཏ྄ ཀེནཱཔྱཝཛྙེཡོ ན བྷཝ ཀིནྟྭཱལཱཔེནཱཙརཎེན པྲེམྣཱ སདཱཏྨཏྭེན ཝིཤྭཱསེན ཤུཙིཏྭེན ཙ ཝིཤྭཱསིནཱམ྄ ཨཱདརྴོ བྷཝ།
13 ཡཱཝནྣཱཧམ྄ ཨཱགམིཥྱཱམི ཏཱཝཏ྄ ཏྭ པཱཋེ ཙེཏཡནེ ཨུཔདེཤེ ཙ མནོ ནིདྷཏྶྭ།
14 པྲཱཙཱིནགཎཧསྟཱརྤཎསཧིཏེན བྷཝིཥྱདྭཱཀྱེན ཡདྡཱནཾ ཏུབྷྱཾ ཝིཤྲཱཎིཏཾ ཏཝཱནྟཿསྠེ ཏསྨིན྄ དཱནེ ཤིཐིལམནཱ མཱ བྷཝ།
15 ཨེཏེཥུ མནོ ནིཝེཤཡ, ཨེཏེཥུ ཝརྟྟསྭ, ཨིཏྠཉྩ སཪྻྭཝིཥཡེ ཏཝ གུཎཝྲྀདྡྷིཿ པྲཀཱཤཏཱཾ།
16 སྭསྨིན྄ ཨུཔདེཤེ ཙ སཱཝདྷཱནོ བྷཱུཏྭཱཝཏིཥྛསྭ ཏཏ྄ ཀྲྀཏྭཱ ཏྭཡཱཏྨཔརིཏྲཱཎཾ ཤྲོཏྲྀཎཱཉྩ པརིཏྲཱཎཾ སཱདྷཡིཥྱཏེ།