1 པཤྱཏ ཝཡམ྄ ཨཱིཤྭརསྱ སནྟཱནཱ ཨིཏི ནཱམྣཱཁྱཱམཧེ, ཨེཏེན པིཏཱསྨབྷྱཾ ཀཱིདྲྀཀ྄ མཧཱཔྲེམ པྲདཏྟཝཱན྄, ཀིནྟུ སཾསཱརསྟཾ ནཱཛཱནཱཏ྄ ཏཏྐཱརཎཱདསྨཱན྄ ཨཔི ན ཛཱནཱཏི།
2 ཧེ པྲིཡཏམཱཿ, ཨིདཱནཱིཾ ཝཡམ྄ ཨཱིཤྭརསྱ སནྟཱནཱ ཨཱསྨཧེ པཤྩཱཏ྄ ཀིཾ བྷཝིཥྱཱམསྟད྄ ཨདྱཱཔྱཔྲཀཱཤིཏཾ ཀིནྟུ པྲཀཱཤཾ གཏེ ཝཡཾ ཏསྱ སདྲྀཤཱ བྷཝིཥྱཱམི ཨིཏི ཛཱནཱིམཿ, ཡཏཿ ས ཡཱདྲྀཤོ ྅སྟི ཏཱདྲྀཤོ ྅སྨཱབྷིརྡརྴིཥྱཏེ།
3 ཏསྨིན྄ ཨེཥཱ པྲཏྱཱཤཱ ཡསྱ ཀསྱཙིད྄ བྷཝཏི ས སྭཾ ཏཐཱ པཝིཏྲཾ ཀརོཏི ཡཐཱ ས པཝིཏྲོ ྅སྟི།
4 ཡཿ ཀཤྩིཏ྄ པཱཔམ྄ ཨཱཙརཏི ས ཝྱཝསྠཱལངྒྷནཾ ཀརོཏི ཡཏཿ པཱཔམེཝ ཝྱཝསྠཱལངྒྷནཾ།
5 ཨཔརཾ སོ ྅སྨཱཀཾ པཱཔཱནྱཔཧརྟྟུཾ པྲཱཀཱཤཏཻཏད྄ ཡཱུཡཾ ཛཱནཱིཐ, པཱཔཉྩ ཏསྨིན྄ ན ཝིདྱཏེ།
6 ཡཿ ཀཤྩིཏ྄ ཏསྨིན྄ ཏིཥྛཏི ས པཱཔཱཙཱརཾ ན ཀརོཏི ཡཿ ཀཤྩིཏ྄ པཱཔཱཙཱརཾ ཀརོཏི ས ཏཾ ན དྲྀཥྚཝཱན྄ ན ཝཱཝགཏཝཱན྄།
7 ཧེ པྲིཡབཱལཀཱཿ, ཀཤྩིད྄ ཡུཥྨཱཀཾ བྷྲམཾ ན ཛནཡེཏ྄, ཡཿ ཀཤྩིད྄ དྷརྨྨཱཙཱརཾ ཀརོཏི ས ཏཱདྲྀག྄ དྷཱརྨྨིཀོ བྷཝཏི ཡཱདྲྀཀ྄ ས དྷཱམྨིཀོ ྅སྟི།
8 ཡཿ པཱཔཱཙཱརཾ ཀརོཏི ས ཤཡཏཱནཱཏ྄ ཛཱཏོ ཡཏཿ ཤཡཏཱན ཨཱདིཏཿ པཱཔཱཙཱརཱི ཤཡཏཱནསྱ ཀརྨྨཎཱཾ ལོཔཱརྠམེཝེཤྭརསྱ པུཏྲཿ པྲཱཀཱཤཏ།
9 ཡཿ ཀཤྩིད྄ ཨཱིཤྭརཱཏ྄ ཛཱཏཿ ས པཱཔཱཙཱརཾ ན ཀརོཏི ཡཏསྟསྱ ཝཱིཪྻྱཾ ཏསྨིན྄ ཏིཥྛཏི པཱཔཱཙཱརཾ ཀརྟྟུཉྩ ན ཤཀྣོཏི ཡཏཿ ས ཨཱིཤྭརཱཏ྄ ཛཱཏཿ།
10 ཨིཏྱནེནེཤྭརསྱ སནྟཱནཱཿ ཤཡཏཱནསྱ ཙ སནྟཱནཱ ཝྱཀྟཱ བྷཝནྟི། ཡཿ ཀཤྩིད྄ དྷརྨྨཱཙཱརཾ ན ཀརོཏི ས ཨཱིཤྭརཱཏ྄ ཛཱཏོ ནཧི ཡཤྩ སྭབྷྲཱཏརི ན པྲཱིཡཏེ སོ ྅པཱིཤྭརཱཏ྄ ཛཱཏོ ནཧི།
11 ཡཏསྟསྱ ཡ ཨཱདེཤ ཨཱདིཏོ ཡུཥྨཱབྷིཿ ཤྲུཏཿ ས ཨེཥ ཨེཝ ཡད྄ ཨསྨཱབྷིཿ པརསྤརཾ པྲེམ ཀརྟྟཝྱཾ།
12 པཱཔཱཏྨཏོ ཛཱཏོ ཡཿ ཀཱབིལ྄ སྭབྷྲཱཏརཾ ཧཏཝཱན྄ ཏཏྶདྲྀཤཻརསྨཱབྷི རྣ བྷཝིཏཝྱཾ། ས ཀསྨཱཏ྄ ཀཱརཎཱཏ྄ ཏཾ ཧཏཝཱན྄? ཏསྱ ཀརྨྨཱཎི དུཥྚཱནི ཏདྦྷྲཱཏུཤྩ ཀརྨྨཱཎི དྷརྨྨཱཎྱཱསན྄ ཨིཏི ཀཱརཎཱཏ྄།
13 ཧེ མམ བྷྲཱཏརཿ, སཾསཱརོ ཡདི ཡུཥྨཱན྄ དྭེཥྚི ཏརྷི ཏད྄ ཨཱཤྩཪྻྱཾ ན མནྱདྷྭཾ།
14 ཝཡཾ མྲྀཏྱུམ྄ ཨུཏྟཱིཪྻྱ ཛཱིཝནཾ པྲཱཔྟཝནྟསྟད྄ བྷྲཱཏྲྀཥུ པྲེམཀརཎཱཏ྄ ཛཱནཱིམཿ། བྷྲཱཏརི ཡོ ན པྲཱིཡཏེ ས མྲྀཏྱཽ ཏིཥྛཏི།
15 ཡཿ ཀཤྩིཏ྄ སྭབྷྲཱཏརཾ དྭེཥྚི སཾ ནརགྷཱཏཱི ཀིཉྩཱནནྟཛཱིཝནཾ ནརགྷཱཏིནཿ ཀསྱཱཔྱནྟརེ ནཱཝཏིཥྛཏེ ཏད྄ ཡཱུཡཾ ཛཱནཱིཐ།
16 ཨསྨཱཀཾ ཀྲྀཏེ ས སྭཔྲཱཎཱཾསྟྱཀྟཝཱན྄ ཨིཏྱནེན ཝཡཾ པྲེམྣསྟཏྟྭམ྄ ཨཝགཏཱཿ, ཨཔརཾ བྷྲཱཏྲྀཎཱཾ ཀྲྀཏེ ྅སྨཱབྷིརཔི པྲཱཎཱསྟྱཀྟཝྱཱཿ།
17 སཱཾསཱརིཀཛཱིཝིཀཱཔྲཱཔྟོ ཡོ ཛནཿ སྭབྷྲཱཏརཾ དཱིནཾ དྲྀཥྚྭཱ ཏསྨཱཏ྄ སྭཱིཡདཡཱཾ རུཎདྡྷི ཏསྱཱནྟར ཨཱིཤྭརསྱ པྲེམ ཀཐཾ ཏིཥྛེཏ྄?
18 ཧེ མམ པྲིཡབཱལཀཱཿ, ཝཱཀྱེན ཛིཧྭཡཱ ཝཱསྨཱབྷིཿ པྲེམ ན ཀརྟྟཝྱཾ ཀིནྟུ ཀཱཪྻྱེཎ སཏྱཏཡཱ ཙཻཝ།
19 ཨེཏེན ཝཡཾ ཡཏ྄ སཏྱམཏསམྦནྡྷཱིཡཱསྟཏ྄ ཛཱནཱིམསྟསྱ སཱཀྵཱཏ྄ སྭཱནྟཿཀརཎཱནི སཱནྟྭཡིཏུཾ ཤཀྵྱཱམཤྩ།
20 ཡཏོ ྅སྨདནྟཿཀརཎཾ ཡདྱསྨཱན྄ དཱུཥཡཏི ཏརྷྱསྨདནྟཿ ཀརཎཱད྄ ཨཱིཤྭརོ མཧཱན྄ སཪྻྭཛྙཤྩ།
21 ཧེ པྲིཡཏམཱཿ, ཨསྨདནྟཿཀརཎཾ ཡདྱསྨཱན྄ ན དཱུཥཡཏི ཏརྷི ཝཡམ྄ ཨཱིཤྭརསྱ སཱཀྵཱཏ྄ པྲཏིབྷཱནྭིཏཱ བྷཝཱམཿ།
22 ཡཙྩ པྲཱརྠཡཱམཧེ ཏཏ྄ ཏསྨཱཏ྄ པྲཱཔྣུམཿ, ཡཏོ ཝཡཾ ཏསྱཱཛྙཱཿ པཱལཡཱམསྟསྱ སཱཀྵཱཏ྄ ཏུཥྚིཛནཀམ྄ ཨཱཙཱརཾ ཀུརྨྨཤྩ།
23 ཨཔརཾ ཏསྱེཡམཱཛྙཱ ཡད྄ ཝཡཾ པུཏྲསྱ ཡཱིཤུཁྲཱིཥྚསྱ ནཱམྣི ཝིཤྭསིམསྟསྱཱཛྙཱནུསཱརེཎ ཙ པརསྤརཾ པྲེམ ཀུརྨྨཿ།
24 ཡཤྩ ཏསྱཱཛྙཱཿ པཱལཡཏི ས ཏསྨིན྄ ཏིཥྛཏི ཏསྨིན྄ སོ྅པི ཏིཥྛཏི; ས ཙཱསྨཱན྄ ཡམ྄ ཨཱཏྨཱནཾ དཏྟཝཱན྄ ཏསྨཱཏ྄ སོ ྅སྨཱསུ ཏིཥྛཏཱིཏི ཛཱནཱིམཿ།