1 ཧེ བྷྲཱཏརཿ, ཡཱུཡཾ ཡད྄ ཨཱཏྨིཀཱན྄ དཱཡཱན྄ ཨནཝགཏཱསྟིཥྛཐ ཏདཧཾ ནཱབྷིལཥཱམི།
2 པཱུཪྻྭཾ བྷིནྣཛཱཏཱིཡཱ ཡཱུཡཾ ཡདྭད྄ ཝིནཱིཏཱསྟདྭད྄ ཨཝཱཀྤྲཏིམཱནཱམ྄ ཨནུགཱམིན ཨཱདྷྦམ྄ ཨིཏི ཛཱནཱིཐ།
3 ཨིཏི ཧེཏོརཧཾ ཡུཥྨབྷྱཾ ནིཝེདཡཱམི, ཨཱིཤྭརསྱཱཏྨནཱ བྷཱཥམཱཎཿ ཀོ྅པི ཡཱིཤུཾ ཤཔྟ ཨིཏི ན ཝྱཱཧརཏི, པུནཤྩ པཝིཏྲེཎཱཏྨནཱ ཝིནཱིཏཾ ཝིནཱནྱཿ ཀོ྅པི ཡཱིཤུཾ པྲབྷུརིཏི ཝྱཱཧརྟྟུཾ ན ཤཀྣོཏི།
4 དཱཡཱ བཧུཝིདྷཱཿ ཀིནྟྭེཀ ཨཱཏྨཱ
5 པརིཙཪྻྱཱཤྩ བཧུཝིདྷཱཿ ཀིནྟྭེཀཿ པྲབྷུཿ།
6 སཱདྷནཱནི བཧུཝིདྷཱནི ཀིནྟུ སཪྻྭེཥུ སཪྻྭསཱདྷཀ ཨཱིཤྭར ཨེཀཿ།
7 ཨེཀཻཀསྨཻ ཏསྱཱཏྨནོ དརྴནཾ པརཧིཏཱརྠཾ དཱིཡཏེ།
8 ཨེཀསྨཻ ཏེནཱཏྨནཱ ཛྙཱནཝཱཀྱཾ དཱིཡཏེ, ཨནྱསྨཻ ཏེནཻཝཱཏྨནཱདིཥྚཾ ཝིདྱཱཝཱཀྱམ྄,
9 ཨནྱསྨཻ ཏེནཻཝཱཏྨནཱ ཝིཤྭཱསཿ, ཨནྱསྨཻ ཏེནཻཝཱཏྨནཱ སྭཱསྠྱདཱནཤཀྟིཿ,
10 ཨནྱསྨཻ དུཿསཱདྷྱསཱདྷནཤཀྟིརནྱསྨཻ ཙེཤྭརཱིཡཱདེཤཿ, ཨནྱསྨཻ ཙཱཏིམཱནུཥིཀསྱཱདེཤསྱ ཝིཙཱརསཱམརྠྱམ྄, ཨནྱསྨཻ པརབྷཱཥཱབྷཱཥཎཤཀྟིརནྱསྨཻ ཙ བྷཱཥཱརྠབྷཱཥཎསཱམཪྻཾ དཱིཡཏེ།
11 ཨེཀེནཱདྭིཏཱིཡེནཱཏྨནཱ ཡཐཱབྷིལཱཥམ྄ ཨེཀཻཀསྨཻ ཛནཱཡཻཀཻཀཾ དཱནཾ ཝིཏརཏཱ ཏཱནི སཪྻྭཱཎི སཱདྷྱནྟེ།
12 དེཧ ཨེཀཿ སནྣཔི ཡདྭད྄ བཧྭངྒཡུཀྟོ བྷཝཏི, ཏསྱཻཀསྱ ཝཔུཥོ ྅ངྒཱནཱཾ བཧུཏྭེན ཡདྭད྄ ཨེཀཾ ཝཔུ རྦྷཝཏི, ཏདྭཏ྄ ཁྲཱིཥྚཿ།
13 ཡཏོ ཧེཏོ ཪྻིཧཱུདིབྷིནྣཛཱཏཱིཡདཱསསྭཏནྟྲཱ ཝཡཾ སཪྻྭེ མཛྫནེནཻཀེནཱཏྨནཻཀདེཧཱིཀྲྀཏཱཿ སཪྻྭེ ཙཻཀཱཏྨབྷུཀྟཱ ཨབྷཝཱམ།
14 ཨེཀེནཱངྒེན ཝཔུ རྣ བྷཝཏི ཀིནྟུ བཧུབྷིཿ།
15 ཏཏྲ ཙརཎཾ ཡདི ཝདེཏ྄ ནཱཧཾ ཧསྟསྟསྨཱཏ྄ ཤརཱིརསྱ བྷཱགོ ནཱསྨཱིཏི ཏརྷྱནེན ཤརཱིརཱཏ྄ ཏསྱ ཝིཡོགོ ན བྷཝཏི།
16 ཤྲོཏྲཾ ཝཱ ཡདི ཝདེཏ྄ ནཱཧཾ ནཡནཾ ཏསྨཱཏ྄ ཤརཱིརསྱཱཾཤོ ནཱསྨཱིཏི ཏརྷྱནེན ཤརཱིརཱཏ྄ ཏསྱ ཝིཡོགོ ན བྷཝཏི།
17 ཀྲྀཏྶྣཾ ཤརཱིརཾ ཡདི དརྴནེནྡྲིཡཾ བྷཝེཏ྄ ཏརྷི ཤྲཝཎེནྡྲིཡཾ ཀུཏྲ སྠཱསྱཏི? ཏཏ྄ ཀྲྀཏྶྣཾ ཡདི ཝཱ ཤྲཝཎེནྡྲིཡཾ བྷཝེཏ྄ ཏརྷི གྷྲཎེནྡྲིཡཾ ཀུཏྲ སྠཱསྱཏི?
18 ཀིནྟྭིདཱནཱིམ྄ ཨཱིཤྭརེཎ ཡཐཱབྷིལཥིཏཾ ཏཐཻཝཱངྒཔྲཏྱངྒཱནཱམ྄ ཨེཀཻཀཾ ཤརཱིརེ སྠཱཔིཏཾ།
19 ཏཏ྄ ཀྲྀཏྶྣཾ ཡདྱེཀཱངྒརཱུཔི བྷཝེཏ྄ ཏརྷི ཤརཱིརེ ཀུཏྲ སྠཱསྱཏི?
20 ཏསྨཱད྄ ཨངྒཱནི བཧཱུནི སནྟི ཤརཱིརཾ ཏྭེཀམེཝ།
21 ཨཏཨེཝ ཏྭཡཱ མམ པྲཡོཛནཾ ནཱསྟཱིཏི ཝཱཙཾ པཱཎིཾ ཝདིཏུཾ ནཡནཾ ན ཤཀྣོཏི, ཏཐཱ ཡུཝཱབྷྱཱཾ མམ པྲཡོཛནཾ ནཱསྟཱིཏི མཱུརྡྡྷཱ ཙརཎཽ ཝདིཏུཾ ན ཤཀྣོཏིཿ;
22 ཝསྟུཏསྟུ ཝིགྲཧསྱ ཡཱནྱངྒཱནྱསྨཱབྷི རྡུརྦྦལཱནི བུདྷྱནྟེ ཏཱནྱེཝ སཔྲཡོཛནཱནི སནྟི།
23 ཡཱནི ཙ ཤརཱིརམདྷྱེ྅ཝམནྱཱནི བུདྷྱཏེ ཏཱནྱསྨཱབྷིརདྷིཀཾ ཤོབྷྱནྟེ། ཡཱནི ཙ ཀུདྲྀཤྱཱནི ཏཱནི སུདྲྀཤྱཏརཱཎི ཀྲིཡནྟེ
24 ཀིནྟུ ཡཱནི སྭཡཾ སུདྲྀཤྱཱནི ཏེཥཱཾ ཤོབྷནམ྄ ནིཥྤྲཡོཛནཾ།
25 ཤརཱིརམདྷྱེ ཡད྄ བྷེདོ ན བྷཝེཏ྄ ཀིནྟུ སཪྻྭཱཎྱངྒཱནི ཡད྄ ཨཻཀྱབྷཱཝེན སཪྻྭེཥཱཾ ཧིཏཾ ཙིནྟཡནྟི ཏདརྠམ྄ ཨཱིཤྭརེཎཱཔྲདྷཱནམ྄ ཨཱདརཎཱིཡཾ ཀྲྀཏྭཱ ཤརཱིརཾ ཝིརཙིཏཾ།
26 ཏསྨཱད྄ ཨེཀསྱཱངྒསྱ པཱིཌཱཡཱཾ ཛཱཏཱཡཱཾ སཪྻྭཱཎྱངྒཱནི ཏེན སཧ པཱིཌྱནྟེ, ཨེཀསྱ སམཱདརེ ཛཱཏེ ཙ སཪྻྭཱཎི ཏེན སཧ སཾཧྲྀཥྱནྟི།
27 ཡཱུཡཉྩ ཁྲཱིཥྚསྱ ཤརཱིརཾ, ཡུཥྨཱཀམ྄ ཨེཀཻཀཤྩ ཏསྱཻཀཻཀམ྄ ཨངྒཾ།
28 ཀེཙིཏ྄ ཀེཙིཏ྄ སམིཏཱཝཱིཤྭརེཎ པྲཐམཏཿ པྲེརིཏཱ དྭིཏཱིཡཏ ཨཱིཤྭརཱིཡཱདེཤཝཀྟཱརསྟྲྀཏཱིཡཏ ཨུཔདེཥྚཱརོ ནིཡུཀྟཱཿ, ཏཏཿ པརཾ ཀེབྷྱོ྅པི ཙིཏྲཀཱཪྻྱསཱདྷནསཱམརྠྱམ྄ ཨནཱམཡཀརཎཤཀྟིརུཔཀྲྀཏཽ ལོཀཤཱསནེ ཝཱ ནཻཔུཎྱཾ ནཱནཱབྷཱཥཱབྷཱཥཎསཱམརྠྱཾ ཝཱ ཏེན ཝྱཏཱརི།
29 སཪྻྭེ ཀིཾ པྲེརིཏཱཿ? སཪྻྭེ ཀིམ྄ ཨཱིཤྭརཱིཡཱདེཤཝཀྟཱརཿ? སཪྻྭེ ཀིམ྄ ཨུཔདེཥྚཱརཿ? སཪྻྭེ ཀིཾ ཙིཏྲཀཱཪྻྱསཱདྷཀཱཿ?
30 སཪྻྭེ ཀིམ྄ ཨནཱམཡཀརཎཤཀྟིཡུཀྟཱཿ? སཪྻྭེ ཀིཾ པརབྷཱཥཱཝཱདིནཿ? སཪྻྭེ ཝཱ ཀིཾ པརབྷཱཥཱརྠཔྲཀཱཤཀཱཿ?
31 ཡཱུཡཾ ཤྲེཥྛདཱཡཱན྄ ལབྡྷུཾ ཡཏདྷྭཾ། ཨནེན ཡཱུཡཾ མཡཱ སཪྻྭོཏྟམམཱརྒཾ དརྴཡིཏཝྱཱཿ།