1 Ai̱ Ruhanga, weegwa kusaba kwange,
2 Nzegwa, kandi onzi̱remwo,
3 hab̯wa rugambu lwa banyanzigwa,
4 Mutima gwange guli na b̯ujune,
5 B̯u̱ti̱i̱ni̱ na kukankana bi̱nzi̱zi̱i̱ri̱,
6 Kwokwo kukoba yati, “Haa! Kabbengi̱ nyaalingi na bimpaha nka kolomi̱,
7 Nyaku̱haareeri̱ ningyenda hadei,
8 Nyakwangu̱hi̱ri̱ ku̱toolya b̯wicalu b̯urungi,
9 Ai̱ Mukama bazi̱kye obahu̱kani̱e b̯ulimi b̯wab̯u batakoragana,
10 Bagyenda ni̱belogoleerya bi̱si̱i̱ka byalwo mwinsi nei̱jolo,
11 Hakati̱ mu rub̯uga gafooki̱ri̱ makandi,
12 Kabbengi̱ baali banyanzigwa boobo nibaku̱mparaarya,
13 Bei̱tu̱ oli weewe muntu mwi̱ra wange,
14 Yogwo gi̱twanyu̱myengi̱ nayo ki̱mwei̱,
15 Leka lu̱ku̱u̱ lwi̱be b̯wi̱bi̱ banyanzigwa bange batakwega,
16 Bei̱tu̱ gya, nsaba Ruhanga,
17 Nsaba nintaaga,
18 Ancungura ntahu̱teeri̱ na kuhutaara
19 Ruhanga yogwo mukama wa biro byensei̱,
20 Mwi̱ra wange yaaru̱mbi̱ri̱ banywanwe
21 Rubazu lwamwe lwalingi lu̱heheeru̱ nka maku̱ta,
22 Bizib̯u byamu obikwatyenge Mukama yooyo alikulinda,
23 Bei̱tu̱ we, ai̱ Ruhanga, waabagoromoranga hansi mu ki̱i̱na kya kuhwerekeera,