1 Ai̱ Ruhanga gimpaariiza, oteti̱keera,
2 hab̯wakubba babiibi na bagobya bagadwi̱ri̱ mi̱nwa,
3 Banyeelogoleerye na bigambu bya nnobi̱.
4 B̯u̱mbolokya ngonzi, bo bamparana b̯u̱harani̱,
5 Bansasula bibiibi hab̯wa b̯urungi b̯umbakoora,
6 Muteereho muntu mubiibi amugaane,
7 Musangu gwamu̱si̱nganga b̯ubalimunyegeera.
8 Leka biro byamwe bikeehe,
9 Aleke baana baamwe zibbe nfu̱u̱zi̱,
10 Baana baamwe bandaarenge ni̱basabi̱ri̱i̱rya,
11 Leka bakumutonga bamunyage b̯uli kyalinakyo,
12 Hatabbaho noomwei̱ aku̱mwolekya mbabazi̱,
13 Beizukulu baamwe bensei̱ bazi̱ke,
14 Leka Mukama ei̱zu̱ke kuhenera kwa bahaahaawe,
15 Leka Mukama ei̱calenge naabi̱zu̱ka b̯uli kiro,
16 Kubba yogwo muntu atakei̱zu̱ke kubba na mbabazi̱,
17 Yaakyenengi̱ bandi, leka nayo bi̱mwi̱ri̱re,
18 Ti̱yeebeera kukyena nka mulwala ngoye,
19 Leka mikyenu mi̱mweli̱ngi̱ze nka ngoye,
20 Leka kibbe kifubiro kya banyanzigwa bange kuruga hali Mukama,
21 Bei̱tu̱ we Mukama Ruhanga wange,
22 Hab̯wakubba ndi munaku kandi museege,
23 Nsyereeri̱ho nka mu̱tu̱ntu̱lu̱ gwa joojolo,
24 Malu̱ gange gaaceki̱ri̱ hab̯wa kusaba na kusiiba,
25 Nzi̱ri̱ri̱ kyakusekwa hali banyanzigwa bange,
26 Ai̱ Mukama Ruhanga wange, onjune.
27 Ai̱ Mukama leka beege nti gugu guli mukono gwamu,
28 Leka bankyene,
29 Leka banyanzigwa bange bakwatwe nsoni̱,
30 Mu̱nwa gwange gu̱kwi̱za ku̱si̱i̱ma Mukama, na maani ganene,
31 kubba atongoneera munaku,