1 Mu̱si̱i̱me Mukama hab̯wakubba murungi,
2 Leka ba Mukama yaacu̱ngu̱u̱ri̱, kwokwo bakobe yatyo,
3 Yaabasorozi̱ri̱ kuruga mu mahanga ga,
4 Bandi baahaabi̱i̱ri̱ mwihamba,
5 Baadi̱bi̱i̱rwe nzala baakwatwa nyoota,
6 Mwomwo baakunga Mukama,
7 yaabeebemberi̱ yaabarabya mu muhanda gu̱terekereru̱,
8 Leka basi̱i̱me Mukama hab̯wa ngonzi zaamwe zinene,
9 Hab̯wakubba ateekaani̱a yogwo wa mwozo gwa nyoota,
10 Bandi bei̱ceeri̱ mu nti̱ti̱ na mu̱mu̱tu̱tu̱lu̱ gwa lu̱ku̱u̱,
11 Hab̯wakubba baalingi bajeemeeri̱ bigambu bya Ruhanga,
12 Yaab̯undeize mitima myab̯u kuraba mu milimo mya kukora na lu̱tege,
13 Mwomwo baakunga Mukama,
14 Yaabatoori̱ mu njegere zinyakubba zi̱babbohi̱ri̱ mikono na magulu,
15 Leka basi̱i̱me Mukama hab̯wa ngonzi zaamwe zinene,
16 Hab̯wakubba acwacwana milyangu mya byoma,
17 Bandi baadomi̱ri̱ hab̯wa b̯u̱jeemu̱ b̯wab̯u,
18 Baanu̱gi̱ri̱ b̯uli kidyo,
19 Mwomwo baakunga Mukama,
20 Yaaragi̱i̱ri̱ kigambu kyamwe kyabahoni̱a,
21 Leka basi̱i̱me Mukama hab̯wa ngonzi zaamwe zinene,
22 Leka bagabe kihongwa kya ku̱si̱i̱ma,
23 Bamwei̱ mu bo baagozi̱ri̱ maati̱ mwitaka,
24 Baaweeni bikorwa bya maani ga Mukama,
25 Hab̯wakubba yaaragi̱i̱ri̱ kihehu kyahunga,
26 Maati̱ gabyokengi̱ hakyendi̱ mu mwanya, ni̱gei̱ra hansi,
27 Baakankeeni̱ baataratara nka batami̱i̱ru̱,
28 Mwomwo baakunga Mukama,
29 Yeemereerye bbuukuulu,
30 Baasemereerwe itaka b̯u̱lyatekeeni̱,
31 Leka basi̱i̱me Mukama hab̯wa ngonzi zaamwe zinene,
32 Leka bamu̱ramye mu kitebe kya bantu.
33 Mukama aragira migira nimyoma,
34 Nsi gya mweru yaagi̱heeri̱ kubba muzu gwa kisura,
35 Afoora nsi gyomu kyeju̱ngo,
36 Ku̱kwo hooho ei̱caalya banyanzala,
37 Ku̱kwo hooho balima misiri nibasimba mi̱zabbi̱bbu̱,
38 Hab̯wa mi̱gi̱sa myamwe, yaakanyi̱si̱i̱rye lubyalu lwab̯u,
39 Muhendu gwab̯u gwakeehi̱ri̱,
40 Mukama yaabonebonesyeerye bahandu̱ baab̯u,
41 Bei̱tu̱ abyokya banaku naabatoola kuruga mukuwonawona,
42 Barungi b̯u̱bawona ki̱kyo ni̱basemereerwa,
43 Bamagezi̱ bensei̱ balinakutaho mutima ha bibi bigambu,