1 Mu̱si̱i̱me Mukama mukunge ibara lyamwe,
2 Mu̱hi̱i̱mi̱re nimumuhariiza,
3 Mu̱semererwe hab̯wa ibara lyamwe li̱syanu̱,
4 Mu̱toolye Mukama hamwei̱ na maani gaamwe,
5 Mwi̱calenge ni̱mwi̱zu̱ka byamahanu byakora,
6 Beizukulu bʼI̱bbu̱rahi̱mu̱ muheereza waamwe,
7 Yooyo Mukama Ruhanga weetu̱,
8 Ei̱zu̱ka ndagaanu gyamwe gya biro na biro,
9 Ndagaanu gi̱yaakoori̱ nʼI̱bbu̱rahi̱mu̱,
10 Ndagaanu gi̱gyo, Ruhanga yaagi̱kwati̱i̱rye Yakobbo,
11 yaakoba yati, “Ndikuha nsi gya Kanaani̱,
12 B̯atakabbeeri̱ kukanya,
13 Nibazengeeranga b̯uli ihanga
14 Bei̱tu̱ Ruhanga atakeeki̱ri̱zenge muntu noomwei̱ ku̱bawonawonesya,
15 naakoba yati, “Mu̱takwatahoona batongoole bange,
16 B̯uyaagu̱mi̱ri̱ho nzala mu nsi,
17 yaatu̱mi̱ri̱ muntu mu̱mei̱so gaab̯u,
18 Baamu̱bbohi̱ri̱ njegere mu magulu,
19 Yozefu̱ yei̱ceeri̱ mu nkomo,
20 Nahaahwo, hooho Mukama wa Mi̱si̱ri̱, yaaragi̱i̱ri̱ bamu̱teesye,
21 Mukama yaamu̱handi̱i̱rye,
22 kuragira bayolo bensei̱,
23 Hei̱nyu̱ma, I̱saleeri̱ gyagyendi̱ri̱ Mi̱si̱ri̱,
24 Mukama yaaheeri̱ bantu baamwe kukanya,
25 Yaaheeri̱ Banyami̱si̱ri̱ kubanoba
26 Ruhanga yaatu̱mi̱ri̱ Mu̱sa muheereza waamwe,
27 Baakoori̱ b̯uboneru b̯wa byamahanu b̯wamwe mu Banyami̱si̱ri̱,
28 Ruhanga yaabasi̱ndi̱ki̱i̱ri̱ nti̱ti̱ kandi nsi gyeragura,
29 Meezi̱ gaab̯u yaagafoori̱ri̱ ibbanga,
30 Masonsooni̱a gei̱zwi̱ri̱ b̯uli kicweka,
31 Ruhanga yaaragi̱i̱ri̱ bi̱du̱ndu̱li̱ bya nsohera,
32 Mu kiikaru kya ndagali̱, baatu̱ngi̱ri̱ ndagali̱ gya mahi̱ga,
33 Yaahwerekereerye mi̱zabbi̱bbu̱ na mi̱ti̱i̱ni̱ myab̯u,
34 Yaaragi̱i̱ri̱ nzi̱ge zei̱za,
35 Zaahwerekereerye bi̱merwa bya munsi gyab̯u gyensei̱,
36 Kasi yei̱ta b̯uli mu̱zi̱gai̱jo mu gi̱gyo nsi,
37 Ruhanga b̯u̱yaatoori̱ Bei̱saleeri̱ kuruga Mi̱si̱ri̱, baatwalageeni̱ feeza na zaabbu,
38 Banyami̱si̱ri̱ baasemereerwe hab̯wa bei̱saaleeri̱ kubarugaho,
39 Yaababbu̱mbi̱ri̱i̱ri̱ na bikaka,
40 Baasabi̱ri̱ bidyo yaabaha maanu,
41 Ruhanga yaati̱i̱rye lubbaali meezi̱ gaalwa,
42 Hab̯wakubba yei̱zu̱ki̱ri̱ muragu gwamwe gu̱syanu̱,
43 Baasemereerwe hoi̱ Ruhanga b̯u̱yaabatoori̱ mu nsi gya Mi̱si̱ri̱,
44 Mukama yaabaheeri̱ nsi,
45 aleke bakwate mateeka gaamwe