1 YAWEI, ai garra preisim yu brabliwei insaid langa main hat.
2 Gudbinjiwei ai garra sing blanga yu.
3 Wen main enamimob luk langa yu,
4 Wen yu jadjim pipul yu feyagowan en trubalawan en yubin dum lagijat na blanga mi.
5 Yubin jadjim ola nogudbala pipul en yubin binijimap olabat.
6 Blanga wi enamimob olabat binij na fogud.
7 Bat YAWEI im jidan bos olagijawan.
8 Im det trubalawan bos oba langa ola kantri.
9 Detlot pipul hu abumbat adtaim brom najalot pipul,
10 Detlot pipul hu sabi yu YAWEI, olabat garra trastim yu.
11 Singim song blanga preisim YAWEI weya im jidan bos langa Saiyan.
12 God im nomo fogedabat detlot pipul hu oldei ardimbat brom ebrijing.
13 YAWEI, yu sori langa mi.
14 wulijim ai gin jandap en dalim ola pipul brom Jerusalem blanga ola brabli gudbala ting yubin dum.
15 Detlot najalot pipul bin digim hol blanga trepam olabat enamimob,
16 YAWEI bin shoum miselp wotkain im,
17 Ol detlot nogudwan pipul garra ol gobek langa greib garram ol detlot najalot pipul hubin fogedabat langa God.
18 Ola powan pipul kaan oldei jidan rabishwan.
19 YAWEI, gidap! Nomo larram detlot pipul bosoba langa yu!
20 YAWEI, bradinim olabat,