1 YAWEI, lisin langa mi en ensim mi,
2 Nomo larram mi dai,
3 Yu na main bos,
4 Main bos, meigim mi jidan gudbinji
5 Bos, yu oldei gud langa melabat en oldei larramgo melabat fri.
6 YAWEI, yu lisin langa main preya.
7 Wen trabul kaman ai jingat langa yu,
8 Main Bos, det najalot drimin nomo jidan wulijim yu.
9 Ola pipul langa ebri kantri weya yubin meigim garra kaman en nildan langa yu,
10 Yu na brabli strongbalawan en haibalawan,
11 YAWEI, yu meigim mi sabi wanim yu wandim mi blanga dum,
12 God, main bos, ai garra preisim yu brabliwei garram ebrijing insaid langa mi,
13 Blanga yu filing blanga laigimbat mi im detmatj,
14 Main God, detlot praudbala pipul geingap langa mi blanga trai kilim mi ded,
15 Bat yu na main God.
16 Luk langa mi en sori langa mi.
17 YAWEI, shoum mi yu gudbalawan langa mi,