1 YAWEI, Boswan God, ai laigim yu Serramoni Pleis brabliwei.
2 Mi wandim jidan langa det Serramoni Pleis blanga YAWEI brabliwei!
3 YAWEI, Boswan God, yu na main bos en main God.
4 Ol detlot pipul hu jidan langa yu seikridwan haus oldei jidan gudbinjiwei,
5 Ol detlot pipul hu trastimbat yu blanga meigim olabat strongbala oldei jidan gudbinjiwei.
6 Wen dei go thru langa det draiwan kantri gulum Baka Beli, yu jandim rein en bilimap ola wodahol, en meigim det kantri jidan jis laik springwoda kantri.
7 Yu pipul olabat gro brabli strongbala
8 YAWEI, Boswan God, det God blanga Jeikob, yu irrim main preya.
9 God, yu na bin pikimat melabat king.
10 Im mobeda blanga jidan langa yu Serramoni Pleis oni wanbala dei den blanga jidan langa najawan pleis wan thausan dei.
11 YAWEI, det trubala God oldei maindimbat wi en im wi bos.
12 YAWEI, Boswan God, ol detlot hu trastimbat yu jidan gudbalawei.