1 Main God, seibum mi brom main enami olabat.
2 Seibum mi brom ol detlot nogudbala pipul.
3 Yu luk deya! Olabat weidabat blanga kilim mi ded.
4 YAWEI, dei meigimbat miselp redi blanga kilim mi,
5 YAWEI, gidap na en album mi garram main trabul.
6 Main enami olabat oldei kambek ebri aftanuntaim,
7 Detlot nogudbala wed weya dei toktok gin kadim jis laik ola bigwan naif,
8 Bat yu laf langa olabat, YAWEI.
9 Main God, yu na main seifwan haus.
10 Main God, yu oldei laigim mi,
11 Bat nomo kilim olabat ded, main Bos,
12 Olabat tok brabli nogudbalawei,
13 wal yu gitwail langa olabat en binijimap olabat.
14 Main enami olabat oldei kambek ebri aftanuntaim,
15 Olabat jis laik detlot jigiwan dog weya dei oldei lukaranbat blanga daga,
16 Bat main God, ai garra singim song blanga yu blanga det strongwan pawa blanga yu.
17 Main God, ai preisim yu, dumaji yu brabli strongbalawan.