1 Main God, mi askim yu blanga sori langa mi,
2 Washim mi brabliwei brom ol detlot nogudbala ting.
3 Trubala, ai sabi aibin dum rong ting,
4 Main God, aibin dum nogudbala ting langa yu.
5 Trubala aibin jidan nogudwan brom det taim wen aibin deya insaid langa main mami binji,
6 Ai sabi yu wandim mi blanga jidan brabli trubalawei insaid langa main spirit.
7 Deigidawei ol main nogudbalawei,
8 Ai wandim jidan gudbinjiwei igin!
9 Jadimap yu ai, wulijim yu kaan luk ol detlot nogudbala ting main,
10 Main God, meigim mi nyu insaid.
11 Nomo jandimwei mi.
12 Meigim mi gudbinji laik aibin jidan basdam wen yubin seibum mi.
13 If yu dum lagijat, wal ai garra dalim ola brabli nogudbala pipul wanim yubin dum,
14 Main God, oni yu na gin seibum mi.
15 Main bos, album mi blanga tok strongbalawei,
16 Ai sabi yu nomo wandim mi jis blanga barnim ship blanga sekrifais ofring blanga yu.
17 Main God, wen mi sori en meigim miselp lobala,
18 Jidan brabli kainbala langa yu pipul olabat langa Jerusalem,
19 If yu dum lagijat, wal ol yu pipul olabat garra jidan raitwei,