1 God im oldei kipum wi seif,
2 Wi kaan bradin nomeda if dijan graun im sheiksheik,
3 Wi kaan bradin nomeda if det solwoda gidap en meigim loda nois,
4 Det bigwan taun blanga God garram riba en im meigim ola pipul langa det taun jidan gudbinji olataim.
5 God oldei jidan langa det taun.
6 Wen God garra jingat jis laik det laitining weya im meigim bigbala nois,
7 YAWEI det boswan God im iya garram wi na.
8 Yumob kaman en luk wanim God bin dum.
9 Im gin stapam ola pipul wen dei oldei faidabat gija.
10 God bin jingat brabli adbala.
11 YAWEI det boswan God im iya garram wi na.