1 YAWEI, yu nomo fogedabat Deibid,
2 YAWEI, yu jinggabat wanim imbin pramis langa yu, det haibalawan God blanga Jeikob,
3 “Ai kaan gobek langa kemp o gobek blanga leidan langa bed,
4 en ai kaan abum spel o silip,
5 raidap ai meigim haus blanga YAWEI, det haibalawan God blanga Jeikob.”
6 Wibin irrim stori langa Bethlahem blanga det Seikridwan Boks,
7 Melabat bin tok, “Kaman! Wi garra go deya langa det Serramoni Pleis blanga YAWEI
8 YAWEI, kaman en jidan deya langa yu Serramoni Pleis garram det Seikridwan Boks, weya pipul sabi yu pawa oldei jidan.
9 Larram ol detlot serramonimen blanga yu oldei dum wanim rait olataim.
10 YAWEI, yubin meigim pramis langa yu wekinmen Deibid.
11 Yubin meigim brabli strongwan pramis langa Deibid, en yu garra oldei kipum det pramis.
12 If dei jidan trubalawei langa main strongbala pramis,
13 YAWEI bin pikimat Saiyan,
14 “Iya na ai garra jidan olagijawan,
15 Ai garra gibit Saiyan ebrijing im wandim,
16 Ebrijing detlot serramonimen dum ai garra gudbinji langa olabat,
17 Iya na ai garra meigim wanbala jidan haibala king brom det femili lain blanga Deibid,
18 Ai garra meigim ol im enami olabat jidan sheim nomo lilbit,