1 Det serramonimen bin sing, “Yumob Isreil pipul, yumob garra sing blanga hau wi enami olabat bin oldei gibitbat wi adtaim brom wen wibin yang.”
2 En detlot Isreil pipul bin sing,
3 Deibin beldimbat wi en meigim dipwan mak langa wi bekboun,
4 Bat YAWEI oldei dum wanim rait,
5 YAWEI, wi askim yu blanga bidim ol detlot pipul hu nomo laigim yu serramoni pleis langa Saiyan,
6 Meigim olabat jidan jis laik sid daga gras weya grogro ontop langa haus en im draiyap bifo im gro bigwan,
7 en nobodi kaan hipimap en deigidawei eni sid daga.
8 En dumaji nobodi garra gajimbat eni sid daga wal nobodi kaan tok dijan,