1 If YAWEI nomo bina jidan garram wi, wanim bina hepin langa wi?
2 “If YAWEI nomo bina jidan garram wi wen wi enamimob bin kaman blanga fait langa wi,
3 dei bina binijimap wi,
4 en jis laiga fladwoda, olabat bina deigimwei wi en gaburrumap wi,
5 en det fladwoda bina binijimap wi na.”
6 Wi gibit theingks langa YAWEI.
7 Wibin ranawei friwan wulijim bard wen im flaiwei brom det breikinwan trep.
8 Oni YAWEI na oldei albumbat wi.