1 “Gibit theingks langa YAWEI dumaji im gudwan.
2 Tok lagijat na blanga preisim YAWEI ol yumob hu imbin seibum.
3 en imbin bringimbek yumob brom ola streinja kantri langa sangidapwei en sangodanwei en brom nowathwei en sauthwei.
4 Sambala pipul bin gitbush langa deset kantri nomo garram eni roud blanga bulurrum,
5 Olabat bin ol hanggri en thestiwan,
6 Brom deya langa olabat trabul, deibin jingat langa YAWEI,
7 Imbin deigim olabat langa streitwan roud langa det bigwan taun blanga jidan.
8 Dei garra gibit theingks langa YAWEI dumaji im kipgon laigim olabat olagijawan,
9 Im meigim sedisfaid ol detlot hu jidan thestiwan,
10 Sambala bin jidan nogudbinjiwei langa brabli dakbala pleis.
11 dumaji dei nomo bin teiknodis ola wed blanga det brabli Boswan God,
12 Olabat bin nokap brom dumbat adwek.
13 Bat deibin jinginat langa YAWEI blanga olabat trabul,
14 Imbin deigimat olabat brom det dakbala pleis,
15 Dei garra gibit theingks langa YAWEI dumaji im laigimbat olabat olagijawan,
16 Im oldei breigimap ola kopawan geit blanga olabat enamimob,
17 Sambala pipul bin siliwan,
18 Olabat nomo bin wandi dagat daga en deibin gulijap dai.
19 Bat deibin jingat langa YAWEI,
20 Imbin meigim olabat gudwan garram im wed,
21 Dei garra gibit theingks langa YAWEI dumaji im kipgon laigim olabat olagijawan,
22 Dei garra gibit theingks langa YAWEI garram sekrifais ofring,
23 Sambala pipul bin oldei go langa solwoda garram bigwan bout weya deibin oldei wekwekbat blanga mani.
24 Deibin luk wanim YAWEI gin dum wen imbin dum ola gudwan ting langa solwoda.
25 Imbin jis tok en strongbala win bin blo,
26 Detlot ola bigwan bout bin lidap ontop en deibin kamdan adbala insaid langa det solwoda.
27 Deibin buldanbat en wokaranbat jis laik drangginbala pipul.
28 Bat deibin jingat langa YAWEI,
29 Imbin meigim det bigwan win seduldan,
30 Deibin gudbinji dumaji ebrijing bin jidan kwaitwan,
31 Dei garra gibit theingks langa YAWEI dumaji im kipgon laigim olabat olagijawan,
32 Dei garra tok blanga im haibalawei langa ola pipul,
33 YAWEI bin meigim ola riba draiyap brabliwei,
34 Imbin meigim ola gudwan graun jidan garram solt,
35 Bat imbin meigim deset kantri jidan garram ola bilibong,
36 Imbin larram ola hanggriwan pipul blanga jidan deya,
37 Deibin growimap ola gadin blanga olabat en deibin plentimbat ola greiptri,
38 Imbin dum gudwan ting blanga im pipul olabat en olabat bin abumbat detmatj biginini.
39 Wen detlot enamimob blanga ola pipul blanga God bidim olabat,
40 En God garra jidan nogudbinji en panishim detlot enamimob,
41 Bat im garra seibum ola powan pipul brom olabat trabul,
42 Ola pipul hu jidan trubala langa God sabi dijan,
43 Larram ol detlot hu jidan sabibalawei jinggabat dislot ting.