1 Gibit theingks langa YAWEI.
2 Sing preis langa YAWEI.
3 Jidan gudbinji dumaji wi blanga im.
4 Go langa YAWEI blanga album yumob,
7 YAWEI im na wi God.
8 Im garra kipum im strongwan pramis olagijawan.
9 Im garra kipum im wed weya imbin meigim garram Eibrahem,
10 YAWEI bin meigim strongwan pramis langa Jeikob,
11 Imbin tok, “Ai garra gibit yu dijan kantri Keinan,
12 Ola pipul blanga God bin jidan oni lilbit.
13 Deibin oldei wokaranbat brom wan kantri raidap langa naja kantri.
14 Bat God nomo bin larram enibodi tridim olabat nogudbalawei.
15 Imbin tok, “Nomo ardim ol main pipul weya aibin pikimat.
16 YAWEI bin meigim olabat kantri jidan nomo garram eni rein,
17 YAWEI bin jandim wan men lida langa olabat langa Ijip blanga seibum im pipul olabat.
18 Im fut bin tjeinap en aiyanwan tjein bin raidaran langa im nek,
19 raidap det wed weya YAWEI bin tok bin hepin truwan.
20 Brom deya, det king blanga Ijip bin larramgo im fri.
21 Imbin meigim im jidan boswan blanga ol im gabman pipul,
22 en imbin gibit im pawa oba ol det king wekinmen olabat,
23 Brom deya Jeikob en im femili olabat bin go langa Ijip en bin jidan deya langa det kantri.
24 YAWEI bin gibit langa im pipul olabat detmatj biginini,
25 Imbin meigim detlot pipul brom Ijip heidim im pipul olabat,
26 Brom deya imbin jandim im wekinmen Mosis en Eran dubala weya imbin pikimat.
27 Dubala bin dumbat ola klebabalawan ting brom God langa Ijip.
28 God bin meigim det kantri jidan dakbala,
29 Imbin meigim ola riba blanga olabat jidan blad en kilim ded ola fish.
30 Blanga olabat kantri bin jidan garram detmatj frog,
31 Wen God bin tok, ola flai en ola lilwan insek bin gaburrumap ol det kantri.
32 Imbin jandimdan heilston en laitining langa olabat kantri.
33 Imbin binijimap olabat greiptri en figtri en imbin breigimap ola tri.
34 Imbin tok, en bigismob grashopa bin kamat,
35 en deibin dagat ola plent langa det kantri,
36 YAWEI bin kilim ded ola feswan san blanga ola femili langa Ijip.
37 Imbin lidimat ola Isreil pipul brom Ijip,
38 Detlot pipul brom Ijip bin bradin langa olabat,
39 God bin pudum klaud ontop langa im pipul olabat,
40 Deibin askim im, en imbin jandimdan ola kweil.
41 Imbin opinimap bigwan ston en woda bin kamat en randan thru langa deset kantri wulijim riba.
42 Imbin jinggabat im seikridwan pramis langa Eibrahem, im wekinmen.
43 Imbin lidimat im pipul olabat weya imbin pikimat, en deibin sing en jingat gudbinjiwei.
44 Imbin gibit olabat ol detlot kantri blanga najalot pipul, en imbin larram olabat teikoba olabat fam,
45 dumaji imbin wandim im pipul olabat blanga teiknodis langa ol im lowa en dum ebrijing im dalim olabat blanga dum.