1 |src="praise.tif" size="col" ref="26:1" Wal det taim im kaminap na wen ebribodi langa det kantri Juda garra singim dijan song na.
2 Opinimap det geit blanga detlot pipul hu jidan brabli gudbalawei,
3 “YAWEI garra kipum detlot pipul brabli gudwei hu oldei jinggabat im,
4 Wi garra trastimbat oni langa YAWEI olataim.
5 Im oldei meigim detlot praudbala pipul jidan lobala.
6 En ola powan en wikwan pipul garra pudumbut langa det taun.
7 “YAWEI, yu oldei gibit feyago langa detlot pipul hu oldei bulurrumbat en trastimbat yu.
8 YAWEI, melabat wandim teiknodis langa yu lowa na.
9 Ebri naitaim ai wandim yu brabliwei.
10 Nomeda yu oldei kain langa ola nogudbala pipul,
11 YAWEI, olabat nomo luk yu bingga wen yu redi blanga panishimbat olabat.
12 “YAWEI, yu meigim melabat jidan gudbinjiwei,
13 YAWEI, yu na blanga melabat God.
14 Detlot pipul hubin jidan bos langa melabat bifo,
15 Melabat garra preisim oni langa yu YAWEI.
16 YAWEI, wen yubin panishim melabat,
17 Dumaji wanim yubin dum langa melabat,
18 Melabat bin abum loda pein,
19 “Detlot pipul hu bulurrum yu God garra jidan laibala,
20 “Main pipul olabat, yumob gobek langa yumob ronwan haus, en lokimap miselp insaid. Yumob blandim miselp raidap God garra stap wailwail langa ebribodi.
21 Luk! YAWEI im kaminap brom hebin blanga panishim ola pipul langa dijan wel blanga olabat nogudbalawei. Sambala pipul bin medrimbat sambala pipul. Ebribodi garra sabi hubin medrimbat olabat, dumaji det graun kaan kipgon gaburrumapbat detlot hubin gitkil.”