1 Wal Mosis bin sing, |src="Praise.tif" size="col" ref="32:1"
2 Main wed garra buldan laik rein,
3 Ai garra preisimbat det neim blanga YAWEI.
4 “YAWEI im jis laiga brabli strongwan ston weya kipum yumob seifwan.
5 Bat yumob nomo trubala langa YAWEI.
6 Wal im nomo gudwan lagijat blanga peiyimbek YAWEI.
7 “Yumob garra jinggabat wanim bin hepin brom longtaim.
8 Det brabli haibala God bin gibit pipul miselpmiselp detlot kantri weya olabat jidan.
9 Bat God bin pikimat det traib blanga Jeikob blanga im ronselp.
10 “Imbin faindim yumob wokabat langa deset kantri,
11 Im jis laiga igulok hu oldei titjimbat im beibi blanga flai.
12 Wal YAWEI imselp bin oldei lidim im pipul olabat.
13 “YAWEI bin meigim yumob Isreil pipul bos langa hil kantri.
14 Yumob bin abum blendibala milk brom buligi en nenigout.
15 “Yumob bin gro ritjwan, bat yumob bin gibit bekboun langa YAWEI.
16 YAWEI bin brabli jelas wen imbin luk yumob weshipbat olkain drimin sheip.
17 Yumob pipul bin sekrifais langa detlot drimin hu nomo trubala,
18 Yumob bin fogedabat yumob ronwan God.
19 “Wen YAWEI bin luk tharran imbin brabli wail,
20 Imbin tok, ‘Ai kaan album yumob.
21 Garram yumob drimin sheip weya yumob bin meigim,
22 Mi brabli wail en mi garra barnbarn jis laiga faiya.
23 “‘Ai garra bringimap loda brabli nogudwan trabul langa yumob,
24 Yumob garra dai dumaji yumob hanggribala en sikbala.
25 Langa roud ai garra jandim loda enami blanga kilimbat yumob.
26 Ai bina binijimap yumob raidap yumob holot bin binij,
27 Bat ai nomo bin wandim detlot enami garra tok praudbalawei weya deibin bidim main pipul,
28 “Yumob Isreil pipul yumob nomo abum eni gudwan main.
29 Yumob nomo sabi wotfo yumob nomo bin win,
30 Wotfo wanbala men brom detlot enami gin bidim 1,000 pipul brom yumob?
31 Detlot enami sabi detlot drimin blanga olabat dei wikwan.
32 Detlot enami olabat nogudbala,
33 en det wain im brabli poisinwan,
34 “Wal YAWEI sabi wanim yumob enamimob bin dum.
35 YAWEI garra peiyimbek en panishim olabat.
36 YAWEI garra seibum im pipul olabat wen im luk yumob lujim yumob pawa.
37 En YAWEI garra tok langa im pipul olabat,
38 Yumob bin gibit olabat det fet brom yumob sekrifais,
39 “‘Nomo eni drimin jidan laibala.
40 Mi na det laibalawan God en trubala ai dalim yumob.
41 Ai garra shapinim main bigwan shainiwan naif,
42 Main spiya garra jidan garram detmatj blad brom olabat.
43 “En detlot najalot pipul garra lafta preisim detlot pipul blanga YAWEI,
44 Wal Mosis en Joshuwa det san blanga Nan, dubala bin singsing det song adbala wulijim detlot Isreil pipul garra irrim.
45 Wal wen Mosis bin binij titjimbat olabat blanga God wed imbin tok,
46 “Wal yumob garra meiksho yumob garra teiknodis en duwit ol detlot lowa weya aibin dalimbat yumob tudei. En yumob garra dalim yumob biginini olabat, wulijim dei garra teiknodis en duwit ol detlot lowa weya aibin titjimbat yumob blanga God.
47 Dislot wed aibin lenimbat yumob. Dei nomo rabishwan wed. Dei blanga yumob laif. Wal yumob garra oldei teiknodis en duwit wulijim yumob gin jidan longtaim langa det kantri najasaid langa det Jodan Riba, weya yumob garra teikoba.” Lagijat na Mosis bin tok.
48 Wal det seimdei na YAWEI bin tok langa Mosis,
49 “Yu garra go langa detlot hil gulum Ebarim langa det kantri gulum Moweb, najasaid langa det taun dei gulum Jeriko. Yu garra galimap langa det hil gulum Neibo, en yu garra luk det kantri gulum Keinan weya ai garra gibit detlot Isreil pipul.
50 En deya na yu garra dai langa det hil jis laik yu braja Eran bin dai langa det hil gulum Hora,
51 dumaji yunbala nomo bin trubala langa mi deya lida langa detlot Isreil pipul. Wen yubin deya langa det woda pleis gulum Meriba gulijap langa det taun gulum Keidish langa det deset kantri gulum Sin, yu nomo bin rispek langa mi lida langa ola pipul.
52 Wal yu gin luk det kantri brom longwei, bat yu kaan go langa det kantri weya ai garra gibit ola Isreil pipul.” Lagijat na YAWEI bin tok.