1 Trubala yu brabli purdiwan gel.
2 Det binjipat blanga yu jis laik kap ful garram wain.
3 Blanga yu milk dubala raunwan jis laik det dubala popo.
4 Yu nek im longwan en im brabli shainiwan,
5 Yu jis laik det brabli haibala hil gulum Kamul.
6 Yu luk purdiwan!
7 Yu brabli longwan en yu mubaranbat gudwei laik det pamtri,
8 Ai garra galimap langa det pamtri en gajim ola frut daga.
9 Wen yu kiskisbat mi, yu teist laik det brabli gudwan wain.
10 Mi blanga yu, main olmen, en yu oldei wandimbat mi olataim.
11 Kaman, main olmen.
12 Yunmi garra gidap ailibala gin,
13 Yu gin smelim det gudsmelwan bush medisin en ola gudwan frut daga.