1 Wal YAWEI det trubala God bin seibum Deibid brom Sol en ola najalot enami blanga im. En blanga tharran na King Deibid bin sing dijan song weya imbin faindim.
2 “YAWEI oldei lukaftumbat mi, |src="praise.tif" size="col" ref="22:2"
3 Main God oldei maindimbat mi wen ai go langa im,
4 Wen mi jingat langa YAWEI, im oldei seibum mi brom main enami olabat.
5 “Aibin abum bigis trabul, en aibin gulijap dai, dumaji main enami olabat bin raidaran langa mi.
6 Deth bin ebriweya raidaran langa mi.
7 Bat aibin jingat langa YAWEI.
8 “Wal ola graun bin sheiksheik.
9 Imbin jis laik imbin meigim smok kamat brom im nos,
10 Imbin jis laik imbin breigimap det skai ontop,
11 Kwikbala imbin kaman jis laik imbin flai garram det speshalwan einjul blanga im,
12 Imbin jis laik imbin gaburrumap miselp garram det dakbala klaud,
13 en det brabliwan lait blanga im bin shain brom insaid langa det klaud,
14 “Afta na YAWEI bin jingat brom ontop jis laiga thanda,
15 en brabliwei imbin bidim detlot enami blanga im.
16 Nomeda deibin trai en blandim miselp insaid langa keib, bat stil imbin luk olabat.
17 “Wal YAWEI bin irrim mi wen aibin jingat langa im blanga album mi,
18 Imbin seibum mi brom ol detlot enami blanga main.
19 Wen aibin abum det trabul, ol detlot pipul bin oldei trai en grebum mi.
20 Imbin oldei album mi wen aibin abum det trabul,
21 “Wal YAWEI bin gudbala langa mi, dumaji mi oldei bulurrumbat det raitwei blanga im.
22 Aibin oldei duwit langa det lowa blanga YAWEI,
23 Aibin oldei jinggabat ol detlot lowa blanga im,
24 En im sabi mi jidan nomo garram enijing rong.
25 En imbin gudbala langa mi, dumaji aibin oldei bulurrumbat det raitwei blanga im,
26 “Wal YAWEI, yu na det trubala God,
27 Yu oldei gudbala langa detlot pipul hu jidan gudbala.
28 En yu oldei meigim detlot pipul hu meigim miselp haibala jidan lobala.
29 “Wal YAWEI yu jidan jis laiga lait langa mi.
30 En nomeda main enami olabat bigmob, bat stil yu oldei meigim mi strongbala blanga fait langa olabat.
31 “Wal ol yumob pipul, det wei blanga God im brabli gudwan,
32 Wal nobodi God. Oni YAWEI na God.
33 Im na oldei meigim mi strongbala,
34 en im oldei kipum mi seifwan jis laiga diya
35 Ai sabi hau blanga fait langa main enami olabat en bidim olabat,
36 “Wal YAWEI, yu na det trubala God,
37 en yu nomo bin larram main enami olabat grebum mi,
38 Aibin oldei ranimap main enami olabat raidap aibin oldei bidim olabat.
39 Aibin oldei bidim olabat brabliwei,
40 Wal YAWEI, yu na bin oldei meigim mi strongbala blanga fait langa main enami olabat en bidim olabat,
41 en yu na bin oldei meigim olabat ranawei brom mi wen deibin oldei luk mi kaman,
42 Deibin oldei trai en lukabat blanga sambodi blanga album olabat en seibum olabat brom mi.
43 En aibin oldei bastimap olabat jis laiga wekinmen weya im bastimap graun.
44 “Wal YAWEI yu na det trubala God,
45 Loda streinja pipul oldei kaman en baudan lida langa mi blanga shoum rispek langa mi,
46 En wen detlot streinja pipul hu jidan main enami olabat irrim mi tok, dei oldei bradin langa mi,
47 “Wal wi garra gibit preis langa YAWEI hu jidan laibala.
48 En im na oldei peiyimbek main enami olabat.
49 en imbin seibum mi brom ola pipul hu nomo laigim mi.
50 “Wal ai garra preisimbat yu langa yu neim en dalimbat ola pipul langa ebri kantri blanga yu,
51 God bin meigim mi jidan king,