1 Akavai o spisko oto preci e Isuse Hristesere kovai potomko e Davidesoro hem potomko e Avraamesoro.
2 E Avraamese bijandilo o Isaak.
3 E Judase i Tamara bijanđa e Farese hem e Zare.
4 E Aramese bijandilo o Aminadav.
5 E Salmonese i Rahava bijanđa e Vooze.
6 E Jesejese bijandilo o caro o David.
7 E Solomonese bijandilo o Rovoam.
8 E Asafese bijandilo o Josafat.
9 E Ozijase bijandilo o Joatam.
10 E Ezekijase bijandilo o Manasija.
11 E Josijase bijandilo o Jehonija hem lesere phralja kad o Vavilonci osvojinde i Judeja hem ćerde o Izraelci te džan ano Vavilon.
12 Palo progonstvo ano Vavilon, e Jehonijase bijandilo o Salatiil.
13 E Zorovavelese bijandilo o Avijud.
14 E Azorese bijandilo o Sadok.
15 E Elijudese bijandilo o Eleazar.
16 E Jakovese bijandilo o Josif, o rom e Marijakoro koja bijanđa e Isuse vičime Hrist.
17 Adava značini dai ukupno dešu štar generacije taro Avraam đi o caro o David, dešu štar generacije taro David đi o progonstvo ano Vavilon hem dešu štar generacije taro progonstvo ano Vavilon đi o Hrist.
18 Ače sar inele kad bijandilo o Isus o Hrist: Lesiri daj i Marija inele mangli e Josifese. Ali angleder so te len pe, dodžanđa da ačhili khamni oto Sveto Duho.
19 Lakoro rom o Josif inele pravedno manuš, i adalese so na manglja te lađari la anglo manuša, tajno manglja te ačhaj la.
20 I sar razmislini ine adalestar, zasuća. Ano suno alo lese o anđeo e Gospodesoro hem phenđa lese: “Josife, čhaveja e Davidesereja, ma dara te le e Marija romnjaće! Adalese so o Sveto Duho ćerđa la te akhari adale čhavore ano vođi.
21 Oj ka bijani čhave hem tu ka de le anav Isus adalese so ka spasini ple narodo lengere grehendar.”
22 Sa adava ulo sar te pherđol okova so o Gospod vaćerđa palo proroko:
23 “Šunen! I čhaj ka ačhol khamni!
24 Kad o Josif uštino oto sojba, ćerđa sar so phenđa lese o anđeo e Gospodesoro – lelja e Marija romnjaće.
25 Na suća olaja sar romnjaja đikote na bijanđa e čhave. A tegani ov dinđa le anav Isus.