1 ⴰⵔⴻⴽⴽⵡⴰⵍⴻⵖ ⵖⴰⵔⴻⴽ, ⴰ ⵙⵉⴷⵉ,
2 ⴼⴻⴽⴽ ⴰⵢⵉ ⵙ ⵜⵙⴻⴳⴷⴰ ⵏⵏⴻⵛ ⵓ ⴰⵔⵅⵓ ⴰⵢⵉ.
3 ⵉⵍⵉ ⴷ ⵉⵛⵜ ⵏ ⵜⴻⵚⴹⴰⵔⵜ ⵉ ⵜⵣⴻⴷⴷⵉⵖⵜ ⵉ ⵏⴻⵛⵛ,
4 ⴰⵔⴻⴱⴱⵉ ⵉⵏⵓ, ⵙⴻⵏⵊⴻⵎ ⴰⵢⵉ
5 ⵎⴰⵖⴰⵔ ⵛⴻⴽ ⴷ ⵍⴰⵢⴰⵙ ⵉⵏⵓ,
6 ⵣⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ,
7 ⵉ ⵡⴰⵟⵟⴰⵙ ⵏⴻⵛⵛ ⴰⵎ ⵢⵉⵛⵜ ⵏ ⵍⴻⵄⵍⴰⵎⴻⵜ ⵏ ⵍⴻⵄⵊⴻⴱ,
8 ⴻⵊⵊ ⴰⵇⴻⵎⵎⵓⵎ ⵉⵏⵓ ⴰⴷ ⵉⵛⵛⵓⵔ
9 ⵡⴰⵔ ⵅⴰⴼⵉ ⵜⵜⵎⴻⵏⴹⴰⵔ
10 ⵎⴰⵖⴰⵔ ⵍⵄⴻⴷⵢⴰⵏ ⵉⵏⵓ ⵙⵙⴰⵡⴰⵍⴻⵏ ⵅⴰⴼⵉ,
11 ⵏⵉⵜⵏⵉ ⵇⵇⴰⵔⴻⵏ: “ⴰⵔⴻⴱⴱⵉ ⵉⵙⵎⴻⵃ ⴷⴰⵢⴻⵙ.
12 ⴰ ⴰⵔⴻⴱⴱⵉ, ⵡⴰⵔ ⵜⵜⵖⵉⵎⵉ ⵜⵉⴳⴳⵯⴻⵊⴻⴷ ⵅⴰⴼⵉ,
13 ⴻⵊⵊ ⵉⵖⵔⵉⵎⴻⵏ ⵏ ⵜⵓⴷⴰⵔⵜ ⵉⵏⵓ
14 ⵏⴻⵛⵛ ⵎⴰⵛⴰ ⴰⴷ ⵇⵇⵉⵎⴻⵖ ⵜⵜⵔⴰⵊⵉⵖ ⵛⴻⴽ ⵍⴻⴱⴷⴰ,
15 ⴰⵇⴻⵎⵎⵓⵎ ⵉⵏⵓ ⴰⴷ ⵉⴱⴰⵔⵔⴻⵃ
16 ⵏⴻⵛⵛ ⴰⴷ ⴷⴷ-ⴰⵙⴻⵖ ⵙ ⵜⵎⴻⴳⴳⴰ ⵜⵉⵎⴻⵇⵇⵔⴰⵏⵉⵏ
17 ⴰ ⴰⵔⴻⴱⴱⵉ, ⵛⴻⴽ ⵜⵓⵖⴰ ⵜⴻⵙⵙⴻⵍⵎⴰⴷⴻⴷ ⴰⵢⵉ
18 ⴰ ⴰⵔⴻⴱⴱⵉ, ⵡⴰⵔ ⴷ ⴰⵢⵉ ⵙⴻⵎⵎⴻⵃ ⵛⴰ,
19 ⴰ ⴰⵔⴻⴱⴱⵉ, ⵜⴰⵙⴻⴳⴷⴰ ⵏⵏⴻⵛ
20 ⴰⵇⴰ ⵛⴻⴽ ⵜⴻⵊⵊⵉⴷ ⵜⴻⴽⴽⴰ ⵅⴰⴼⵉ
21 ⵛⴻⴽ ⴰⴷ ⵜⴰⵔⵔⵉⴷ ⵍⴻⵎⵖⴰⵔⴻⵜ ⵉⵏⵓ ⴰⴷ ⵜⴻⵎⵖⴰⵔ,
22 ⴰⴷ ⵛⴻⴽ ⵇⴰⴷⵉⵖ ⵄⴰⵡⴻⴷ ⵙ ⵍⵀⴰⵔⴱⴰ,
23 ⵉⵢⴻⵏⵛⵉⵛⴻⵏ ⵉⵏⵓ ⴰⴷ ⵙⵍⵉⵡⵍⴻⵡⴻⵏ,
24 ⵓⵍⴰ ⴷ ⵉⵍⴻⵙ ⵉⵏⵓ ⴰⴷ ⵉⵃⴰⵊⴰ