1 ⵉⵣⵍⵉ ⵏ ⴷⴰⵡⵓⴷ ⴷⴻⴳ ⵡⴰⵟⵟⴰⵙ ⵏ ⵜⵎⵉⵊⵊⵉⵡⵉⵏ, ⵉⵣⵍⵉ ⵏⵏⵉ ⵉⵖⴻⵏⵏⴻⵊ ⵉ ⵙⵉⴷⵉ ⴷⵉ ⵙⵙⵉⴱⴱⴻⵜ ⵏ ⵡⴰⵡⴰⵍⴻⵏ ⵏ ⴽⵓⵛ, ⵡⴻⵏⵏⵉ ⵉⴵⴰⵏ ⵣⴻⴳ ⴰⵢⵜ ⵏ ⴱⵉⵏⵢⴰⵎⵉⵏ.
2 ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ,
3 ⵎⴰⵃⴻⵏⴷ ⵏⴻⵜⵜⴰ ⵡⴰⵔ ⴷ ⴰⵢⵉ ⵉⵣⴻⵄⵄⴻⴼ
4 ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ,
5 ⵎⴰⵍⴰ ⵏⴻⵛⵛ ⵅⴻⵍⴼⴻⵖ
6 ⴻⵊⵊ ⵅⴻⵏⵏⵉ ⴰⴷ ⵢⴰⵥⵥⴻⵍ ⵍⴻⵄⴷⵓ ⵅ ⵍⴻⵄⵎⴰⵔ ⵉⵏⵓ,
7 ⴽⴽⴰⵔ-ⴷⴷ, ⴰ ⵙⵉⴷⵉ, ⴷⴻⴳ ⵡⴻⵖⴹⴰⴱ ⵏⵏⴻⵛ,
8 ⴰⴳⵔⴰⵡ ⵏ ⵍⴻⴳⵏⵓⵙ ⴰⴷ ⴰⵛ ⴷⴷ-ⵉⵏⵏⴻⴹ,
9 ⵙⵉⴷⵉ ⴰⴷ ⵉⵃⴰⴽⴻⵎ ⵍⴻⴳⵏⵓⵙ.
10 ⵙⴱⴻⴷⴷ ⵜⵓⵄⴻⴼⴼⵏⴰ ⵏ ⵉⵄⴻⴼⴼⴰⵏⴻⵏ,
11 ⵜⴰⵙⴻⴷⴷⴰⵔⵜ ⵉⵏⵓ ⵉ ⵓⵙⴻⵍⵇⵉ ⵖⴰⵔ ⴰⵔⴻⴱⴱⵉ,
12 ⴰⵔⴻⴱⴱⵉ ⴷ ⵉⵊⵊ ⵏ ⵍⵇⴰⴹⵉ ⵉⵙⴻⴳⴳⴷⴻⵏ,
13 ⵎⴰⵍⴰ ⵏⴻⵜⵜⴰ ⵡⴰⵔ ⴷⴷ-ⵉⵄⵇⵉⴱ,
14 ⵉⴳⴳⴰ ⵅⴰⵙ ⵍⴻⵙⵏⴰⵃ ⵉⵏⴻⵇⵇⴻⵏ,
15 ⵅⵣⴰⵔ, ⴰⵇⴰ ⵡⴹⴰⵏ-ⴷⴷ ⵅⴰⵙ
16 ⵉⵇⵇⴰⵣ ⵉⵊⵊ ⵏ ⵡⴻⵃⴼⵓⵔ ⵓⵛⴰ ⵉⵙⵙⵓⴵⴻⵖ ⵉ-ⵜ,
17 ⵜⴰⵎⴰⵔⴰ ⵏⵏⴻⵙ ⴰⴷ ⴷⴷ-ⵜⴻⴷⵡⴻⵍ
18 ⴰⴷ ⵇⴰⴷⵉⵖ ⵙⵉⴷⵉ ⵄⵍⴰⵃⵙⴰⴱ ⵜⴰⵙⴻⴳⴷⴰ ⵏⵏⴻⵙ,