1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵜⵍⵉⵍⵍⵉⵛⵉⵏ’. ⵏ ⴷⴰⵡⵓⴷ.
2 ⵙⴻⵏⵊⴻⵎ ⴰⵢⵉ, ⴰ ⴰⵔⴻⴱⴱⵉ,
3 ⵏⴻⵛⵛ ⵖⴻⴱⴱⵉⵖ ⴷⴻⴳ ⵓⴱⴰⵔⵢⵓⴹ ⵢⵓⴵⴻⵖ,
4 ⵏⴻⵛⵛ ⵓⵃⵍⴻⵖ ⵙ ⵉⵖⵓⵢⵢⴰⵏ,
5 ⵉⵏⵏⵉ ⴷ ⴰⵢⵉ ⵉⵛⴰⵔⵔⵀⴻⵏ ⵅ ⵡⴰⵍⵓ
6 ⴰ ⴰⵔⴻⴱⴱⵉ, ⵛⴻⴽ ⵜⴻⵙⵙⵏⴻⴷ ⵜⵓⴱⴱⵓⵀⴻⵍⵢⴰ ⵉⵏⵓ,
7 ⴻⵊⵊ ⵉⵏⵏⵉ ⵅⴰⴽ ⵉⵙⵙⵉⵜⵉⵎⴻⵏ, ⵡⴰⵔ ⵜⵜⵙⴻⴹⵃⵉⵏ,
8 ⵎⴰⵖⴰⵔ ⴷⵉ ⵟⵟⵡⴻⵄ ⵏⵏⴻⵛ ⵉ ⴽⴻⵙⵙⵉⵖ ⴰⵙⴻⵃⵇⴰⵔ,
9 ⴷⴻⵡⵍⴻⵖ ⴷ ⴰⵖⵔⵉⴱ ⵖⴰⵔ ⴰⵢⵜⵎⴰ,
10 ⵎⴰⵖⴰⵔ ⵜⵓⵙⵎⵉ ⵉⵇⴻⴷⴷⵙⴻⵏ ⵉ ⵜⴰⴷⴷⴰⵔⵜ ⵏⵏⴻⵛ
11 ⵏⴻⵛⵛ ⵔⵓⵖ ⵖⴰⵔ ⵓⵥⵓⵎⵎⵉ ⵏ ⵍⴻⵄⵎⴰⵔ ⵉⵏⵓ,
12 ⵏⴻⵛⵛ ⵢⴰⵔⴹⴻⵖ ⵉⵛⵜ ⵏ ⵜⵅⴰⵏⵛⴻⵜ ⵏ ⵡⴻⵛⴹⴰⵏ,
13 ⵉⵏⵏⵉ ⵉⵇⵇⵉⵎⴻⵏ ⵖⴰⵔ ⵜⴻⵡⵡⴰⵔⵜ ⵏ ⵜⴻⵏⴷⵉⵏⵜ
14 ⵏⴻⵛⵛ ⵎⴰⵛⴰ ⵜⵜᵉⵜⵜⴰⵔⴻⵖ ⵖⴰⵔⴻⴽ, ⴰ ⵙⵉⴷⵉ!
15 ⵊⴱⴻⴷ ⴰⵢⵉ-ⴷⴷ ⵣⴻⴳ ⵓⴱⴰⵔⵢⵓⴹ,
16 ⵡⴰⵔ ⵜⵜⴻⵊⵊⵉ ⴰⴷ ⴰⵢⵉ ⵜⴰⵡⵉ ⵍⵃⴻⵎⵍⴻⵜ,
17 ⴰⵔⵔ ⵅⴰⴼⵉ, ⴰ ⵙⵉⴷⵉ,
18 ⵡⴰⵔ ⵜⵜⴻⴼⴼⴰⵔ ⵛⴰ ⵓⴷⴻⵎ ⵏⵏⴻⵛ
19 ⴰⴷⴻⵙ ⴰⵢⵉ-ⴷⴷ ⵖⴰⵔ ⵍⴻⵄⵎⴰⵔ ⵉⵏⵓ, ⴼⴻⴽⴽ ⵉ-ⵜ.
20 ⵛⴻⴽ ⵜⴻⵙⵙⵏⴻⴷ ⵍⵄⴰⵔ ⵉⵏⵓ
21 ⴰⵙⴻⵃⵇⴰⵔ ⵢⴰⵔⵥ ⴰⵢⵉ ⵓⵍ
22 ⵏⵉⵜⵏⵉ ⴳⴳⵉⵏ ⵙⵙⴻⵎ ⴷⵉ ⵎⴰⵛⵛⴰ ⵉⵏⵓ,
23 ⴻⵊⵊ ⵟⵟⴰⴱⵍⴰ ⵏⵙⴻⵏ ⴰⴷ ⵜⴻⴷⵡⴻⵍ ⴷ ⵍⴼⴻⵅ,
24 ⵙⴷⴰⵔⵖⴻⵍ ⵜⵉⵟⵟⴰⵡⵉⵏ ⵏⵙⴻⵏ,
25 ⵣⴻⴵⴻⵄ ⵅⴰⵙⴻⵏ ⴰⵙⵅⴻⴹ ⵏⵏⴻⵛ,
26 ⴻⵊⵊ ⵍⵎⴰⵔⴳⴻⵃ ⵏ ⵜⵣⴻⴷⴷⵉⵖⵜ ⵏⵙⴻⵏ
27 ⵎⴰⵖⴰⵔ ⵏⵉⵜⵏⵉ ⴷⴰⵔⵔⴰⵛⴻⵏ ⵅ ⵡⴻⵔⵢⴰⵣ
28 ⴰⵔⵔ ⴷⴷⴻⵏⴱ ⵅ ⴷⴷⴻⵏⴱ ⵏⵙⴻⵏ,
29 ⴻⵊⵊ ⵉ-ⵜⴻⵏ ⴰⴷ ⵜⵜⵡⴰⵎⵃⴰⵏ
30 ⵎⴰⵛⴰ ⵏⴻⵛⵛ ⴰⵇⴰ ⴰⵢⵉ
31 ⵏⴻⵛⵛ ⴰⴷ ⵚⴻⴱⴱⵃⴻⵖ ⵉⵙⴻⵎ ⵏ ⴰⵔⴻⴱⴱⵉ
32 ⴰⵢⴰ ⴰⴷ ⵢⴰⵔⴹⴰ ⵙⵉⴷⵉ ⴽⵜⴰⵔ
33 ⵉⵎⵀⵉⵏⴻⵏ ⵏⵏⵉ ⵜⵜ ⵉⵥⵔⵉⵏ, ⴰⴷ ⴼⴰⵔⵃⴻⵏ,
34 ⵎⴰⵖⴰⵔ ⵙⵉⴷⵉ ⵉⵜⵜⴻⵙⵍⴰ ⵖⴰⵔ ⵉⵎⴻⵣⵍⴰⴹ,
35 ⴻⵊⵊ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ ⴰⴷ ⵜ ⵙⵙⴻⵎⵖⴰⵔⴻⵏ,
36 ⵎⴰⵖⴰⵔ ⴰⵔⴻⴱⴱⵉ ⴰⴷ ⵉⵙⵙⴻⵏⵊⴻⵎ ⵚⵉⵀⵢⵓⵏ,
37 ⵣⵣⴰⵔⵉⵄⴻⵜ ⵏ ⵉⵎⵙⴻⵅⵅⴰⵔⴻⵏ ⵏⵏⴻⵙ