1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵣⴻⵀⵀⴻⴷ ⵏ ⴷⴰⵡⵓⴷ.
2 ⴰⵍⴰⵎⵉ ⵉ ⵖⴰⵔⴻⵙ ⴷⴷ-ⵢⵓⵙⴰ ⵓⵏⴰⴱⵉ ⵏⴰⵜⴰⵏ, ⴰⵡⴰⵔⵏⵉ ⵍⴰⵎⵉ ⵢⵓⴷⴻⴼ ⴷⴰⵡⵓⴷ ⵅ ⴱⴰⵜ-ⵛⴰⴱⴰⵄ.
3 ⵃⵉⵏⵏ ⵅⴰⴼⵉ, ⴰ ⴰⵔⴻⴱⴱⵉ,
4 ⵙⵙⵉⵔⴷ ⵍⵎⵓⵄⵚⵉⵢⵢⴻⵜ ⵉⵏⵓ ⵣⵣⴰⵢⵉ ⵎⴰⵔⵔⴰ,
5 ⵎⴰⵖⴰⵔ ⵏⴻⵛⵛ ⵙⵙⵏⴻⵖ ⵉⵅⴻⵟⵟⴰⵏ ⵉⵏⵓ,
6 ⴰⴽⵉⴷⴻⴽ, ⴰⴽⵉⴷⴻⴽ ⵡⴰⵀⴰ ⵉ ⵅⴹⵉⵖ,
7 ⵅⵣⴰⵔ, ⵜⵜⵡⴰⵅⴻⵍⵇⴻⵖ-ⴷⴷ ⴷⵉ ⴷⴷⵏⵓⴱ,
8 ⵅⵣⴰⵔ, ⵛⴻⴽ ⵜᵉⵜⵜⴻⵅⵙⴻⴷ ⵜⵉⴷⴻⵜⵜ ⴷⵉ ⴷⴰⵅⴻⵍ,
9 ⴽⵙⵉ ⵅⴰⴼⵉ ⴷⴷⵏⵓⴱ ⵙ ⵜⵄⴻⵍⴵⴻⵜ,
10 ⴰⵔⵔ ⴰⵢⵉ ⴰⴷ ⵙⵍⴻⵖ ⴰⵔⵛⵓⵇ ⴷ ⵍⴻⴼⵔⴰⵃⴻⵜ,
11 ⵙⵏⵓⴼⴼⴰⵔ ⵓⴷⴻⵎ ⵏⵏⴻⵛ
12 ⵅⵍⴻⵇ-ⴷⴷ ⴷⴰⵢⵉ ⵓⵍ ⵉⵣⴷⵉⴳ, ⴰ ⴰⵔⴻⴱⴱⵉ,
13 ⵡⴰⵔ ⴷ ⴰⵢⵉ ⵏⴻⵟⵟⴰⵔ ⵣⴻⴳ ⵡⵓⴷⴻⵎ ⵏⵏⴻⵛ,
14 ⴻⵡⵛ ⴰⵢⵉ ⵄⴰⵡⴻⴷ
15 ⵅⴻⵏⵏⵉ ⴰⴷ ⵙⵙⵖⴰⵔⴻⵖ ⵉⴱⵔⵉⴷⴻⵏ ⵏⵏⴻⵛ
16 ⴼⴻⴽⴽ ⴰⵢⵉ ⵣⴻⴳ ⵓⵎⴰⵔⵡⴰⵙ ⵏ ⵉⴷⴰⵎⵎⴻⵏ,
17 ⴰⵔⵣⴻⵎ ⴰⵢⵉ ⵉⵢⴻⵏⵛⵉⵛⴻⵏ ⵉⵏⵓ, ⴰ ⵙⵉⴷⵉ ⵉⵏⵓ,
18 ⵎⴰⵖⴰⵔ ⵡⴰⵔ ⴷ ⴰⴽ ⵜⴻⵛⵇⵉ ⵜⵖⴰⵔⵚⵜ,
19 ⵜⵉⵖⴰⵔⵚⴰ ⵏ ⴰⵔⴻⴱⴱⵉ
20 ⴻⴳⴳ ⵍⵅⴰⵔ ⵉ ⵚⵉⵀⵢⵓⵏ ⵄⵍⴰⵃⵙⴰⴱ ⴰⵔⴹⴰ ⵏⵏⴻⵛ,
21 ⵅⴻⵏⵏⵉ ⴰⴷ ⵜⴰⵔⴹⵉⴷ ⴷⵉ ⵜⵖⴰⵔⵚⴰ ⵏ ⵍⵎⵓⵄⵚⵉⵢⵢⴻⵜ,