1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ, ⵙ ⵜⴻⵖⵏⵉⵏⵜ ⵏ ‘ⵜⵓⴷⴰⴷⵜ ⵏ ⵜⵓⴼⴼⵓⵜ’. ⴰⵣⴻⵀⵀⴻⴷ ⵏ ⴷⴰⵡⵓⴷ.
2 ⴰⵔⴻⴱⴱⵉ ⵉⵏⵓ, ⴰⵔⴻⴱⴱⵉ ⵉⵏⵓ,
3 ⴰ ⴰⵔⴻⴱⴱⵉ ⵉⵏⵓ, ⵍⴰⵖⵉⵖ ⴷⴻⴳ ⵡⴰⵙⵙ,
4 ⵛⴻⴽ ⴷ ⴰⵎⵇⴻⴷⴷⴻⵙ ⵉ ⵜⴻⴵⵉⴷ,
5 ⵜⵜⴻⵛⵍⴻⵏ ⵅⴰⴽ ⵍⴻⵊⴷⵓⴷ ⵏⵏⴻⵖ,
6 ⵏⵉⵜⵏⵉ ⵙⵖⵓⵢⴻⵏ-ⴷⴷ ⵖⴰⵔⴻⴽ
7 ⵏⴻⵛⵛ ⴷ ⵉⵛⵜ ⵏ ⵜⴽⴻⵛⵛⴰ, ⵡⴰⵔ ⵉⴵⵉ ⴷ ⴰⵔⵢⴰⵣ,
8 ⵎⴰⵔⵔⴰ ⵉⵏⵏⵉ ⴷ ⴰⵢⵉ ⵉⵥⵔⵉⵏ,
9 ⵇⵇⴰⵔⴻⵏ: “ⵙⴻⵄⴷⵓ ⵜ ⵅ ⵙⵉⴷⵉ,
10 ⵛⴻⴽ ⵜⵊⴻⴱⴱⴷⴻⴷ ⴰⵢⵉ-ⴷⴷ
11 ⵣⵉ ⵍⴻⵎⵔⴰⵡⴻⵜ ⵜⵜⵡⴰⵎⵎⴻⵏⴹⴰⵔⴻⵖ ⵅⴰⴽ,
12 ⵡⴰⵔ ⵜⵜⵖⵉⵎⵉ ⴱⵓ ⵖⴰⵔ ⵍⴰⴳⴳⵯⴰⵊ ⵣⵣⴰⵢⵉ,
13 ⴰⵟⵟⴰⵙ ⵏ ⵉⴼⵓⵏⴰⵙⴻⵏ ⵏⵏⴹⴻⵏ ⴰⵢⵉ-ⴷⴷ,
14 ⴰⵔⵣⵎⴻⵏ-ⴷⴷ ⵖⴰⵔⵉ ⴰⵇⴻⵎⵎⵓⵎ ⵏⵙⴻⵏ
15 ⵏⴻⵛⵛ ⵜⵜⵡⴰⴼⴰⵔⵔⵖⴻⵖ ⴰⵎ ⵡⴰⵎⴰⵏ
16 ⵊⵊⴻⵀⴷ ⵉⵏⵓ ⵢⵓⵥⴻⵖ
17 ⵎⴰⵖⴰⵔ ⵉⵟⴰⵏ ⵏⵏⴹⴻⵏ ⴰⵢⵉ-ⴷⴷ,
18 ⵣⴻⵎⵎⴰⵔⴻⵖ ⴰⴷ ⵃⴻⵙⴱⴻⵖ
19 ⵏⵉⵜⵏⵉ ⴱⴹⴰⵏ ⴰⵔⵔⵓⴹ ⵉⵏⵓ ⵊⴰⵔ ⴰⵙⴻⵏ,
20 ⵛⴻⴽ, ⴰ ⵙⵉⴷⵉ, ⵡⴰⵔ ⵜⵜⵉⵍⵉ
21 ⴼⴻⴽⴽ ⵍⴻⵄⵎⴰⵔ ⵉⵏⵓ ⵣⵉ ⵙⵙⵉⴼ,
22 ⴼⴻⴽⴽ ⴰⵢⵉ ⵣⴻⴳ ⵓⵇⴻⵎⵎⵓⵎ ⵏ ⵡⴻⵢⵔⴰⴷ,
23 ⴰⴷ ⴱⴰⵔⵔⵃⴻⵖ ⵉⵙⴻⵎ ⵏⵏⴻⵛ ⵉ ⵡⴰⵡⵎⴰⵜⴻⵏ ⵉⵏⵓ,
24 ⴽⴻⵏⵏⵉⵡ, ⵉⵏⵏⵉ ⵉⵜⵜⴻⴳⴳⵯⴷⴻⵏ ⵙⵉⴷⵉ,
25 ⵎⴰⵖⴰⵔ ⵡⴰⵔ ⵉⵙⵙⴻⵃⵇⵉⵔ ⵛⴰ
26 ⵣⵣⴰⵢⴻⴽ ⴰⴷ ⴷⴷ-ⵢⴰⵙ ⵓⵇⴰⴷⵉ ⵉⵏⵓ
27 ⵉⵎⵡⴰⴹⵄⴻⵏ ⴰⴷ ⵛⵛⴻⵏ ⵓ ⴰⴷ ⵊⵊⵉⵡⵏⴻⵏ,
28 ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⴰⴷ ⵜ ⵉⴷⴰⵔⴻⵏⵜ,
29 ⵎⵉⵏⵣⵉ ⵜⴰⴳⴻⵍⴷⵉⵜ ⵉ ⵙⵉⴷⵉ ⵉ ⵜⴻⴵⴰ,
30 ⵎⴰⵔⵔⴰ ⵉⵏⵏⵉ ⵉⵚⴻⵃⵃⴻⵏ ⴷⵉ ⵜⴻⵎⵎⵓⵔⵜ
31 ⵣⵣⴰⵔⵉⵄⴻⵜ ⴰⴷ ⴰⵙ ⵜⵙⴻⵅⵅⴰⵔ,
32 ⴰⴷ ⴷⴷ-ⴰⵙⴻⵏ, ⴰⴷ ⴱⴰⵔⵔⵃⴻⵏ ⵜⴰⵙⴻⴳⴷⴰ ⵏⵏⴻⵙ