1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵣⴻⵀⵀⴻⴷ ⵏ ⴷⴰⵡⵓⴷ.
2 ⵉⵊⴻⵏⵡⴰⵏ ⵜⵜⴱⴰⵔⵔⵃⴻⵏ ⵙ ⵓⵄⵓⴵⵉ ⵏ ⴰⵔⴻⴱⴱⵉ,
3 ⴰⵙⵙ ⵉⵙⵙⴰⵣⵣⴰⵍ ⴰⵡⴰⵍⴻⵏ ⵉ ⵡⴰⵙⵙ,
4 ⵡⴰⵔ ⵉⴵⵉ ⴷ ⵍⵀⴰⵔⴷ ⵓ ⵡⴰⵔ ⴵⵉⵏ ⵛⴰ ⴷ ⴰⵡⴰⵍⴻⵏ,
5 ⵍⵓⵎⵓⵔⴰⵜ ⵏⵙⴻⵏ ⴼⴼⵖⴻⵏⵜ ⵅ ⵜⴻⵎⵎⵓⵔⵜ ⵎⴰⵔⵔⴰ,
6 ⴰⵎ ⵎⵓⵍⴰⵢ ⵏⵏⵉ ⴷⴷ-ⵉⵙⵙⵉⵊⵊⴻⵏ
7 ⵉⴼⴼⴻⵖ-ⴷⴷ ⵣⴻⴳ ⵉⵊⵊ ⵏ ⵟⵟⴰⵔⴼ ⵏ ⵓⵊⴻⵏⵏⴰ,
8 ⴰⵇⴰ ⵜⴻⴽⵎⴻⵍ ⵛⵛⴰⵔⵉⵄⴰ ⵏ ⵙⵉⴷⵉ,
9 ⵍⵓⵎⵓⵔⴰⵜ ⵏ ⵙⵉⴷⵉ ⵙⴻⴳⴳⴷⴻⵏⵜ,
10 ⵜⵉⴳⴳⵯⵓⴷⵉ ⵣⵉ ⵙⵉⴷⵉ ⵜⴻⵚⴼⴰ,
11 ⵏⵉⵜⴻⵏⵜⵉ ⵊⴻⴱⴱⴷⴻⵏⵜ ⵎⴻⵥⵔⵉ ⴽⵜⴰⵔ ⵅ ⵡⵓⵔⴻⵖ,
12 ⵓⵍⴰ ⴷ ⴰⵎⵙⴻⵅⵅⴰⵔ ⵏⵏⴻⵛ
13 ⴰⵡⴻⴷⴷⴰⵔ, ⵡⵉ ⵣⵣⴰⵢⴻⵙ ⵢⵓⵛⵉⵏ?
14 ⵃⴹⴰ ⴰⵎⵙⴻⵅⵅⴰⵔ ⵏⵏⴻⵛ ⵄⴰⵡⴻⴷ ⵣⴻⴳ ⵓⵄⴻⴼⴼⴰⵔ,
15 ⴰⴷ ⴷⴷ-ⴰⵙⴻⵏ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ