1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵣⴻⵀⵀⴻⴷ ⵏ ⴷⴰⵡⵓⴷ.
2 ⵎⴰⵖⴰⵔ ⴰⵇⴻⵎⵎⵓⵎ ⵏ ⵉⵊⵊ ⵏ ⵓⵄⴻⴼⴼⴰⵏ,
3 ⵏⵏⴹⴻⵏ ⴰⵢⵉ-ⴷⴷ
4 ⵉ ⵜⵡⴰⵔⵔⵉⵜ ⵅ ⵜⵎⴻⵅⵙⵉⵡⵜ ⵉⵏⵓ,
5 ⵏⵉⵜⵏⵉ ⵅⴻⴵⵚⴻⵏ ⴰⵢⵉ ⵍⵅⴰⵔ ⵙ ⵍⵖⴰⵔ,
6 ⴻⴳⴳ ⵅⴰⵙ ⵉⵊⵊ ⵏ ⵓⵄⴻⴼⴼⴰⵏ,
7 ⵎⴰⵍⴰ ⵅⴰⵙ ⵛⴰⵔⵔⵄⴻⵏ,
8 ⴰⴷ ⴷⴻⵡⵍⴻⵏ ⵓⵙⵙⴰⵏ ⵏⵏⴻⵙ ⵓⴷⵔⵓⵙⴻⵏ,
9 ⴰⴷ ⴷⴻⵡⵍⴻⵏ ⵉⵃⴻⵏⵊⵉⵔⴻⵏ ⵏⵏⴻⵙ ⴷ ⵉⵢⵓⵊⵉⵍⴻⵏ,
10 ⴰⴷ ⵜⴻⵍⵍⵄⴻⵏ ⵉⵃⴻⵏⵊⵉⵔⴻⵏ ⵏⵏⴻⵙ ⴷⴰ ⴷ ⴷⵉⵀⴰ,
11 ⴰⴷ ⵉⵜⵜⴰⵔ ⴱⵓ-ⵓⵎⴰⵔⵡⴰⵙ ⵎⴰⵔⵔⴰ ⵎⵉⵏ ⵖⴰⵔⴻⵙ,
12 ⵡⴰⵔ ⵖⴰⵔⴻⵙ ⵉⵜⵜⵉⵍⵉ ⵓⵍⴰ ⴷ ⵉⵊⵊⴻⵏ
13 ⴰⴷ ⵜⵜⵡⴰⵜⴻⵃⵃⴰⵏ ⵜⴰⵔⵡⴰ ⵏⵏⴻⵙ ⴰⵡⴰⵔⵏⵉ ⴰⵙ,
14 ⴰⴷ ⵢⵉⴷⴰⵔ ⵙⵉⴷⵉ ⵍⵎⵓⵄⵚⵉⵢⵢⴻⵜ ⵏ ⵍⴻⵊⴷⵓⴷ ⵏⵏⴻⵙ,
15 ⵉⵍⵉ ⴰⴷ ⴱⴻⴷⴷⴻⵏ ⵍⴻⴱⴷⴰ ⵇⵉⴱⴰⵍⵜ ⵉ ⵙⵉⴷⵉ,
16 ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⵄⵇⵉⵍ
17 ⵏⴻⵜⵜⴰ ⵜⵓⵖⴰ ⵉⵜⵜⴻⵅⵙ ⵏⵏⴻⵄⵍⴻⵜ,
18 ⵓⵎⵉ ⵢⴰⵔⴹ ⵏⵏⴻⵄⵍⴻⵜ ⴰⵎ ⵡⴰⵔⵔⵓⴹ ⵏⵏⴻⵙ,
19 ⴻⵊⵊ ⴰⴷ ⵜⵉⵍⵉ ⵏⵏⴻⵄⵍⴻⵜ ⵏⵏⵉ
20 ⵜⴰ ⴷ ⵍⵎⵓⵏⴻⵜ ⵏ ⵙⵉⴷⵉ ⵉ ⵉⵖⵔⵉⵎⴻⵏ ⵉⵏⵓ,
21 ⵎⴰⵛⴰ ⵛⴻⴽ, ⴰ ⵙⵉⴷⵉ, ⵙⵉⴷⵉ ⵉⵏⵓ,
22 ⵎⴰⵖⴰⵔ ⵏⴻⵛⵛ ⴷⵉ ⵍⴻⵖⴱⴻⵏ ⵓ ⵣⴻⵍⴹⴻⵖ,
23 ⴰⵎ ⵉⵛⵜ ⵏ ⵜⵉⵍⵉ ⵉⵣⵣⵓⴳⴳⴰⵔⵜⴻⵏ ⵇⴻⵟⵟⵉⵖ,
24 ⵉⴼⴰⴷⴷⴻⵏ ⵉⵏⵓ ⵜⵜⴰⵔⵊⵉⵊⵉⵏ ⵙ ⵓⵥⵓⵎⵎⵉ,
25 ⵏⴻⵛⵛ ⴷⴻⵡⵍⴻⵖ ⴰⵙⴻⵏ
26 ⴻⵡⵛ ⴰⵢⵉ ⴰⴼⵓⵙ, ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ,
27 ⵃⵉⵎⴰ ⴰⴷ ⵙⵙⵏⴻⵏ
28 ⵏⵉⵜⵏⵉ ⴷ ⵢⵉⵏⵏⵉ ⵉⵏⴻⵄⵄⵍⴻⵏ,
29 ⴻⵊⵊ ⵉⵖⵔⵉⵎⴻⵏ ⵉⵏⵓ ⴰⴷ ⵢⴰⵔⴹⴻⵏ ⵙ ⵍⴻⴼⴹⵉⵃⴻⵜ,
30 ⵣⴻⴳ ⵡⵓⵍ ⵉⵏⵓ ⴰⴷ ⵇⴰⴷⵉⵖ ⵙⵉⴷⵉ
31 ⵎⴰⵖⴰⵔ ⵏⴻⵜⵜⴰ ⴰⴷ ⵉⴱⴻⴷⴷ