1 ⵇⴰⴷⴰⵎ ⵙⵉⴷⵉ,
2 ⴻⵊⵊ ⵉⵏⵏⵉ ⵉⵜⵜⵡⴰⴼⴻⴽⴽⴻⵏ ⵏ ⵙⵉⴷⵉ
3 ⵉⵏⵏⵉ ⵉⵙⵙⵎⵓⵏ ⵣⵉ ⵜⴻⵎⵎⵓⵔⴰ,
4 ⵜⵓⵖⴰ ⴷⵉⵏ ⵉⵏⵏⵉ ⵉⵡⴻⴷⴷⴰⵔⴻⵏ ⴷⵉ ⵍⴻⵅⵍⴰ,
5 ⴷⴰⵢⵙⴻⵏ ⵍⴰⵥ ⴷ ⵓⴼⴰⴷⵉ,
6 ⵅⴻⵏⵏⵉ ⵙⵖⵓⵢⴻⵏ ⵖⴰⵔ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ,
7 ⵏⴻⵜⵜⴰ ⵉⵏⴷⴻⵀ ⵉ-ⵜⴻⵏ
8 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
9 ⵎⴰⵖⴰⵔ ⵏⴻⵜⵜⴰ ⵉⵙⵙⵊⵊⵉⵡⴻⵏ ⵍⴻⵄⵎⴰⵔ ⵉⴼⴼⵓⴷⴻⵏ,
10 ⵜⵓⵖⴰ ⴷⵉⵏ ⵉⵏⵏⵉ ⵉⵇⵇⵉⵎⴻⵏ
11 ⵎⴰⵖⴰⵔ ⵖⴻⵡⵡⵖⴻⵏ
12 ⵏⴻⵜⵜⴰ ⵉⵙⵙⴻⵇⵏⴻⵄ ⵓⵍ ⵏⵙⴻⵏ ⵙ ⵜⴰⵎⴰⵔⴰ,
13 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
14 ⵏⴻⵜⵜⴰ ⵉⵙⵙⵓⴼⴼⴻⵖ ⵉ-ⵜⴻⵏ ⵣⵉ ⵜⴰⴵⴻⵙⵜ
15 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
16 ⵎⴰⵖⴰⵔ ⵏⴻⵜⵜⴰ ⵢⴰⵔⵥⴰ ⵜⵉⵡⵡⵓⵔⴰ ⵏ ⵏⵏⵃⴰⵙ,
17 ⵜⵓⵖⴰ ⴷⵉⵏ ⵉⴱⵓⵀⴰⵍⵉⵢⵢⴻⵏ ⵉⵏⵏⵉ ⵉⵜⵜⵡⴰⵖⴻⵣⵣⴰⵏ
18 ⵉⵄⵉⴼⴼ ⵍⴻⵄⵎⴰⵔ ⵏⵙⴻⵏ ⵣⵉ ⵎⴰⵔⵔⴰ ⵎⴰⵛⵛⴰ,
19 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
20 ⵏⴻⵜⵜⴰ ⵉⵙⵙⴻⴽⴽ ⴰⵡⴰⵍ ⵏⵏⴻⵙ,
21 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
22 ⴻⵊⵊ ⵉ-ⵜⴻⵏ ⴰⴷ ⴰⵡⵢⴻⵏ ⵜⵉⵡⵀⵉⴱⵉⵏ ⵏ ⵓⵇⴰⴷⵉ,
23 ⵜⵓⵖⴰ ⴷⵉⵏ ⵉⵏⵏⵉ ⵉⵀⴻⴽⴽⵡⴰⵏ
24 ⵥⵔⵉⵏ ⵎⵉⵏ ⵉⴳⴳⴰ ⵙⵉⴷⵉ,
25 ⵎⴰⵍⴰ ⵏⴻⵜⵜⴰ ⵉⵙⵙⵉⵡⴻⵍ,
26 ⴳⴻⵄⵄⴷⴻⵏ ⵖⴰⵔ ⵓⵊⴻⵏⵏⴰ
27 ⵎⴻⵢⵢⵍⴻⵏ, ⵎⴻⵢⵢⵍⴻⵎ
28 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
29 ⵏⴻⵜⵜⴰ ⵢⴰⵔⵔⴰ ⴰⵙⴻⵎⵎⵉⴹ ⴰⴷ ⵢⴰⵔⵙⴰ,
30 ⵏⵉⵜⵏⵉ ⴼⴰⵔⵃⴻⵏ ⵓⵎⵉ ⴰⵔⵙⵉⵏ ⵍⴻⵎⵡⴰⵊ
31 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
32 ⴻⵊⵊ ⵉ-ⵜⴻⵏ ⴰⴷ ⵜ ⵙⵙⵄⵓⴵⴻⵏ
33 ⵏⴻⵜⵜⴰ ⵢⴰⵔⵔⴰ ⵉⵖⴻⵣⵔⴰⵏ ⴷ ⵍⴻⵅⵍⴰ,
34 ⵜⴰⵎⵎⵓⵔⵜ ⵉ ⵉⵜⵜⵉⵛⴻⵏ ⵍⵖⵉⴵⴻⵜ
35 ⵏⴻⵜⵜⴰ ⵢⴰⵔⵔⴰ ⵍⴻⵅⵍⴰ
36 ⴷⵉⵏⵏⵉ ⵉ ⵉⵙⵙⴻⵣⴷⴻⵖ ⵉⵏⵏⵉ ⵉⴵⵓⵥⴻⵏ
37 ⵏⵉⵜⵏⵉ ⵣⴰⵔⵔⵄⴻⵏ ⴷⴻⴳ ⵉⵢⵢⴰⵔⴻⵏ,
38 ⵏⴻⵜⵜⴰ ⵉⴱⴰⵔⴻⴽ ⵉ-ⵜⴻⵏ,
39 ⵅⴻⵏⵏⵉ ⵎⴰⵛⴰ ⴷⴰⴽⴽⵡⴰⵍⴻⵏ ⴷⵉ ⴷⵔⵓⵙ ⵄⴰⵡⴻⴷ,
40 ⵏⴻⵜⵜⴰ ⵉⵜⵜⴽⴻⴱⴱⴰ ⴰⵙⴻⵃⵇⴰⵔ
41 ⵉⵙⵙⴳⴻⵄⵄⴻⴷ-ⴷⴷ ⴰⵎⴻⵣⵍⵓⴹ ⵣⵉ ⵍⴻⵖⴱⴻⵏ
42 ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵜⵜⵡⴰⵍⴰⵏ
43 ⵡⴻⵏⵏⵉ ⴷ ⴰⵎⵉⵖⵉⵙ, ⴻⵊⵊ ⵉ-ⵜ ⴰⴷ ⵉⵃⴹⴰ,