1 ⴱⴰⵔⴻⴽ ⵙⵉⴷⵉ, ⴰ ⵍⴻⵄⵎⴰⵔ ⵉⵏⵓ!
2 ⵏⴻⵜⵜⴰ ⵉⵍⴻⵃⵃⴻⴼ ⵉⵅⴻⴼ ⵏⵏⴻⵙ ⵙ ⵜⴼⴰⵡⵜ
3 ⴰⵇⴰ ⵏⴻⵜⵜⴰ ⴷ ⵡⴻⵏⵏⵉ ⵉⵙⵙⴰⵔⵙⴻⵏ
4 ⴷ ⵡⴻⵏⵏⵉ ⵉⴳⴳⵉⵏ ⵍⵎⴰⵍⴰⴽⴰⵜ ⵏⵏⴻⵙ
5 ⵏⴻⵜⵜⴰ ⵉⵙⵙⴱⴻⴷⴷ ⵜⴰⵎⵎⵓⵔⵜ ⵅ ⴷⵙⵓⵙⴰ ⵏⵏⴻⵙ,
6 ⵛⴻⴽ ⵜⵍⴻⵃⵃⴼⴻⴷ ⴰⵙ ⵙ ⵡⴰⵎⴰⵏ ⵉⵀⴻⵡⵍⴻⵏ
7 ⵏⵉⵜⵏⵉ ⴰⵔⴻⵡⵍⴻⵏ ⵣⴻⴳ ⵓⵙⵉⴳⴳⵯⴻⴷ ⵏⵏⴻⵛ,
8 ⵜⵜⵡⴰⵙⵙⴳⴻⵄⵄⴷⴻⵏ ⵉⴷⵓⵔⴰⵔ,
9 ⵛⴻⴽ ⵜⴻⴳⴳⵉⴷ ⴰⵢⵎⵉⵔ ⵉ ⵡⴰⵎⴰⵏ
10 ⵛⴻⴽ ⴷ ⵡⴻⵏⵏⵉ ⵉⵏⴻⴷⴷⵀⴻⵏ
11 ⴰⵇⴰ ⵡⴰⵔⵔⴷⴻⵏⵜ ⵎⴰⵔⵔⴰ ⵍⵎⴰⵍ ⵏ ⵢⴻⵢⵢⴰⵔ,
12 ⵉⵊⴹⴰⴹ ⵏ ⵓⵊⴻⵏⵏⴰ ⵣⴻⴷⴷⵖⴻⵏ
13 ⵏⴻⵜⵜⴰ ⴰⵇⴰ ⴷ ⵡⴻⵏⵏⵉ ⵉⵜⵜⴻⵙⵙⵓⵏ ⵉⴷⵓⵔⴰⵔ
14 ⵏⴻⵜⵜⴰ ⵉⴳⴳⴰ ⴰⵔⴱⵉⵄ ⵉⵖⴻⵎⵎⵉ ⵉ ⵍⵎⴰⵔ,
15 ⵓ ⴱⵉⵏⵓ ⵏⵏⵉ ⵉⵙⵙⴼⴰⵔⵔⴰⵃⴻⵏ ⵓⵍ ⵏ ⴱⵏⴰⴷⴻⵎ.,
16 ⵜⵉⵛⴻⵊⵊⵓⵔⴰ ⵏ ⵙⵉⴷⵉ ⵜⵜⵢⴰⵡⴰⵏⴻⵏⵜ,
17 ⵎⴰⵏⵉ ⵜⵜⴻⴳⴳⴻⵏ ⵉⵊⴹⴰⴹ ⵍⵄⵓⵛⵛ ⵏⵙⴻⵏ,
18 ⵉⴷⵓⵔⴰⵔ ⵢⵓⵄⵍⴰⵏ ⴰⵇⴰ ⴰⵜⴻⵏ
19 ⵏⴻⵜⵜⴰ ⵉⴳⴳⴰ ⵜⴰⵣⵉⵔⵉ ⴷ ⵍⴻⵄⴱⴰⵔ
20 ⵛⴻⴽ ⵜⴻⵙⵙⴻⴽⴽⵉⴷ-ⴷⴷ ⵜⴰⴵⴻⵙⵜ
21 ⴰⵢⵔⴰⴷⴻⵏ ⵉⵎⴻⵥⵢⴰⵏⴻⵏ
22 ⵎⴰⵍⴰ ⵜⴻⴼⴼⴻⵖ-ⴷⴷ ⵅⴻⵏⵏⵉ ⵜⴼⵓⵛⵜ,
23 ⵅⴻⵏⵏⵉ ⵉⵜⵜⴻⴼⴼⴻⵖ ⴱⵏⴰⴷⴻⵎ
24 ⵎⴰⵎⵎⴻⵛ ⴰⵟⵟⴰⵙ ⵉ ⵜⴻⴳⴳⵉⴷ, ⴰ ⵙⵉⴷⵉ,
25 ⴰⵇⴰ ⴷⵉⵏ ⵍⴻⴱⵃⴰⵔ ⵉⵎⵖⴰⵔ,
26 ⵎⴰⵏⵉ ⴳⴳⵓⵔⴻⵏ ⵉⵖⴰⵔⵔⵓⴱⴰ,
27 ⵏⵉⵜⵏⵉ ⵎⴰⵔⵔⴰ ⵜⵜⵔⴰⵊⴰⵏ ⵛⴻⴽ,
28 ⵎⴰⵍⴰ ⵜⴻⵡⵛⵉⴷ ⴰⵙⴻⵏ, ⵢⴰⵔⵔⵡⴻⵏ ⵏⵉⵜⵏⵉ,
29 ⵎⴰⵍⴰ ⵜⴻⴼⴼⴰⵔⴻⴷ ⵓⴷⴻⵎ ⵏⵏⴻⵛ,
30 ⵎⴰⵍⴰ ⵜⴻⵙⵙⴻⴽⴽⴻⴷ-ⴷⴷ ⴰⵔⵔⵓⵃ ⵏⵏⴻⵛ,
31 ⴰⵄⵓⴵⵉ ⵏ ⵙⵉⴷⵉ ⴰⴷ ⵢⵉⵍⵉ ⵉ ⵍⴻⴱⴷⴰ,
32 ⵎⴰⵍⴰ ⵏⴻⵜⵜⴰ ⵉⵅⴻⵣⵣⴰⵔ
33 ⵏⴻⵛⵛ ⵅⵙⴻⵖ ⴰⴷ ⵖⴻⵏⵏⵊⴻⵖ ⵉ ⵙⵉⴷⵉ
34 ⴰⵅⴻⵎⵎⴻⵎ ⵉⵏⵓ ⴰⴷ ⴷⴷ-ⵢⴰⵙ
35 ⵉⵎⴻⴷⵏⴰⴱ ⴰⴷ ⵜⵜⵡⴰⵜⴻⵃⵃⴰⵏ ⵇⴰⵄ