1 ⵜⴰⵥⴰⴵⵉⵜ ⵏ ⵉⵊⵊ ⵏ ⵍⵎⴻⵙⴽⵙⵉⵏ ⵎⴰⵍⴰ ⵎⴰⵏⴰⵢⴻⵏⵏⵉ ⴷ ⴰⵟⵟⴰⵙ ⵅⴰⵙ, ⵓⵛⴰ ⵅⴻⵏⵏⵉ ⵉⵜⵜⴼⴰⵔⵔⴻⵖ ⵉⵎⵓⵏⴰⵙ ⵏⵏⴻⵙ ⵣⵣⴰⵜ ⵉ ⵙⵉⴷⵉ.
2 ⴰ ⵙⵉⴷⵉ, ⵙⴻⵍ ⵖⴰⵔ ⵜⵥⴰⴵⵉⵜ ⵉⵏⵓ,
3 ⵡⴰⵔ ⵜⵜⴻⴼⴼⴰⵔ ⵓⴷⴻⵎ ⵏⵏⴻⵛ ⵅⴰⴼⵉ
4 ⵎⵉⵏⵣⵉ ⵓⵙⵙⴰⵏ ⵉⵏⵓ ⵄⴷⵓⵏ ⴰⵎ ⴷⴷⴻⵅⵅⴰⵏ,
5 ⵓⵍ ⵉⵏⵓ ⵉⵜⵜⵉⵙⵍⴰⵡ ⵓ ⵢⵓⵥⴻⵖ ⴰⵎ ⴰⵔⴱⵉⵄ,
6 ⵣⵉ ⵙⵙⵉⴱⴱⴻⵜ ⵏ ⵓⵣⴻⵀⵀⴰⵔ ⵢⵓⴵⵖⴻⵏ ⵉⵏⵓ,
7 ⵏⴻⵛⵛ ⴰⵎ ⵢⵉⵊⵊ ⴱⵓ-ⵓⵄⵓⵇⵇⵉ ⵏ ⵓⵊⴹⵉⴹ
8 ⵜⵜⵖⵉⵎⴻⵖ ⴼⴰⵇⴻⵖ ⵙ ⵍⴻⴼⵜⴰⵏⴻⵜ,
9 ⵍⵄⴻⴷⵢⴰⵏ ⵉⵏⵓ ⵜⵜⴻⴽⴽⵡⴰⵔⴻⵏ ⴰⵢⵉ ⴰⵙⵙ ⵎⴰⵔⵔⴰ.
10 ⵎⴰⵖⴰⵔ ⵜⵜᵉⵜⵜⴻⵖ ⵉⵖⵖⴻⴹ ⴰⵎ ⵡⴻⵖⵔⵓⵎ
11 ⵣⵉ ⵙⵙⵉⴱⴱⴻⵜ ⵏ ⵡⴻⵙⵅⴻⴹ ⵏⵏⴻⵛ
12 ⵓⵙⵙⴰⵏ ⵉⵏⵓ ⴰⵎ ⵢⵉⵛⵜ ⵏ ⵜⵉⵍⵉ ⵉⵣⵣⵓⴳⴳⴰⵔⵜⴻⵏ,
13 ⵎⴰⵛⴰ ⵛⴻⴽ, ⴰ ⵙⵉⴷⵉ,
14 ⵛⴻⴽ ⴰⴷ ⵜⴻⴽⴽⴰⵔⴻⴷ ⴰⴷ ⵜⴰⵔⵃⵎⴻⴷ ⵅ ⵚⵉⵀⵢⵓⵏ,
15 ⵎⴰⵖⴰⵔ ⵉⵥⵔⴰ ⵏⵏⴻⵙ ⵓⵙⵉⵏ-ⴷⴷ
16 ⵍⴻⴳⵏⵓⵙ ⴰⴷ ⴳⴳⵯⴻⴷⴻⵏ ⵉⵙⴻⵎ ⵏ ⵙⵉⴷⵉ,
17 ⵅⵎⵉ ⵖⴰ ⵉⴱⵏⴰ ⵙⵉⴷⵉ ⵚⵉⵀⵢⵓⵏ
18 ⴰⴷ ⵉⵍⵀⴰ ⴰⴽ-ⴷ ⵜⵥⴰⴵⵉⵜ ⵏ ⵓⵎⴻⵣⵍⵓⴹ,
19 ⵎⴰⵏ ⴰⵢⴰ ⵉⵜⵜⵡⴰⵔⵉ ⵉ ⵊⵊⵉⵍ ⵉ ⴷⴷ ⵖⴰ ⵢⴰⵙⴻⵏ,
20 ⵎⴰⵖⴰⵔ ⵏⴻⵜⵜⴰ ⴰⵇⴰ ⵉⵙⵙⵉⵊⵊ-ⴷⴷ
21 ⵃⵉⵎⴰ ⴰⴷ ⵉⵙⴻⵍ ⴰⵡⴻⵄⵄⴻⴹ ⵏ ⵓⵎⴻⵃⴱⵓⵙ,
22 ⵎⴰⵃⴻⵏⴷ ⴰⴷ ⴱⴰⵔⵔⵃⴻⵏ
23 ⵅⵎⵉ ⴷⵉⵏⵏⵉ ⵉ ⵖⴰ ⵜⵜⵡⴰⵙⵙⵎⵓⵏⴻⵏ ⵍⴻⴳⵏⵓⵙ,
24 ⵏⴻⵜⵜⴰ ⵉⵙⵙⴰⵔⵅⵓ ⵊⵊⴻⵀⴷ ⵉⵏⵓ ⴰⴽ-ⴷ ⵡⴻⴱⵔⵉⴷ,
25 ⵏⴻⵛⵛ ⵏⵏⵉⵖ: ‘ⵡⴰⵔ ⴷ ⴰⵢⵉ ⴽⴻⵙⵙⵉ
26 ⵣⴻⴳ ⵡⴻⵛⵃⴰⵍ ⵓⵢⴰ ⵜⴻⴳⴳⵉⴷ ⴷⵙⴰⵙ ⵉ ⵜⴻⵎⵎⵓⵔⵜ,
27 ⵉⵏⴰ ⴰⴷ ⴼⵏⴰⵏ, ⵎⴰⵛⴰ ⵛⴻⴽ ⴰⴷ ⵜⴷⵓⵎⴻⴷ.
28 ⵛⴻⴽ ⵎⴰⵛⴰ ⴷ ⵛⴻⴽ,
29 ⵉⵃⴻⵏⵊⵉⵔⴻⵏ ⵏ ⵉⵎⵙⴻⵅⵅⴰⵔⴻⵏ ⵏⵏⴻⵛ