1 ⵎⴰ ⵡⴰⵔ ⵜᵉⵜⵜⵍⵉⵖⵉ ⵜⵉⵖⵉⵜ ⵓ ⵡⴰⵔ ⵜⴻⵙⴳⵉⵄⵄⵉⴷ
2 ⵅ ⵜⵇⵉⵛⵛⴰⵜ ⵏ ⵍⴻⴳⵄⵓⴷⵉ ⵅ ⵡⴻⴱⵔⵉⴷ,
3 ⵖⴰⵔ ⵓⵖⴻⵣⴷⵉⵙ ⵏ ⵜⴻⵡⵡⵓⵔⴰ,
4 “ⵉ ⴽⴻⵏⵏⵉⵡ, ⴰ ⵉⵔⵢⴰⵣⴻⵏ, ⵜⵜⵍⴰⵖⵉⵖ,
5 ⴽⴻⵏⵏⵉⵡ ⵉⵃⴰⴼⵉⵢⵢⴻⵏ,
6 ⵙⵍⴻⵎ, ⵎⵉⵏⵣⵉ ⴰⴷ ⵙⵙⵉⵡⵍⴻⵖ
7 ⵎⴰⵖⴰⵔ ⴰⵏⴻⵖ ⵉⵏⵓ ⴰⴷ ⵢⵉⵏⵉ ⵜⵉⴷⴻⵜⵜ ⵙ ⵏⵏⴻⵢⵢⴻⵜ,
8 ⵎⴰⵔⵔⴰ ⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ
9 ⴰⵇⴰ ⴰⵜⴻⵏ ⵎⴰⵔⵔⴰ ⵚⴼⴰⵏ
10 ⴽⵙⵉⵎ ⵜⵜⴰⵔⴱⵉⵢⵢⴻⵜ ⵉⵏⵓ, ⵡⴰⵔ ⵉⴵⵉ ⵏⵏⵓⵇⴰⵔⵜ,
11 ⵎⴰⵖⴰⵔ ⵜⵉⵖⵉⵜ ⵃⵙⴻⵏ ⵣⵉ ⵍⵎⴰⵔⵊⴰⵏ,
12 ⵏⴻⵛⵛ, ⵜⵉⵖⵉⵜ, ⵣⴻⴷⴷⵖⴻⵖ ⵖⴰⵔ ⵡⴻⴼⵜⴰⵏ,
13 ⵜⵉⴳⴳⵯⵓⴷⵉ ⵏ ⵙⵉⴷⵉ ⴷ ⴰⵛⵔⴰⵀ ⵏ ⵍⵖⴰⵔ,
14 ⵖⴰⵔⵉ ⴰⵛⴰⵡⴰⵔ ⴷ ⵜⵡⵉⵣⴰ,
15 ⵣⵣⴰⵢⵉ ⵃⴻⴽⴽⵎⴻⵏ ⵉⵊⴻⴵⵉⴷⴻⵏ,
16 ⵣⵣⴰⵢⵉ ⵃⴻⴽⴽⵎⴻⵏ ⵍⵃⵓⴽⴽⴰⵎ
17 ⵏⴻⵛⵛ ⵜⵜⴻⵅⵙⴻⵖ ⵎⴰⵔⵔⴰ
18 ⴰⴳⵍⴰ ⴷ ⵛⵛⴰⵏ ⴰⵇⴰ ⴰⵜⴻⵏ ⵖⴰⵔⵉ,
19 ⴼⵔⵓⵜⴰ ⵉⵏⵓ ⵜⴻⵛⵏⴰ ⵅ ⵡⵓⵔⴻⵖ ⵉⵜⵜⵉⵙⵙⵉⵇⴻⵏ,
20 ⵏⴻⵛⵛ ⴳⴳⵓⵔⴻⵖ ⵅ ⵓⵎⴻⵙⵔⵓⵇ ⵏ ⵜⵙⴻⴳⴷⴰ,
21 ⵃⵉⵎⴰ ⴰⴷ ⴰⵔⵔⴻⵖ ⵉⵏⵏⵉ ⴷ ⴰⵢⵉ ⵉⵜⵜⴻⵅⵙⴻⵏ
22 ⵙⵉⴷⵉ ⵉⴳⴳⴰ ⴰⵢⵉ ⴷ ⴰⵎⴻⵣⵡⴰⵔⵓ ⵏ ⵡⴻⴱⵔⵉⴷ ⵏⵏⴻⵙ,
23 ⵣⵉ ⵍⴻⴱⴷⴰ ⵉⵜⵜⵡⴰⵣⴻⴵⴻⵄ ⵅⴰⴼⵉ ⵊⵊⴻⵀⴷ,
24 ⵓⵎⵉ ⵡⴰⵔ ⴷⵉⵏ ⵜⵓⵖⵉ ⵄⴰⴷ ⴰⵎⴰⵏ ⵉⵀⴻⵡⵍⴻⵏ,
25 ⵇⴱⴻⵍ ⵎⴰ ⴰⴷ ⵜⵜⵡⴰⴳⴳⴻⵏ ⵉⴷⵓⵔⴰⵔ,
26 ⵏⴻⵜⵜⴰ ⵜⵓⵖⴰ ⵄⴰⴷ ⵡⴰⵔ ⴷⴷ-ⵉⵅⵍⵉⵇ
27 ⵓⵎⵉ ⵏⴻⵜⵜⴰ ⵉⴳⴳⴰ ⵉⵊⴻⵏⵡⴰⵏ, ⵜⵓⵖⴰ ⴰⵢⵉ ⴷⵉⵏ,
28 ⵓⵎⵉ ⵏⴻⵜⵜⴰ ⵉⴳⴳⴰ ⵉⵙⴻⵢⵏⵓⵜⴻⵏ ⵙⴻⵏⵏⴻⵊ,
29 ⵓⵎⵉ ⵏⴻⵜⵜⴰ ⵉⴳⴳⴰ ⵉ ⵍⴻⴱⵃⴰⵔ ⴰⵢⵎⵉⵔ ⵏⵏⴻⵙ,
30 ⵜⵓⵖⴰ ⴰⵢⵉ ⴷ ⴰⵎⵓⴷⵔⵓⵙ ⵉⵄⵉⵣⵣⴻⵏ
31 ⵜⵜⵉⵔⴰⵔⴻⵖ ⴷⵉ ⵎⴰⵔⵔⴰ ⵜⴰⵎⵎⵓⵔⵜ ⵏⵏⴻⵙ,
32 ⵅⴻⵏⵏⵉ ⵍⴻⵅⵅⵓ, ⴰ ⵉⵃⴻⵏⵊⵉⵔⴻⵏ ⵉⵏⵓ,
33 ⵙⵍⴻⵎ ⵖⴰⵔ ⵜⵜⴰⵔⴱⵉⵢⵢⴻⵜ
34 ⵙⵙⴻⵄⴷ ⵏ ⴱⵏⴰⴷⴻⵎ ⵏⵏⵉ ⵖⴰⵔⵉ ⵉⵙⵍⴰⵏ,
35 ⵎⴰⵖⴰⵔ ⵡⴻⵏⵏⵉ ⴷ ⴰⵢⵉ ⵢⵓⴼⵉⵏ, ⴰⴷ ⵢⴰⴼ ⵜⵓⴷⴰⵔⵜ,
36 ⵡⴻⵏⵏⵉ ⵉ ⴷ ⴰⵢⵉ ⵉⵅⴹⴰⵏ, ⵉⵢⴻⵣⵣⴻⵎ ⵍⴻⵄⵎⴰⵔ ⵏⵏⴻⵙ,