1 ⵎⵎⵉ ⵉⵏⵓ, ⵎⴰⵍⴰ ⵜⴷⴻⵡⵍⴻⴷ
2 ⵎⴰⵍⴰ ⵜⴷⴻⵡⵍⴻⴷ ⵜⴻⵇⵇⵏⴻⴷ
3 ⵅⴻⵏⵏⵉ ⴻⴳⴳ ⵜⴰ, ⴰ ⵎⵎⵉ, ⵓ ⴼⴻⴽⴽ ⵉⵅⴻⴼ ⵏⵏⴻⵛ,
4 ⵡⴰⵔ ⵜⵜⵉⵛ ⵛⴰ ⵉⴹⴻⵚ ⵉ ⵜⵉⵟⵟⴰⵡⵉⵏ ⵏⵏⴻⵛ,
5 ⴼⴻⴽⴽ ⵉⵅⴻⴼ ⵏⵏⴻⵛ ⵣⴻⴳ ⵓⴼⵓⵙ ⵏⵏⴻⵙ
6 ⵓⵢⵓⵔ ⵖⴰⵔ ⵜⴽⴻⴹⴼⴻⵜ, ⵛⴻⴽ, ⴰ ⴰⵎⴻⵄⴳⵓⵣ,
7 ⵡⴰⵅⵅⴰ ⵏⴻⵜⵜⴰⵜ ⵡⴰⵔ ⵖⴰⵔⴻⵙ ⴱⵓ ⵓⵎⴳⴻⵡⵡⴻⴷ,
8 ⵄⴰⴷ ⵜⴻⵙⵙⴻⵡⵊⴰⴷ ⴰⵖⵔⵓⵎ ⵏⵏⴻⵙ ⴷⴻⴳ ⵓⵏⴻⴱⴷⵓ,
9 ⴰⵍ ⵎⴻⵍⵎⵉ ⵖⴰ ⵜⴻⵇⵇⵉⵎⴻⴷ ⵜⴻⵣⵣⵍⴻⴷ,
10 ⴰⵔⵏⵉ ⵛⵡⴰⵢⵜ ⵏ ⵢⵉⴹⴻⵚ,
11 ⴰⵇⴰ ⴷⴰ ⴰⴷ ⵅⴰⴽ ⴷⴷ-ⵉⵡⴹⴰ ⵣⵣⴻⵍⴹ
12 ⴱⵏⴰⴷⴻⵎ ⵉ ⵡⴰⵔ ⵉⵙⴻⴽⴽⵡⵉⵏ, ⴰⵔⵢⴰⵣ ⵏ ⵍⵖⴻⵛⵛ,
13 ⵉⵖⴻⵎⵎⴻⵣ ⵙ ⵜⵉⵟⵟⴰⵡⵉⵏ ⵏⵏⴻⵙ,
14 ⵓⵍ ⵏⵏⴻⵙ ⵉⵛⵛⵓⵔ ⵙ ⵍⴻⵅⴷⴰⵄⴰⵜ,
15 ⵅ ⵓⵢⴰ ⴷⴻⵖⵢⴰ ⴰⴷ ⴷⴷ-ⵢⴰⵙ ⵓⴹⴻⵢⵢⴻⵄ ⵏⵏⴻⵙ,
16 ⵙⴻⵜⵜⴰ ⵏ ⵜⵎⴻⵙⵍⴰⵢⵉⵏ-ⴰ ⵉⵛⴰⵔⵔⴻⵀ ⵉ-ⵜⴻⵏⵜ ⵙⵉⴷⵉ,
17 ⵜⵉⵟⵟⴰⵡⵉⵏ ⵏ ⵏⵏⴼⴰⵅⴻⵜ,
18 ⵓⵍ ⵉⵏⴻⴽⴽⵡⴰⵏ ⵜⵉⵎⴻⵄⵎⴰⵍⵜ ⵉⵖⴻⵛⵛⴻⵏ,
19 ⴰⵛⴻⵀⵀⴰⴷ ⵉⵙⵙⵅⴰⵔⵔⵉⵇⴻⵏ
20 ⴰ ⵎⵎⵉ, ⵃⴹⴰ ⵜⴰⵡⵚⴻⵢⵢⴻⵜ ⵏ ⴱⴰⴱⴰⵛ,
21 ⵇⵇⴻⵏ ⵉ-ⵜⴻⵏⵜ ⵍⴻⴱⴷⴰ ⵅ ⵡⵓⵍ ⵏⵏⴻⵛ,
22 ⵎⴰⵍⴰ ⵜⴻⴳⴳⵓⵔⴻⴷ, ⴰⵢⴰ ⴰⴷ ⵛⴻⴽ ⵉⴳⴻⵡⵡⴻⴷ,
23 ⵎⵉⵏⵣⵉ ⵜⴰⵡⵚⴻⵢⵢⴻⵜ ⴷ ⵍⴻⴼⵏⴰⵔ
24 ⵏⵏⵉ ⵛⴻⴽ ⵉ ⵖⴰ ⵉⵃⴹⴰⵏ ⵣⵉ ⵜⴻⵎⵖⴰⵔⵜ ⵜⴰⵄⴻⴼⴼⴰⵏⵜ,
25 ⵡⴰⵔ ⵄⴻⵛⵛⴻⵇ ⵛⴰ ⴰⵥⵔⵉ ⵏⵏⴻⵙ ⴷⴻⴳ ⵡⵓⵍ ⵏⵏⴻⵛ,
26 ⵎⵉⵏⵣⵉ ⵣⵉ ⵙⵙⵉⴱⴱⴻⵜ
27 ⵎⴰ ⵉⵣⴻⵎⵎⴰⵔ ⵃⴻⴷ ⴰⴷ ⵢⴰⵔⴱⵓ ⵜⵉⵎⴻⵙⵙⵉ
28 ⵎⴰ ⵉⵣⴻⵎⵎⴰⵔ ⵃⴻⴷ
29 ⴰⵎⵎⵓ ⵓⵍⴰ ⴷ ⵡⴻⵏⵏⵉ ⵉ ⵖⴰ ⵢⴰⴷⴼⴻⵏ
30 ⴰⵛⴻⴼⴼⴰⵔ ⵡⴰⵔ ⵜ ⵙⵙⵃⴻⵇⵇⴰⵔⴻⵏ
31 ⵎⴰⵛⴰ ⵎⴰⵍⴰ ⵉⵜⵜⵡⴰⴼ,
32 ⵎⴰⵛⴰ ⵡⴻⵏⵏⵉ ⵉⵜⵜⴻⴳⴳⴻⵏ ⵣⵣⵉⵏⴰ
33 ⴷⵔⵓⵛⵜ ⴷ ⵍⴻⴼⴹⵉⵃⴻⵜ ⴰⴷ ⵜⴻⵏ ⵢⴰⴼ,
34 ⵎⴰⵖⴰⵔ ⵜⵓⵙⵎⵉ ⵜᵉⵜⵜⴰⵡⵉ-ⴷⴷ ⴰⵙⵄⴰⵔ ⵏ ⵡⴻⵔⵢⴰⵣ,
35 ⵡⴰⵔ ⵉⵃⴻⵙⵙⴻⴱ ⴷⴷⴻⵢⵢⴻⵜ ⵉ ⵡⴻⵚⵍⴻⵃ,