1 ⵎⵎⵉ ⵉⵏⵓ, ⵡⴰⵔ ⵜⵜᵉⵜⵜⵓ
2 ⵎⴰⵖⴰⵔ ⵏⵉⵜⴻⵏⵜⵉ ⴰⴷ ⴰⵛ ⴷⴷ-ⵉⵡⵢⴻⵏⵜ
3 ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ
4 ⵅⴻⵏⵏⵉ ⴰⴷ ⵜⴰⴼⴻⴷ ⴰⵔⴹⴰ
5 ⵜⵉⵇⵇ ⴷⵉ ⵙⵉⴷⵉ ⵙ ⵡⵓⵍ ⵏⵏⴻⵛ ⴽⵓⵍⵛⵉ,
6 ⵙⵙⴻⵏ ⵉ-ⵜ ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵛ,
7 ⵡⴰⵔ ⵜⵜⴻⴳⴳ ⵉⵅⴻⴼ ⵏⵏⴻⵛ ⴷ ⴰⵎⵉⵖⵉⵙ.
8 ⴰⵢⴰ ⴰⴷ ⵢⵉⵍⵉ ⴷ ⴰⴳⴻⵏⴼⵓ
9 ⵡⴻⵇⵇⴰⵔ ⵙⵉⴷⵉ ⵙ ⵡⴰⴳⵍⴰ ⵏⵏⴻⵛ,
10 ⵅⴻⵏⵏⵉ ⴰⴷ ⵜⵜⵡⴰⵛⵛⵓⵔⴻⵏ
11 ⵎⵎⵉ ⵉⵏⵓ, ⵡⴰⵔ ⵏⴻⵟⵟⴰⵔ ⵜⵜⴰⵔⴱⵉⵢⵢⴻⵜ ⵏ ⵙⵉⴷⵉ,
12 ⵎⴰⵖⴰⵔ ⵡⴻⵏⵏⵉ ⵉⵙⵙⵄⵉⵣⵣⴰ ⵙⵉⴷⵉ,
13 ⵙⵙⴻⵄⴷ ⵏ ⴱⵏⴰⴷⴻⵎ ⵏⵏⵉ ⵉⵜⵜⴰⴼⴻⵏ ⵜⵉⵖⵉⵜ,
14 ⵎⴰⵖⴰⵔ ⵎⵉⵏ ⵜᵉⵜⵜⴰⵡⵉ ⵏⴻⵜⵜⴰⵜ,
15 ⵏⴻⵜⵜⴰⵜ ⵜⵉⵖⵍⴰ ⵅ ⵍⵎⴰⵔⵊⴰⵏ,
16 ⵜⵓⵣⵣⴻⴳⴳⴰⵔⵜ ⵏ ⵡⵓⵙⵙⴰⵏ ⵖⴰⵔⴻⵙ
17 ⵉⴱⵔⵉⴷⴻⵏ ⵏⵏⴻⵙ ⴷ ⵉⴱⵔⵉⴷⴻⵏ ⵏ ⵍⴻⴹⵔⴰⴼⴻⵜ,
18 ⵏⴻⵜⵜⴰⵜ ⴷ ⵜⴰⵛⴻⵊⵊⴰⵔⵜ ⵏ ⵜⵓⴷⴰⵔⵜ
19 ⵙⵉⴷⵉ ⵉⴳⴳⴰ ⴷⵙⴰⵙ ⵏ ⵜⴻⵎⵎⵓⵔⵜ ⵙ ⵜⵉⵖⵉⵜ ⵏⵏⴻⵙ,
20 ⵣⵉ ⵜⵓⵙⵙⵏⴰ ⵏⵏⴻⵙ ⴷⴷⵓⵇⵇⵣⴻⵏ-ⴷⴷ
21 ⵎⵎⵉ ⵉⵏⵓ, ⵡⴰⵔ ⵜⴻⵏⵜ ⵜⴻⵊⵊⵉⴷ
22 ⵎⴰⵖⴰⵔ ⴰⴷ ⵉⵍⵉⵏ ⴷ ⵜⵓⴷⴰⵔⵜ ⵉ ⵍⴻⵄⵎⴰⵔ ⵏⵏⴻⵛ
23 ⵅⴻⵏⵏⵉ ⴰⴷ ⵜⵓⵢⵓⵔⴻⴷ ⴰⴱⵔⵉⴷ ⵏⵏⴻⵛ ⴷⵉ ⵍⴰⵎⴰⵏ,
24 ⵎⴰⵍⴰ ⵜⵔⵓⵃⴻⴷ ⴰⴷ ⵜⴻⵣⵣⵍⴻⴷ,
25 ⵡⴰⵔ ⵜⵜⴻⴳⴳⵯⴻⴷ ⵣⴻⴳ ⵓⵏⴻⵅⵍⵉⵄ ⵏ ⴷⴻⵖⵢⴰ
26 ⵎⴰⵖⴰⵔ ⵙⵉⴷⵉ ⴰⴷ ⴰⵛ ⵢⵉⵍⵉ ⴷ ⴰⵙⴻⵏⵏⴻⴷ ⵏⵏⴻⵛ,
27 ⵡⴰⵔ ⵇⴻⵟⵟⴻⵄ ⵍⵅⴰⵔ ⵅ ⴱⴰⴱ ⵏⵏⴻⵙ,
28 ⵡⴰⵔ ⵇⵇⴰⵔ ⵉ ⵊⵊⴰⵔ ⵏⵏⴻⵛ:
29 ⵡⴰⵔ ⵏⴻⴽⴽⵡⵉ ⵍⵖⴰⵔ ⴰⴽ-ⴷ ⵊⵊⴰⵔ ⵏⵏⴻⵛ,
30 ⵡⴰⵔ ⵜⴻⵎⵛⵓⴱⴱⵓⵛ
31 ⵡⴰⵔ ⵜⵜⴰⵙⴻⵎ ⵣⴻⴳ ⵉⵊⵊ ⵏ ⴱⵓ-ⵍⴻⵅⵛⵓⵏⴻⵜ,
32 ⵎⴰⵖⴰⵔ ⵡⴻⵏⵏⵉ ⵉⵜⵜⴻⴼⴼⵖⴻⵏ ⵣⴻⴳ ⵡⴻⴱⵔⵉⴷ,
33 ⵏⵏⴻⵄⵍⴻⵜ ⵏ ⵙⵉⴷⵉ
34 ⵎⴰⵍⴰ ⴷ ⵉⵎⴻⵙⵜⴻⵀⵣⴰⵢⴻⵏ,
35 ⵉⵎⵉⵖⵉⵙⴻⵏ ⴰⴷ ⵡⴰⵔⵜⴻⵏ ⵛⵛⴰⵏ,