1 ⵍⴻⵡⵃⵉⵢ ⵏ ⵄⵓⴱⴰⴷⵢⴰ.
2 ⵅⵣⴰⵔ, ⵏⴻⵛⵛ ⴳⴳⵉⵖ ⵛⴻⴽ ⴷ ⴰⵎⴻⵥⵢⴰⵏ ⵊⴰⵔ ⵍⴻⴳⵏⵓⵙ,
3 ⵏⵏⴼⴰⵅⴻⵜ ⵏ ⵡⵓⵍ ⵏⵏⴻⵛ ⵜⴻⵛⵎⴻⵜ ⵉ ⵛⴻⴽ,
4 ⵎⴰⵍⴰ ⵜⴻⵙⵙⴳⴻⵄⵄⴷⴻⴷ ⵉⵅⴻⴼ ⵏⵏⴻⵛ ⴰⵎ ⵓⴳⵉⴷⴻⵔ,
5 “ⵎⴰⵍⴰ ⵓⴷⴼⴻⵏ-ⴷⴷ ⵖⴰⵔⴻⴽ ⵉⵛⴻⴼⴼⴰⵔⴻⵏ,
6 ⴰ ⵎⴰⵎⵎⴻⵛ ⵉ ⵖⴰ ⴰⵔⵣⵓⵏ ⴷⵉ ⵄⵉⵙⵓ,
7 ⵎⴰⵔⵔⴰ ⵉⵔⵢⴰⵣⴻⵏ ⵏⵏⵉ ⵉⴳⴳⵉⵏ ⵉⵊⵊ ⵏ ⵍⵄⴰⵀⴷ ⴰⴽⵉⴷⴻⴽ,
8 ⵎⴰ ⵡⴰⵔ ⵉⵜⵜⵉⵍⵉ ⴷⴻⴳ ⵡⴰⵙⵙ ⵏⵏⵉ, ⵉⵇⵇⴰⵔ ⵙⵉⴷⵉ,
9 ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵏⵏⴻⵛ ⴰⴷ ⵜⵜⵡⴰⵃⵚⴰⵔⴻⵏ
10 “ⵣⵉ ⵙⵙⵉⴱⴱⴻⵜ ⵏ ⵍⵄⵓⵏⴼ ⵅ ⵓⵎⴰⵛ ⵢⴰⵄⵇⵓⴱ,
11 ⴷⴻⴳ ⵡⴰⵙⵙ ⵉ ⴷⵉ ⵜⵓⵖⴰ ⵅⴰⵙ ⵜⴱⴻⴷⴷⴻⴷ,
12 ⵎⴰⵛⴰ ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴻⵇⵇⵉⵎⴻⴷ ⵜⵅⴻⵣⵣⴰⵔⴻⴷ
13 ⵡⴰⵔ ⵉⵄⴻⴷⴷⴻⵍ ⴰⴷ ⵜⴰⴷⴼⴻⴷ ⵖⴰⵔ ⵜⴻⵡⵡⴰⵔⵜ ⵏ ⵍⴳⴻⵏⵙ ⵉⵏⵓ
14 ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴱⴻⴷⴷⴻⴷ
15 “ⵎⴰⵖⴰⵔ ⵢⵓⴷⴻⵙ-ⴷⴷ ⴰⵙⵙ ⵏ ⵙⵉⴷⵉ
16 ⵎⴰⵖⴰⵔ ⴰⵎ ⵎⴰⵎⵎⴻⵛ ⵜⴻⵙⵡⵉⵎ ⴽⴻⵏⵏⵉⵡ
17 ⵎⴰⵛⴰ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ
18 ⵜⴰⴷⴷⴰⵔⵜ ⵏ ⵢⴰⵄⵇⵓⴱ ⴰⴷ ⵜⵉⵍⵉ ⴷ ⵜⵉⵎⴻⵙⵙⵉ,
19 “ⵉⵏⵏⵉ ⵏ ⵜⴻⵎⵎⵓⵔⵜ ⵏ ⵍⵊⴰⵏⵓⴱ
20 ⵓ ⵉⵎⴻⵏⴼⵉⵢⵢⴻⵏ ⵣⵉ ⵍⵄⴻⵙⴽⴰⵔ-ⴰ
21 ⵉⵎⵙⴻⵍⵍⴽⴻⵏ ⴰⴷ ⴳⴻⵄⵄⴷⴻⵏ ⴰⴷⵔⴰⵔ ⵏ ⵚⵉⵀⵢⵓⵏ,