1 ⵉⵏⴰ ⴷ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ, ⵉⵏⵏⵉ ⵅ ⵖⴻⵍⴱⴻⵏ ⴰⵢⵜ ⵏ ⵉⵙⵔⴰⵉⵍ ⵓⵛⴰ ⵅⴻⵏⵏⵉ ⵟⵟⴼⴻⵏ ⵏⵉⵜⵏⵉ ⵜⴰⵎⵎⵓⵔⵜ ⵏⵙⴻⵏ ⴷ ⵍⵡⴰⵔⵜ, ⴰⵖⵉⵔⵉⵏ ⵉ ⵍ’ⵓⵔⴷⵓⵏ ⵣⵉ ⵎⴰⵏⵉⵙ ⵉ ⴷ ⵜⵏⴻⵇⵇⴰⵔ ⵜⴼⵓⵛⵜ, ⵣⵉ ⵜⴻⵖⵣⴰⵔⵜ ⵏ ⴰⵔⵏⵓⵏ ⴰⵍ ⵉⴷⵓⵔⴰⵔ ⵏ ⵃⵉⵔⵎⵓⵏ ⴷ ⵎⴰⵔⵔⴰ ⵍⴻⵡⴹⴰ ⴷⵉ ⵛⵛⴰⵔⵇ.
2 ⵖⴰⵔ ⵓⵎⴻⵣⵡⴰⵔⵓ ⵏⵙⴻⵏ, ⵙⵉⵃⵓⵏ, ⴰⵊⴻⴵⵉⴷ ⵏ ⵉⵎⵓⵔⵉⵢⵢⴻⵏ, ⵡⴻⵏⵏⵉ ⵜⵓⵖⴰ ⵉⵣⴻⴷⴷⵖⴻⵏ ⴷⵉ ⵃⴰⵛⴱⵓⵏ, ⵏⴻⵜⵜⴰ ⵉⵃⴽⴻⵎ ⵅ ⵊⵊⵡⴰⵢⴻⵀ ⵣⵉ ⵄⴰⵔⵓⵄⵉⵔ ⵉ ⵉⴵⴰⵏ ⵖⴰⵔ ⵜⵎⴰ ⵏ ⵜⴻⵖⵣⴰⵔⵜ ⵏ ⴰⵔⵏⵓⵏ, ⴰⵍ ⵍⵡⴻⵙⵟ ⵏ ⵜⴻⵖⵣⴰⵔⵜ, ⵓ ⵅ ⵡⴻⵣⵢⴻⵏ ⵏ ⵊⵉⵍⵄⴰⴷ ⴰⵍ ⵜⵉⵖⵣⴰⵔⵜ ⵏ ⵢⴰⴱⴱⵓⵇ, ⴰⵇⴰ-ⵜ ⴷ ⴰⵢⵎⵉⵔ ⵏ ⴰⵢⵜ ⵏ ⵄⴰⵎⵎⵓⵏ,
3 ⵓ ⵅ ⵍⴻⵡⴹⴰ ⴰⵍ ⵍⴻⴱⵃⴰⵔ ⵏ ⴽⵉⵏⵏⴰⵔⵓⵜ ⴷⵉ ⵛⵛⴰⵔⵇ ⵓ ⴰⵍ ⵍⴻⴱⵃⴰⵔ ⵏ ⵍⴻⵡⴹⴰ, ⵍⴻⴱⵃⴰⵔ ⴰⵎⴻⴵⴰⵃ, ⴷⵉ ⵛⵛⴰⵔⵇ, ⴰⴱⵔⵉⴷ ⵏ ⴱⴰⵢⵜ-ⵢⴰⵛⵉⵎⵓⵜ, ⵓ ⵣⵉ ⵍⵊⴰⵏⵓⴱ ⴰⵍ ⵙⵡⴰⴷⴷⴰⵢ ⵉ ⵜⴻⵢⵙⴰⵔⵉⵏ ⵏ ⴼⵉⵙⵊⴰ.
4 ⵅⴻⵏⵏⵉ ⵜⴰⵎⵎⵓⵔⵜ ⵏ ⵄⵓⵊ, ⴰⵊⴻⴵⵉⴷ ⵏ ⴱⴰⵛⴰⵏ, ⵡⴻⵏⵏⵉ ⵉⴵⴰⵏ ⵣⵉ ⵎⵉⵏ ⵉⵇⵇⵉⵎⴻⵏ ⵣⴻⴳ ⵉⵔⴰⴼⴰⵡⵉⵢⵢⴻⵏ, ⵊⵡⴰⵀⴻⵍ ⵉ ⵜⵓⵖⴰ ⵉⵣⴻⴷⴷⵖⴻⵏ ⴷⵉ ⵄⴰⵛⵜⴰⵔⵓⵜ ⴷ ⵉⴷⵔⴰⵄⵉ.
5 ⵏⴻⵜⵜⴰ ⵉⵃⴽⴻⵎ ⵅ ⵉⴷⵓⵔⴰⵔ ⵏ ⵃⵉⵔⵎⵓⵏ, ⵅ ⵙⴰⵍⵅⴰ ⵓ ⵅ ⵎⴰⵔⵔⴰ ⴱⴰⵛⴰⵏ ⴰⵍ ⵡⴻⵢⵎⵉⵔ ⵏ ⵉⵊⴰⵛⵓⵔⵉⵢⵢⴻⵏ ⴷ ⵉⵎⴰⵄⴽⵉⵢⵢⴻⵏ ⵓ ⵅ ⵡⴻⵣⵢⴻⵏ ⵏ ⵊⵉⵍⵄⴰⴷ ⴰⵍ ⵜⴰⵎⵎⵓⵔⵜ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵃⴰⵛⴱⵓⵏ.
6 ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵡⵜⵉⵏ ⵜⴻⵏ ⵓ ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⵜⵓⵖⴰ ⵉⵡⵛⴰ ⵜⴰⵎⵎⵓⵔⵜ ⵏⵏⵉ ⴷ ⵍⵡⴰⵔⵜ ⵉ ⵉⵔⵓⴱⵉⵏⵉⵢⵢⴻⵏ ⴷ ⵉⵊⴰⴷⵉⵢⵢⴻⵏ ⵓ ⵉ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ.
7 ⵉⵏⴰ ⴷ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ ⵉⵏⵏⵉ ⵅ ⵉⵖⵍⴻⴱ ⵢⴰⵛⵓⵡⴰ ⴷ ⴰⵢⵜ ⵏ ⵉⵙⵔⴰⵉⵍ, ⵖⴰⵔ ⵓⵊⴻⵎⵎⴰⴹ ⵏ ⵍ’ⵓⵔⴷⵓⵏ ⴷⵉ ⵍⵖⴰⵔⴱ, ⵣⵉ ⴱⴰⵄⵍ-ⵊⴰⴷ ⴷⵉ ⵜⴻⵢⵙⴰⵔⵜ ⵏ ⵍⵓⴱⵏⴰⵏ ⴰⵍ ⴰⴷⵔⴰⵔ ⴰⵇⴻⵛⵛⴰⵔ ⵡⴻⵏⵏⵉ ⵉⵙⵙⴳⴻⵄⵄⴷⴻⵏ ⵖⴰⵔ ⵙⴰⵄⵉⵔ. ⵓⵛⴰ ⵢⴰⵛⵓⵡⴰ ⵉⵡⵛⴰ ⵉ-ⵜⵜ ⴷ ⵍⵡⴰⵔⵜ ⵉ ⵜⵇⴻⴱⴱⴰⵍ ⵏ ⵉⵙⵔⴰⵉⵍ ⵄⵍⴰⵃⵙⴰⴱ ⵜⵉⵔⴱⵉⵄⵉⵏ ⵏⵙⴻⵏ,
8 ⴷⵉ ⵜⴻⵎⵎⵓⵔⵜ ⵏ ⵉⴷⵓⵔⴰⵔ ⵓ ⴷⵉ ⵜⴻⵎⵎⵓⵔⵜ ⵉⵡⴰⵟⴰⵏ ⵓ ⴷⵉ ⵍⴻⵡⴹⴰ ⵓ ⴷⵉ ⵜⴻⵢⵙⴰⵔⵉⵏ ⵓ ⴷⵉ ⵍⴻⵅⵍⴰ ⵓ ⴷⵉ ⵜⴻⵎⵎⵓⵔⵜ ⵏ ⵍⵊⴰⵏⵓⴱ: ⵉⵃⵉⵜⵜⵉⵢⵢⴻⵏ, ⵉⵎⵓⵔⵉⵢⵢⴻⵏ, ⴰⵢⵜ ⵏ ⴽⴻⵏⵄⴰⵏ, ⵉⴼⴰⵔⵉⵣⵉⵢⵢⴻⵏ, ⵉⵃⵉⵡⵉⵢⵢⴻⵏ ⴷ ⵉⵢⴰⴱⵓⵙⵉⵢⵢⴻⵏ.
9 ⴰⵊⴻⴵⵉⴷ ⵏ ⴰⵔⵉⵃⴰ: ⴷ ⵉⵊⵊ.
10 ⴰⵊⴻⴵⵉⴷ ⵏ ⵓⵔⵛⴰⵍⵉⵎ: ⴷ ⵉⵊⵊ.
11 ⴰⵊⴻⴵⵉⴷ ⵏ ⵢⴰⵔⵎⵓⵜ: ⴷ ⵉⵊⵊ.
12 ⴰⵊⴻⴵⵉⴷ ⵏ ⵄⴰⵊⵍⵓⵏ: ⴷ ⵉⵊⵊ.
13 ⴰⵊⴻⴵⵉⴷ ⵏ ⴷⴰⴱⵉⵔ: ⴷ ⵉⵊⵊ.
14 ⴰⵊⴻⴵⵉⴷ ⵏ ⵃⵓⵔⵎⴰ: ⴷ ⵉⵊⵊ.
15 ⴰⵊⴻⴵⵉⴷ ⵏ ⵍⵉⴱⵏⴰ: ⴷ ⵉⵊⵊ.
16 ⴰⵊⴻⴵⵉⴷ ⵏ ⵎⴰⵇⵇⵉⴷⴰ: ⴷ ⵉⵊⵊ.
17 ⴰⵊⴻⴵⵉⴷ ⵏ ⵜⴰⴼⴼⵓⵃ: ⴷ ⵉⵊⵊ.
18 ⴰⵊⴻⴵⵉⴷ ⵏ ⴰⴼⵉⵇ: ⴷ ⵉⵊⵊ.
19 ⴰⵊⴻⴵⵉⴷ ⵏ ⵎⴰⴷⵓⵏ: ⴷ ⵉⵊⵊ.
20 ⴰⵊⴻⴵⵉⴷ ⵏ ⵛⵉⵎⵔⵓⵏ-ⵎⴰⵔⴰ’ⵓⵏ: ⴷ ⵉⵊⵊ.
21 ⴰⵊⴻⴵⵉⴷ ⵏ ⵜⴰⵄⵏⴰⴽ: ⴷ ⵉⵊⵊ.
22 ⴰⵊⴻⴵⵉⴷ ⵏ ⵇⴰⴷⴰⵛ: ⴷ ⵉⵊⵊ.
23 ⴰⵊⴻⴵⵉⴷ ⵏ ⴷⵓⵔ ⵅ ⵜⵉⵡⵔⵉⵔⵉⵏ ⵖⴰⵔ ⴷⵓⵔ: ⴷ ⵉⵊⵊ.
24 ⴰⵊⴻⴵⵉⴷ ⵏ ⵜⵉⵔⵚⴰ: ⴷ ⵉⵊⵊ.