1 ⵎⴰ ⵜⴻⵙⵙⵏⴻⴷ ⵎⴻⵍⵎⵉ ⵜⵜⴰⵔⵡⴻⵏⵜ
2 ⵎⴰ ⵜⵣⴻⵎⵎⴰⵔⴻⴷ ⴰⴷ ⵜⵃⴻⵙⴱⴻⴷ
3 ⵏⵉⵜⴻⵏⵜⵉ ⵜⵜⴻⵇⵡⵉⵙⴻⵏⵜ,
4 ⵎⴻⵃⴹⴻⵏ ⵉⵎⴻⵥⵢⴰⵏⴻⵏ ⵏⵙⴻⵏⵜ,
5 ⵎⴰⵏ ⵡⴻⵏ ⵢⴰⵔⵅⵓⵏ ⵉ ⵡⴻⵖⵢⵓⵍ ⵏ ⵍⴻⵅⵍⴰ
6 ⵏⴻⵛⵛ ⵡⵛⵉⵖ ⴰⵙ ⵜⴰⵏⴻⵣⵔⵓⴼⵜ ⴷ ⵜⴰⴷⴷⴰⵔⵜ,
7 ⵏⴻⵜⵜⴰ ⵉⴹⴻⵃⵃⴻⵛ
8 ⵊⵊⵡⴰⵢⴻⵀ ⵏ ⵉⴷⵓⵔⴰⵔ
9 ⵎⴰ ⴰⴷ ⵉⵅⵙ ⵉⵖⴰⵢⴹ ⵏ ⵍⴻⵅⵍⴰ
10 ⵎⴰ ⵜⵣⴻⵎⵎⴰⵔⴻⴷ ⴰⴷ ⵜⵎⴻⵏⵄⴻⴷ
11 ⵎⴰ ⵜᵉⵜⵜⵛⴰⵍⴻⴷ ⵅⴰⵙ,
12 ⵎⴰ ⴰⴷ ⵅⴰⵙ ⵜᵉⵜⵜⴻⵛⵍⴻⴷ
13 ⴰⴼⵔⵉⵡⴻⵏ ⵏ ⵏⵏⵄⴰⵎⴻⵜ ⵛⵛⴰⵜⴻⵏ ⵙ ⵍⵅⴰⴹⴰⵔ.
14 ⵎⴰⵖⴰⵔ ⵜᵉⵜⵜⴻⵊⵊⴰ ⵜⵉⵎⴻⴵⴰⵍⵉⵏ ⵏⵏⴻⵙ
15 ⵜᵉⵜⵜᵉⵜⵜⵓ ⴰⵇⴰ ⵉⵊⵊ ⵏ ⵓⴹⴰⵔ
16 ⵏⴻⵜⵜⴰⵜ ⵜⵇⴻⵙⵙⴻⵃ ⴷⴻⴳ ⵉⵎⴻⵥⵢⴰⵏⴻⵏ ⵏⵏⴻⵙ
17 ⵎⴰⵖⴰⵔ ⴰⵔⴻⴱⴱⵉ ⵉⵊⵊⴰ ⵉ-ⵜⵜ ⴰⴷ ⵜᵉⵜⵜⵓ ⵜⵉⵖⵉⵜ,
18 ⵎⴰⵛⴰ ⵎⴰⵍⴰ ⵜⴻⴽⵙⵉ ⴷⴻⴳ ⵓⴹⴰⵔ ⵏⵏⴻⵙ,
19 ⵎⴰ ⵜⵣⴻⵎⵎⴰⵔⴻⴷ ⴰⴷ ⵜⴻⵡⵛⴻⴷ ⵊⵊⴻⵀⴷ ⵉ ⵓⵢⵉⵙ?
20 ⵎⴰ ⵜⵣⴻⵎⵎⴰⵔⴻⴷ ⴰⴷ ⵜ ⵢⴰⵔⵔ ⵉⵏⴻⵟⵟⵓ
21 ⵅⴻⴱⴱⵛⴻⵏ ⵉⵢⵙⴰⵏ ⵙ ⵉⴹⴰⵔⴻⵏ ⵏⵙⴻⵏ
22 ⵉⴹⴻⵃⵃⴻⵛ ⵅ ⵎⴰⵔⵔⴰ ⵎⵉⵏ ⵉⵙⵙⴰⴳⴳⵯⴰⴷⴻⵏ,
23 ⵉⵜⵜⵇⴰⵔⵇⵓⴱ ⵡⴻⵇⵔⴰⴱ ⵏ ⴼⵍⵉⵜⵛⴰⵜ
24 ⵙ ⴷⴷⵔⵉⵣ ⵏ ⵜⵛⴻⴹⵢⵉⵏ ⴷ ⵣⵣⵄⴰⵎⴻⵜ
25 ⵖⴰⵔ ⵜⵎⵉⵊⵊⴰ ⵏ ⵓⵙⵓⴹⵉ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ
26 ⵎⴰ ⵉⵟⵟⴰⵡ ⵍⴱⴰⵣ ⵣⵉ ⵍⴻⴼⵀⴰⵎⴻⵜ ⵏⵏⴻⵛ,
27 ⵎⴰ ⵉⵙⵙⴳⴻⵄⵄⴰⴷ ⵓⴳⵉⴷⴰⵔ ⵉⵅⴻⴼ ⵏⵏⴻⵙ
28 ⵉⵣⴻⴷⴷⴻⵖ ⵓ ⵉⵙⵙⵏⵓⵙⴰ ⵅ ⵊⵊⴰⵔⴼ,
29 ⵙⵙⴻⵏⵏⵉ ⵉⵃⴻⵟⵟⴰ ⵣⵣⴰⵔⴷⴻⵜ,
30 ⵉⵎⴻⵥⵢⴰⵏⴻⵏ ⵏⵏⴻⵙ ⵙⴻⴽⴽⴼⴻⵏ ⵉⴷⴰⵎⵎⴻⵏ